Podemosek Kataluniako galdeketa sartu du PSOEri egindako eskaintzan
Katalunian galdeketa egitea "ezinbesteko" neurria da Podemosentzat, eta, hori dela eta, gai hori gehitu dio Podemosek gobernu programari buruz PSOEri bidaliko dion eskaintzan. Podemosek "berme guztiekin" Katalunian galdeketa egitea eskatu du, eta galderak "bakarra eta argia" izan behar duela uste du. Dena den, ez du erreferendumerako datarik zehaztu.
Podemosen "Gobernu egonkorra eta bermeduna osatzeko oinarri politikoak" dokumentuak zehazten duenaren arabera, Kataluniako erreferendumak berme demokratiko, juridiko eta logistiko guztiak izan behar ditu. Alderdi moreak gaineratu duenez, Espainiako Konstituzioaren 92. artikuluak garrantzi berezia duten erabaki politikoen inguruan erreferendumak egitea "ahalbidetzen eta babesten" du.
Halaber, Gobernu egiturari buruzko proposamena ere egin dio Podemosek PSOEri. Ildo horretan, Espainiako Gobernuaren baitan Plurionazionalitate, Administrazio Publiko eta Udal gaietarako ministerio bat osatzea proposatu du; hain zuzen ere, ministerio horren helburuetako bat Katalunian erreferendum prozesua bultzatzea litzateke.
Pablo Iglesias Podemoseko idazkari nagusiak azaldu duenez, orain ez da eserlekuez hitz egiteko garaia, eta behin Gobernuaren osaketa negoziatzen denean zehaztu beharko da zein alderdik eta nork beteko dituzten eserlekuak. Hala ere, haren esanetan, Gobernua osatuko duten alderdiek Espainiako hauteskunde orokorretan izandako emaitzen araberako ordezkaritza izan behar dutela.
Iglesiasen esanetan, Podemosek PSOErekin, Podemosen Kataluniako, Galiziako eta Valentziako taldeekin, IUrekin eta Compromisekin osatu nahi du gobernua eta talde horiei luzatuko die dokumentua, baina baita Ciudadanosi, ERCri, DiLi edota EAJri ere.
PSOEk Podemosi: "Pablo, ez dakizun non zauden"
Pedro Sanchezen denborak ez "errespetatzea" egotzi dio PSOEk Pablo Iglesias Podemoseko buruari. "Pablo, ez dakizu non zauden. Noiz agindu dizu estatuburuak gobernua osatzen saiatzeko?", erantzun dio Antonio Hernando PSOEk Espainiako Diputatuen Kongresuan duen bozeramaileak Podemosi.
"Egunak daramatzagu zain, berehala, beraiek nahi dutenean eseriko gara Podemosekin, eta erreferendum horri ezetz esango diogu", gaineratu du.
Zure interesekoa izan daiteke
Mendozaren eta Asensioren arteko ika-mika gogorra, Ayesa afera dela eta
Ayesa operazioaren inguruko ikuspuntu ezberdinek lehertu dute xextra Gipuzkoako Aldundiko bazkideen artean. Jose Ignacio Asensio PSE-EEko kideak "lidergo falta" egotzi die Eider Mendoza Gipuzkoako diputatu nagusi eta Jon Insausti Donostiako alkate jeltzaleei. Mendozak "desleialtasuna" leporatu dio Jasangarritasuneko diputatuari.
Ciriza, Belateko tunelen lanen esleipenari buruz: "Ez nuen ezer ikusi"
Santos Cerdanek ezer agindu zionik ukatu du, eta lanen esleipena erabat legezkoa izan zela ziurtatu du. Bere hitzetan, ez zen egon inolako esku-hartze politikorik.
Adamuzeko eta Gelidako istripuetan gertatutakoa "erabat" argitzeko konpromisoa hartu du Puentek
Garraio eta Mugikortasun Iraunkorreko ministroak barkamena eskatu die Rodaliesen zerbitzuaren erabiltzaileei eta zerbitzuaren egoera azaldu du.
Burujabetza eta XXI. mendeko nazioa aztertuko ditu Gure Eskuk bigarren konferentzia subiranistan
Iaz Irunen egin zuen lehen konferentziaren ondoren, otsailaren 28an Bilbon egingo du bigarrena eta, besteak beste, Omnium Cultural-eko lehendakaria, Xavier Antich, izango dute gonbidatu.
Arantza Zulueta eta Jon Enparantza abokatuak espetxeratzeko agindu du Auzitegi Nazionalak
Zuluetari zazpi urte eta erdiko zigorra ezarri zioten, ETAko kide izatea, armak eta lehergaiak izatea, eta Halboka egituraren buru izatea egotzita. Enparantza, berriz, lau urteko kartzelara zigortu zuten, ETAko kide izatea leporatuta.
Melgosa: "Euskadi pantailen gaineko herri-estrategia integral bat prestatzen ari da, erantzun sinpleez harago"
Nerea Melgosa Ongizate, Gazteria eta Erronka Demografikoko sailburuak astearte honetan adierazi duenez, Eusko Jaurlaritzak "pantailei eta ongizate emozionalari" buruzko eztabaida du agendan, eta "erantzun sinple edo isolatuetatik harago" doan "herri-estrategia integrala" lantzen ari da.
Eusko Jaurlaritzak "irizpide teknikoengatik" egin zuen Alfredo De Migueli hirugarren gradua ematearen aurka
Alfredo de Miguel Arabako EAJren buruzagi ohiaren kexa baten ostean, espetxe-zaintzako epaileak Tratamendu Batzordearen ebazpenari beste modu batean erantzun zion, eta Eusko Jaurlaritzak, "Zuzenbide Estatuetan egin behar den moduan", ebazpen judizial irmoa betearazi besterik ez zuen egin, Maria Ubarretxena Eusko Jaurlaritzaren bozeramaileak adierazi duenez.
Alokairuan etxebizitza bakarra duten jabeei ezkutu soziala zabaltzea adostu du EAJk Espainiako Gobernuarekin
EAJrekin lotutako akordio horren funtsa astearte honetan Ministroen Kontseiluak onartutako ezkutu sozialaren errege lege-dekretu berriaren barruan dago. Lege-dekretu horrek aurreikusten du, besteak beste, errentatzailea edukitzaile handi bat edo funts putre bat denean etxegabetzeko prozedura eta bonu sozial energetikoa 2026ko abenduaren 31ra arte luzatzea.
Pentsioak eta etxegabetzeak bi dekretutan onartuko ditu Espainiako Gobernuak
Espainiako Gobernuak pentsiodunek otsaileko nominan aurreikusitako igoera galtzea saihestu nahi du, Kongresuak omnibus dekretua onartzeari uko egin ostean. Dekretu horrek ezkutu sozialerako neurriak biltzen zituen.
Pasaiako portuaren eskumena arrazoi "ideologikoengatik" eskatu izana leporatu dio Itxasok EAJri
Etxebizitza eta Hiri Agendaren sailburuak ere hitz egin du azken egunotan sozialistek eta jeltzaleek Pasaiako portuaren harira izan duten ika-mika politikoaren inguruan. EAJk Pasaiako portuaren kudeaketa Eusko Jaurlaritzaren esku egotea eskatzeak abiatu zuen polemika.