PSOEren historikoak alderdiaren norabidea aztertzeko bildu dira
Hainbat PSOEren buruzagi ohi Madrilen bildu dira egoera politikoa aztertzeko. Gobernua sortzeko dauden zalantzak medio, alderdiak egin behar egin behar duena aztertu dute, balizko itunei begira. Madrilgo hotel batean bazkaria egin dute eta Jose Luis Corcuera ministro ohiak bultzatu du. Bere ustez, alderdiak Podemosekin bat egingo balu, "akats larria litzateke, PSOEri eta Espainiari ez lioke mesederik egingo".
Corcuerak adierazpenok egin ditu bazkarira sartu aurretik. Bertan izan dira Juan Carlos Rodríguez Ibarra Extremadurako presidente ohia, Joaquín Leguina Madrilgo Erkidegokoa, Carlos Solchaga Ogasun ministro ohia, Francisco Fernandez Marugan diputatu ohia eta Antonio Miguel Carmona Madrilgo udaleko zinegotzi ohia, besteak beste.
PSOEren Batzorde Federala datorren larunbatean bilduko da Podemosen proposamena aztertzeko. Corcuerak sozialistentzat lukeen efektu negatiboaz ohartu du: "Podemosekin bat egitea akats larria litzateke, PSOEri eta Espainiari ez lioke mesederik egingo". Horrela azpimarratu du 1988 eta 1993 urteen bitartean Barne ministroa izan zenak.
Ministro ohiaren arabera, bileran parte hartu dutenak "ez dira alderdiaren estamendu bat", militanteak baizik, "zahar deitzen diren horietakoak". Halere, "ehunka alderdikiderekin hitz egiteko gai" direla azpimarratu du.
Rodriguez Ibarrak gobernua sortzeko dauden arazoak azpimarratu ditu eta Podemosekin gobernua egitearen aurka azaldu da, ez baita gehiengo absolutua lortzeko nahikoa. "PPren edo Ciudadanosen abstentzioa behar dugu (eta ez dirudi hala egingo dutela) edo ERCrena, Convergenciarena eta Bildurena (eta nik ez dut halakorik nahi)", gaineratu du.
Extremadurako presidente ohiak aitortu du onena "herrialdeak bizi duen egoera arriskuan jarriko ez lukeen" formula bat litzatekeela, baina gaineratu du: "Orain ez zait horrelakorik burura etortzen".
Albiste gehiago politika
Covite: "ETArekin eta bere inguruarekin egindako akordio judizialek zigorgabetasuna bultzatzen dute"
Consuelo Ordoñez buru duen elkartearen esanetan, akusatuek onartu egin dute 'ongi etorri'ek "biktimak umiliatzen" zituztela.
Pradalesen ustez, "gizartearen aktibazioa funtsezkoa den arren, euskarak legedia eta segurtasun juridikoa behar ditu"
Lehendakariak euskararen etorkizunari begira "jauzi kualitatiboa" emateko beharra azpimarratu du eta, testuinguru horretan, normalizazio prozesuan paradigma berri bat ezartzeko beharra adierazi du, "konfrontazioa saihestuta".
"Erdietsi dugun akordioarekin Euskal Herriko bake prozesua blindatu egin dugu"
Akordioa lortuta, espetxea saihestuko dute 2016 eta 2020 urteen artean 120 presoen ongietorriak antolatzeagatik Auzitegi Nazionalean auzipetutako 6 kideek.
Akordioa erdietsita, espetxea saihestuko dute presoen ongietorriak antolatzeagatik auzipetutako 6 kideek
2 urteko espetxea ezarri zaie, eta hainbat baldintza beteta, bertan behera geratuko da. Besteak beste, ezingo dute parte hartu biktimak umiliatzea eragin dezakeen ekitaldietan. Auzipetuek onartu egin dute antolatu zituzten ongietorriekin biktimei min egin zietela.
Epaileak baztertu egin du Abalos eta Koldo Garcia espetxera bidaltzea, eta kautelazko neurriei eutsi die
Hortaz, magistratuak ez du onartu Alderdi Popularra buru duen akusazioak eskatutako behin-behineko kartzelaldia. Jose Luis Abalos Garraio ministro ohiak adierazi du zabaldu diren grabaketetan ez duela bere ahotsa ezagutzen. Are gehiago, grabaketak ez ote dituzten manipulatu susmoa azaldu du. Koldo Garciak, berriz, ez deklaratzea erabaki du.
Espainiak akordioa lortu du NATOrekin, Defentsan % 5 gastatzetik salbuesteko
Sanchez presidenteak jakinarazi du Espainiak bere BPGaren % 2,1 bideratuko duela defentsarako gastura, "ez gehiago, ez gutxiago", eta horrek NATOrekin dituen konpromiso guztiak bermatzeko aukera emango diola. Sanchezen iragarpena "ke-laino" gisa ikusten du Feijook, Yolanda Diazentzat akordioa "norabide egokian doa" eta NATOrekin "ezer ez sinatzeko" eskatu dio Ione Belarrak.
Gerraren kontrako mezua emateko baliatu dute Bilbon, urtero, gudariei eta milizianoei egiten zaien omenaldia
Gogora Institutuak, Bilboko Udalak eta memoria-elkarteek gerra zibileko gudariak eta milizianoak gogoratu dituzte 'Aztarna' eskulturaren ondoan, Artxandan. Ekitaldia duela 19 urtetik egiten da, bakearekiko eta bizikidetzarekiko konpromisoa berresteko.
Osasun Ituna ixteko Jaurlaritzak duen "konpromisoa erakusteko unea iristear" dela uste du EH Bilduk
Koalizio abertzalearen arabera, "une erabakigarria da honakoa euskal osasun zerbitzua indartzeko" eta "dinamika pribatizatzaileari buelta emateko". Horregatik, EH Bilduk "irmoki" inplikatzeko eskatu dio Eusko Jaurlaritzari, eta baita EAJri eta PSE-EEri ere.
“Bakea eta giza eskubideak” aldarrikatu ditu EAJk, Agirre lehendakariaren irudiaren aurrean egin duen lore-eskaintzan
Gerra Zibileko gudari eta milizianoei Artxandan egin dioten omenaldira joan aurretik, lore-eskaintza egin dio EAJk Agirre lehendakariaren irudiari, Bilbon. Ekitaldi horretan, Iñigo Ansola BBBko buruak AEBk Irani egindako erasoa salatu du.
UCOren txostena izango da protagonista bihar Nafarroako Parlamentuko Mahaiaren eta Bozeramaileen Batzordean
Txostenaren arabera, Santos Cerdan PSOEren Antolakuntza idazkaria izandakoak komisioak jaso zituen Nafarroako Gobernuak esleitutako hainbat obra publikoren truke.