Rajoyk independentistekin ituna egiteko 'gai' ikusten du Sanchez
Mariano Rajoy Espainiako Gobernuko presidenteak esan du Pedro Sanchez PSOEren burua "zortzi edo bederatzi alderdirekin" koalizioa bilatzeko "gai" ikusten duela, tartean independentistekin, eta ohartarazi du hori ez litzatekeela ona izango Espainiarentzat.
Rajoy Kongresura joan da diputatu akreditazioa hartzera, eta berretsi egin du PSOErekin eta Ciudadanosekin itun handia egiteko proposamena, "250 diputatuko talde indartsua" osatuko litzatekeelako, eta horrekin "Espainian eta atzerrian lasaitasun, egonkortasun eta segurtasun mezua" zabalduko litzatekeelako.
Hala eta guztiz ere, kazetariei esan die ez diola hitz egiteko inolako asmorik ikusten Sanchezi, eta argi adierazi duela ez duela PPren gobernu bat erraztuko.
Jarduneko presidenteak berretsi du bere proposamena babesten jarraituko duela, lortu arte, "lortuz gero".
Baina ezin izan omen dio eskaintza zehatzik egin Sanchezi "ez duelako entzun nahi izan", eta inbestidura ekitaldian helarazi beharko dio.
Ordura arte, "ezkutuko elkarrizketak" izango omen ditu bakoitzak duen borondatea ezagutzeko, baina onartu du badakiela zein den buruzagi sozialistarena, ez duelako PPren Gobernu bat inola ere babesteko asmorik.
Horren harira, prozesuan hitz ere egin nahi ez zuen jendea dagoela gaitzetsi du, eta aurrerantzean "entzuteko, hitz egiteko eta iritziak trukatzeko" prest egongo direla espero du.
Mariano Rajoyk ez du xehetasunik eman nahi izan beste alderdi politiko batzuekin izan dituen elkarrizketen inguruan. Azaldu duenez, etengabeko elkarrizketa prozesua da hau, eta jarraitu egin behar du.
PPren presidentegaiak uste du hiru direla aukerak: berak proposatzen duen ituna, independentistak eta autodeterminazioaren aldeko indarrak barne hartzen dituen "ezker muturreko" koalizioa, eta hauteskunde orokorrak errepikatzea.
Dena dela, aukera onena berea omen da, Estatuak behar duena "egonkortasuna, segurtasuna, susperraldi ekonomikoa indartzea eta hazkundearen bidean jarraitzea" delako, eta horretarako aukera bakartzat ikusten du berea.
Zure interesekoa izan daiteke
Peinadori espedientea irekitzea aztertuko du Botere Judizialaren Kontseilu Nagusiak, Poliziari buruz esandakoagatik
Begoña Gomez auzipetzeko kaleratutako autoan epaileak esan du Poliziak ihes egiteko laguntza eman liezaiokeela Espainiako Gobernuko presidentearen emazteari.
Peinado epaileak Begoña Gomez epaitzea erabaki du, eta pasaportea kendu dio
Espainiako Gobernuko presidentearen emazteak ustez egindako delituak ikertzen ari da epailea, eta ahozko epaiketa abiatu aurretik hartu ditu kautelazko neurriak. Halaber, Espainiatik ateratzea debekatu dio, eta hamabostean behin epaitegian agertu beharko du. Defentsaren abokatuak helegitea jarriko du.
Londresera Euskadi "kritikatzera" eta etxebizitzaz hitz egitera joatea egotzi dio EAJk EH Bilduri, bere ekarpena "zero" izan arren
Iñigo Ansola EAJren BBBko presidenteak Pello Otxandiano Eusko Legebiltzarreko EH Bildu koalizioko burua kritikatu du aste honetan Londresera joateagatik, EH Bilduk etxebizitzari buruz egindako proposamena aurkeztera, "Euskadi zalantzan jarri eta kritikatzeko". Horren harian, Euskadin etxebizitza publikoa eraikitzeko egin duen ekarpena "zero" dela esan du.
Anduezak esan du PSE-EEk gogoz, esku garbiz eta indarrez jarraitzen duela udal eta foru hauteskundeetarako
Eneko Andueza PSE-EEko idazkari nagusiak adierazi du sozialistek herritarren kezkak konpontzeko lanean jarraitzen dutela. Datorren urteko udal eta foru hauteskundeei begira, gogoz, esku garbiz eta indarrez jarraitzen dutela esan du.
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Maiatzeko hauteskunde autonomikoekin eta udal hauteskundeekin batera ez direla egingo erantsi du, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten, eta euskara lekua irabazten joan den arren, legeak bere horretan jarraitzen du, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administratiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.