Gonzalo Bernal: 'Jaume Matas presidentearen aginduak ziren beti'
Balear Uharteetako Gobernuak Noos kontratatzeko prozesuan “aginduak beti Jaume Matas presidentearenak” zirela ziurtatu du gaur Gonzalo Bernal Illesport Fundazioko zuzendari ohiak.
Bernalek Noos auzia epaitzen ari den epaitegiaren aurrean inputatu gisa deklaratu du gaur, Palmako Auzitegian. Illesport Fundazioko zuzendari ohiak argitu duenez, gaiak ez zituen “sekula” Matasekin zuzenean jorratu, baina Jose Luis Ballester Kirol zuzendari nagusiaren eta Dulce Linares kabineteko buruzagiaren aginduak Exekutiboko buruzagiarenak ziren.
Ana Lamas fiskalaren eta Virginia Lopez Negrete Manos Limpiaseko abokatuaren galderak erantzun ditu Bernalek. Banesto txirrindularitza taldearen babesle jarraipena egiteko bulegoa eta kirol eta turismo bi foroak antolatzeko bi hitzarmenak “hitzezko kontratu” batekin esleitu zituztela esan du goi-kargudun ohiak, Iñaki Urdangarinek biak proposatu zituelako.
Matasekin harreman zuzenik ez zuela adierazi du Bernalek, baina Ballesterren eta Linaresen aginduak presidentearenak bakarrik izan zitezkeela erantsi du; izan ere, zuzendari nagusiaren eta kabineteko buruzagiaren gasturako ahalmena gainditzen zuten (guztira, 2,5 milioi euro).
Txirrindularitza taldeko babesle bulegoa martxan jartzeko kontratazioa (300.000 euro) ohiko erara egiterik izan ez zegoela ziurtatu du Bernalek. Bestela kontratazio irregularra izango litzatekeela azaldu du. Urdangarinek Balear Uharteetako Gobernuari proposatutako babeslea inposaturik zegoela gaineratu du.
Lehiaketa publikorik gabe
Urdangarinen eta Diego Torresen erakundeak turismo eta kirol foroak 2005ean eta 2006an antolatzeko lankidetza hitzarmenei dagokionez, zerbitzuen prestazio bat denez lehiaketa publiko bat deitzea edo bi diru-laguntza ematea egokiena zela onartu du Bernalek.
Gainera, Illesportek ez zituen Noosen fakturak egiaztatu eta Illes Balears Forumeko gastuak ordaintzera mugatu zen: 1,2 eta 1,1 milioi euro.
Bestalde, Manuel Gonzalez Peetersek, Diego Torresen abokatuak, Bernali “txirrindularitza taldea Balear Uharteetara nola heldu zen?” galdera errepikatu dionean goizeko anekdota gertatu da. Babesle kontratuari edo taldeari erreferentzia egiten ari ote zen galdetu dio akusatuak, eta abokatuak “taldeari” erantzun dio. “Hegazkinean”, esan du Bernalek.
an du Bernalek.Zure interesekoa izan daiteke
Peinado epaileak Begoña Gomez epaitzea erabaki du, eta pasaportea kendu dio
Espainiako Gobernuko presidentearen emazteak ustez egindako delituak ikertzen ari da epailea, eta ahozko epaiketa abiatu aurretik hartu ditu kautelazko neurriak. Halaber, Espainiatik ateratzea debekatu dio, eta hamabostean behin epaitegian agertu beharko du.
Londresera Euskadi "kritikatzera" eta etxebizitzaz hitz egitera joatea egotzi dio EAJk EH Bilduri, bere ekarpena "zero" izan arren
Iñigo Ansola EAJren BBBko presidenteak Pello Otxandiano Eusko Legebiltzarreko EH Bildu koalizioko burua kritikatu du aste honetan Londresera joateagatik, EH Bilduk etxebizitzari buruz egindako proposamena aurkeztera, "Euskadi zalantzan jarri eta kritikatzeko". Horren harian, Euskadin etxebizitza publikoa eraikitzeko egin duen ekarpena "zero" dela esan du.
Anduezak esan du PSE-EEk gogoz, esku garbiz eta indarrez jarraitzen duela udal eta foru hauteskundeetarako
Eneko Andueza PSE-EEko idazkari nagusiak adierazi du sozialistek herritarren kezkak konpontzeko lanean jarraitzen dutela. Datorren urteko udal eta foru hauteskundeei begira, gogoz, esku garbiz eta indarrez jarraitzen dutela esan du.
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Maiatzeko hauteskunde autonomikoekin eta udal hauteskundeekin batera ez direla egingo erantsi du, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten, eta euskara lekua irabazten joan den arren, legeak bere horretan jarraitzen du, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administratiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.
Peinado epaileak pieza berri bat ireki du Begoña Gomez auzian, eta beste bi delitu egotzi dizkio Sanchezen emazteari
Sumarioaren zati nagusiari buruzko atariko entzunaldia astelehenean egin zuen magistratuak, eta pieza berri bat zabaltzea erabaki du orain, prebarikazioa eta EBri iruzur egitea egotzita.