Ezkerreko gobernua osatzearen alde dago Susana Diaz, baina ez edozelan
Susana Diaz Andaluziako presidente eta erkidego horretako sozialisten buruzagiak babesa agertu dio gaur Pedro Sanchez alderdiko idazkari nagusiari, eta Rajok gobernua osatzeko saiakeran kale egiten badu, sozialistak gobernu 'progresista' bat eratzearen estrategiaren alde egin du. Baldintza ipini du, dena dela. Izan ere, Diazen iritzian, gobernu hori ezin da "edozelan osatu, ezin da Espainiaren batasuna zalantzan jarri", ohartarazi du.
Canal Sur Radio irrati kateari eskainitako elkarrizketa batean, atzo Sanchezek Lisboan agertutako asmoa babestu du Diazek. Azaldu duenez, PSOEren batzorde federalak ere estrategia horren alde egin du, hori bai, "marra gorria" ezarrita, alegia, autodeterminazio eskubidearen aldarria bazter uzten ez dutenekin -Podemosi erreferentzia eginda- negoziatzea.
Kritikak Podemosi
Hain justu, Pablo Iglesiasen alderdiaren kontra egin du Andaluziako presidenteak. Kongresuan lau talde parlamentario izan nahi ditu Podemosek, bana Kataluniako, Galiziako eta Valentziako hautagaitzengatik. Diazen aburuz, asmo hori "engainagarria da", alderdi bakar gisa aurkeztu den arren, "lauren moduan kobratzeko helburua duelako".
"Lezioak eman nahi dizkigute eta gero besteen halako lau kobratu nahi dute", kritikatu du. Pablo Iglesiaren kontrako hitzak ere izan ditu Diazek, "zurikeriatan" ibiltzea leporatu dio: "Gizarte Larrialdiaren Legea proposatu du eta Andaluzian horren inguruko ekimenak blokeatu dituzte", azaldu du.
PSOEko buruzagiaren esanetan, "M15aren eta herritarren ahotsa direla dioten horiek ez dute etxegabetzeez eta bazterketa sozialaz hitz egiten, autodeterminazio eskubideaz baizik".
Hori horrela, Podemosek autodeterminazio eskubidearen aldarriari muzin egiten ez badio "lurraldeko hautagaitzekin ezkutuko itun bat duen seinale" da, Diazek nabarmendu duenez.
PSOEk kongresu federala noiz egin beharko lukeen galdetuta, otsailean "ezinezkoa" dela azpimarratu du Andaluziako presidenteak. "Egokitzen denean eta batzorde federalak hala erabakitzen duenean egingo dugu", laburbildu du.
laburbildu du.Zure interesekoa izan daiteke
Peinadori espedientea irekitzea aztertuko du Botere Judizialaren Kontseilu Nagusiak, Poliziari buruz esandakoagatik
Begoña Gomez auzipetzeko kaleratutako autoan epaileak esan du Poliziak ihes egiteko laguntza eman liezaiokeela Espainiako Gobernuko presidentearen emazteari.
Peinado epaileak Begoña Gomez epaitzea erabaki du, eta pasaportea kendu dio
Espainiako Gobernuko presidentearen emazteak ustez egindako delituak ikertzen ari da epailea, eta ahozko epaiketa abiatu aurretik hartu ditu kautelazko neurriak. Halaber, Espainiatik ateratzea debekatu dio, eta hamabostean behin epaitegian agertu beharko du. Defentsaren abokatuak helegitea jarriko du.
Londresera Euskadi "kritikatzera" eta etxebizitzaz hitz egitera joatea egotzi dio EAJk EH Bilduri, bere ekarpena "zero" izan arren
Iñigo Ansola EAJren BBBko presidenteak Pello Otxandiano Eusko Legebiltzarreko EH Bildu koalizioko burua kritikatu du aste honetan Londresera joateagatik, EH Bilduk etxebizitzari buruz egindako proposamena aurkeztera, "Euskadi zalantzan jarri eta kritikatzeko". Horren harian, Euskadin etxebizitza publikoa eraikitzeko egin duen ekarpena "zero" dela esan du.
Anduezak esan du PSE-EEk gogoz, esku garbiz eta indarrez jarraitzen duela udal eta foru hauteskundeetarako
Eneko Andueza PSE-EEko idazkari nagusiak adierazi du sozialistek herritarren kezkak konpontzeko lanean jarraitzen dutela. Datorren urteko udal eta foru hauteskundeei begira, gogoz, esku garbiz eta indarrez jarraitzen dutela esan du.
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Maiatzeko hauteskunde autonomikoekin eta udal hauteskundeekin batera ez direla egingo erantsi du, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten, eta euskara lekua irabazten joan den arren, legeak bere horretan jarraitzen du, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administratiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.