Fernandez: 'Polizia indarkeriaren biktimak aitortu egin behar dira'
Polizia indarkeriaren biktimak aitortzearen beharra nabarmendu du Jonan Fernandez Eusko Jaurlaritzako Bake eta Bizikidetza idazkariak. Haren esanetan, etika, demokrazia eta bizikidetza arrazoiengatik eta "iluntasuna zegoen tokian argi pixka bat" jartzeagatik egin behar da aitortza hori.
Giza eskubideen urraketak jasan dituzten aitortu gabeko biktimentzako erreparazio-proposamenei buruzko jardunaldia egiten ari dira gaur Donostiako Kursaal jauregian, eta bertan egin ditu adierazpenok Jonan Fernandezek. Iñigo Urkullu lehendakariak emango dio amaiera jardunaldiari, polizia indarkeriaren biktima izan direnei aitortza instituzionala eginez.
Iaz, ETAren biktimekin ekitaldi publikoa egin zuen lehendakariak eta barkamena eskatu zien Eusko Jaurlaritzak emandako tratuagatik. Horren ondotik, polizia indarkeriaren biktimak biltzen dituen Egiari Zor fundazioak "antzerako" keinu publiko bat egiteko eskatu zion Jaurlaritzari.
Eusko Jaurlaritzak polizia indarkeriaren biktima izaera aitortu zien ostegunean 187 pertsonari. 239 pertsonak eskatu zuten polizia indarkeriaren eta gehiegikerien biktima izaera aitortzeko eta 187 eskaera onartu dituzte, eskaeren % 78. Aipaturiko polizia gehiegikeriak 1969 eta 1978 bitartean egindakoak dira.
Kursaal jauregian egiten ari den jardunaldiaren irekiera ekitaldian Fernandezek azaldu duenez, 1978tik 1999ra bitartean giza eskubideen urraketa edo bidegabeko sufrimendua pairatu zutenak aitortzeko legea onartzeko izapideak egiten ari dira. Horren hitzetan, araudi hori beharrezkoa da etika, demokrazia eta bizikidetza arrazoiengatik.
"Lege horren beharra justifikatzen duen lehendabiziko arrazoia oraindik aitortuak eta erreparatuak izan ez diren biktimak eurak dira", adierazi du Fernandezek. Ildo horretan, arrazoi horren "izaera etikoa" azpimarratu du.
Bake eta Bizikidetza idazkariak zehaztu duenez, bigarren arrazoia "demokratikoa" da: "Lege honek estatuak egindako abusuak, gehiegikeriak eta bidegabeko ekintzak aitortzea dakar". "Zenbait pertsona aitortza mota horren beldur dira; izan ere, aitortza hori egiteak terrorismoa justifikatzea edota Zuzenbide Estatua ahultzea dakarrela uste dut. Hala ere, guztiz kontrakoa da", gaineratu du.
Bestalde, lege horrek bizikidetzaren normalizazioan eta iraganaren memoria kritikoa eraikitzen ere lagundu dezakeela uste du. Azaldu duenez, ETAren biktimek "babesa, aitortza eta erreparazioa" aitortzen dieten lege zehatzak dituzte, "hobetu daitezkeen arren". Hala eta guztiz ere, errepresio jokabide bidegabeen biktimak "babesik" gabe daudela eta, normalizaziora bidean, biktima horiek ere babestu behar direla esan du.
Albiste gehiago politika
Gorenak Cerdan inputatu du eta ekainaren 30erako deitu du bere deklarazioa
Epaileak bost enpresaburu ere deitu ditu deklaratzera ikertu gisa. Esleipenen truke ustez legez kanpoko eskupekoak ordaindu zituzten enpresen administratzaileak dira.
Ainhoa Unzuk ordezkatuko du Ramon Alzorriz PSNren Parlamentuko bozeramaile bezala
Unzuk iragarri duenez, lehenik eta behin, "nire talde parlamentarioko kide bakoitzarekin hitz egingo dut, erabakia ezagutzen baitute", eta, ondoren, Foru Gobernua osatzen duten gainerako talde politikoen bozeramaileekin.
UCO Ferrazen sartu da, epaileak aginduta, Santos Cerdanen posta klonatzeko
Ikerketako iturriek jakitera eman dutenez, agenteak PSOEren egoitzara, ADIFen instalazioetara eta Errepide Zuzendaritza Nagusira joan dira, Leopoldo Puente Auzitegi Goreneko epaileak eskatutako informazioa eskatzeko.
UCO Ferrazen sartu da, epailearen aginduz, Cerdanen posta klonatzeko
Ikerketako iturriek jakitera eman dutenez, agenteak PSOEren egoitzan, Adifen instalazioetan eta Errepide Zuzendaritza Nagusian sartu dira, Leopoldo Puente Auzitegi Goreneko epaileak eskatuta.
Cerdanek asteazkeneko bere deklarazioa bertan behera uzteko eta uztailera atzeratzeko eskatu dio epaileari
Auziaren konplexutasuna eta duen oihartzun soziala aipatu ditu idatzian buruzagi sozialista ohiaren abokatuak, data atzeratzea eskatzeko.
Eusko Jaurlaritzak azken hamar urteetako kontratu publikoak berrikusiko ditu
Imanol Pradales lehendakariak azaldu duenez, ez dute ustelkeria zantzurik edo susmorik aurkitu, ezta UCOren txostenean aipatzen diren enpresekin kontraturik ere.
Abalosen hitzetan, Cerdan eta Garciaren “ustelkeria dinamika” Nafarroatik zetorren, eta “erabili” egin dute
Garraio ministro ohiak Ser irrati kateari eskaini dion elkarrizketan azaldu duenez, Cerdanek eta Koldok Ministerioan jarri zuten, eta, ondoren, "presioa" egin zioten kontratazio publikoetan "eragiteko".
PSNk gaur aukeratuko du Alzorrizen ordezkoa, azken horrek Cerdan auziagatik dimisioa eman ondoren
Atzo zabaldutako ohar batean, Servinabarrek ukatu egin zuen Santos Cerdanekin inolako loturarik duenik, eta nabarmendu zuen ikertzaileek ez dutela orain arte delitu zantzurik ikusi enpresaren jardunean.
Servinabarrek ukatu egin du Santos Cerdanekin inolako loturarik duela
Enpresa eraikitzaileak gogorarazi duenez, ez diote deliturik leporatu "ez UCOren txostenean", ezta ikerketa judizialean ere. Gainera, Antxon Alonso Egurrola administratzailearen eta Cerdanen arteko harremana "pertsonala" eta "bakoitzaren jarduera profesionaletatik kanpokoa" dela gaineratu du.
Zazpi ministro sozialisten eta PPko hainbat buruzagi ohiren datu pertsonalak argitaratu ditu ultraeskuineko Telegram talde batek
Mezu horiek agertu diren Telegram taldeak 92.000 jarraitzaile baino gehiago ditu, eta Alvise Perezen jarduera politikoarekin lotutako argitalpenak zabaltzeko erabiltzen dute erabiltzaileek, baita Espainiako Gobernuari eraso egiteko edo mezu xenofoboak zabaltzeko ere.