PSOEk gobernatzeko agiria aurkeztuko die gaur alderdiei
PSOE gobernu akordio bat adostu nahi duen alderdiekin negoziatzen hasiko da gaur. Horretarako negoziazio batzordeei proposamenen agiri bat aurkeztuko die.
Txostena goizean banatuko dute sozialistek, eta, ondoren, IUrekin (12:30), Ciudadanosekin (16:00) eta Compromisekin (18:00) bilduko dira Kongresuan, balizko akordio batean sartzeko puntuak aztertzeko.
Litekeena da PSOEren negoziazio batzordea aste honetan biltzea EAJrekin, baina oraindik ez dute datarik zehaztu.
Sozialistek Podemosi ere igorriko diote euren dokumentua, Ciudadanosekin negoziazioa zabalik duten bitartean Pablo Iglesias buruzagiak Pedro Sanchez PSOEko idazkari nagusiarekin hitz egitea baztertu badu ere. Ciudadanosekin harremanetan jarraituko duela esan du PSOEk.
Ciudadanosek, bere aldetik, PPrekin elkarrizketa bide bat izan nahi duela iragarri du, nahiz eta sozialisten oniritzirik ez izan.
Bestalde, Sanchez eta Mariano Rajoy Gobernuaren jarduneko presidentea aste honetan biltzekoak dira Kongresuan, baina akordio batera heltzeko batere itxaropenik gabe.
Datozen egunetan, ERC eta Democracia i Llibertat alderdietako buruzagiekin ere bildu nahi du Sanchezek, eta inbestidurarako babesik ez diela eskatuko aurreratu du.
Zazpi ardatz
PSOEren agiriak zazpi ardatz ditu. Aurrena politika ekonomikoaren norabide aldaketa da, bidezko susperraldi ekonomikoa lortzeko, eta lanpostu gehiago eta hobeak sortzeko.
Desberdintasunaren aurkako borroka, gizarte larrialdietarako plan bat eta gutxieneko diru-sarrera bat onartzea, eta etxegabetzeekin eta pobrezia energetikoarekin amaitzea dira beste lehentasunak.
Horiekin batera, ustelkeriaren kontrako borroka, hezkuntzaren inguruko ituna, segurtasun legea indargabetzea eta Kataluniaren arazoa konpontzeko Konstituzioaren erreforma martxan jartzea lehenetsiko ditu PSOEk.
Zure interesekoa izan daiteke
PPk irabaziko lituzke hauteskundeak Extremaduran, 29 eserleku lortuta, botoen % 75 zenbatu dutenean
PSOEk 18 eserleku izango lituzke (hamar gutxiago), inoizko emaitzarik txarrena lortuz. VOXek 11 eserleku lortuko lituzke (sei gehiago), eta Unidas por Extremadurak 7 eserleku lortuko lituzke, duela bi urte baino hiru gehiago.
Extremadurako hauteskundeetako parte hartzea % 50,60koa izan da 18:00etan, 2023an baino 6,5 puntu txikiagoa
890.985 herritarrek dute botoa emateko eskubidea. Inkesten arabera, PPk irabaziko ditu bozak, gehiengo osorik lortuko ez badu ere, eta PSOEk zartakoa hartuko du. Voxek eta Unidasek, aldiz, gora egingo dute, inkestek iragarritakoa betez gero.
Estebanek uste du hauteskunde orokorrak izango direla Espainian 2026an
La Sexta telebista-katean egindako elkarrizketa batean, EAJko presidenteak adierazi du Espainiako hauteskunde orokorrak aurreratu egingo direla. Horren ustez, 2026an izango dira, Espainiako legegintzaldiak ezin baitio gehiago eutsi. EAJren buruaren arabera, Pedro Sanchezek "ezin du bere burua ostruka baten antzera ezkutatu, ezta VOXen atzean ere".
Ernaik eskuin-muturraren igoeraren aurka antolatzeko deia egin die gazteei
Bilbon egindako mobilizazioan, gazte erakundeak ideia erreakzionarioak eta euskararen aurkako erasoak salatu ditu. Itsas Kapitaintzaren aurrean, Espainiako bandera bat erre eta Bilbo euskalduna, antifaxista eta feminista aldarrikatu du. Era berean, ELAk eta LABek martxorako deitu duten greba orokorrarekin bat egin du, eta independentzia helburu dutela antolatzeko deia egin die gazteei.
Alderdiak mokoka berriro, Mancisidor arartekoaren izendapena eta PP-EH Bildu liskarra tarteko
Javier De Andres EAEko PPko buruzagiak aitortu duenez, "akaso exterminio hitza erabiltzea ez zen egokiena izan". Dena dela, EH Bildu "anomalia politiko bat" dela esan du PPk. Koalizio abertzaleak EAJren eta PSE-EEren "ekidistantzia" salatu du.
PSE-EEk dio EH Bilduk behin betiko aldendu behar duela ezker abertzaleko gazte batzuek egindako ekintzetatik
Urteko balantzea egin du Jose Ignacio Asensiok, eta pozik agertu da PSE-EEk Gipuzkoako Aldundian eta Jaurlaritzan egindako lanarekin eta lortutakoarekin. Hala ere, arduratua ere badagoela dio: azkenaldian ezker abertzalearen gazteek izandako jarrera aurpegiratu dio EH Bilduri, eta horrekin amaitzeko eskatu dio.
EH Bilduk politikan dauden ate birakariak salatu ditu
EH Bilduren ustez, aste honetan ikusitakoa ez da inolaz ere politika eredugarria. PPrekin izandako talkaz gain, Ararteko berriaren aukeraketa eta ate birakarien gaia jarri dituzte adibide gisa. Nerea Kortajarenak esan du horrela ez direla euskal herritarrak ordezkatzen.
Javier De Andresek onartu du "agian" ez zirela "oso egokiak" izan EH Bilduri esandako hitzak
Santiago Lopez Alderdi Popularreko legebiltzarkideak Radio Euskadiko Parlamento de las Ondas saioan parte hartu du, eta, besteak beste, ostegunean Legebiltzarrean izandako polemika izan du hizpide.
Txomin Letamendi, frankismoan torturen ondorioz hildako gudaria, omendu dute ostiral honetan Ondarroan
Gogora Institutuak frankismoaren biktimatzat aitortu berri du; izan ere, Letamendi, orain 75 urte hil zuen polizia frankistak, Madrilen, torturatua. EAJko kide eta frankismoaren kontrako erresistentziaren ikur izan zen. Haren gorpua berreskuratu ondoren, Artxandan zabaldu zituzten bere errautsak.
Sanchez: "Oso albiste ona da, herritarrengan eragina duten gaiak sustatzeko estrategia indartzen du eta"
Espainiako Gobernuko presidenteak balioan jarri du lehendakariak Makroeskualde Atlantikoa abian jartzeko egindako lana, sinergiak sustatuko baititu parte hartzen duten eskualdeen artean, hala nola azpiegiturak, konektibitatea edota komunikazioak hobetzeko.