Otegi, aske
Goizeko bederatzietarako lau minutu geratzen zirela, irribarretsu eta emozio betean atera da Logroñoko espetxetik Arnaldo Otegi. Han, 7. ziegan, eman ditu azken sei urte eta erdiak. Kanpoaldean, harrera egitera joandako ehunka lagunak bildu dira, ikurrinak, arrano beltzaren eta euskal presoen aldeko banderak aldean.
Itzalean 2.331 egun eman ditu guztira. Batasuna berrantolatzea egotzita, Auzitegi Gorenak ezarritako zigorra osorik bete du Otegik. Eguzkiak eta Logroñoko kartzelaren kanpoaldean bildutako senitartekoek, lagunek eta politikariek egin diote harrera ezker abertzaleko buruzagiari. Une historikoaren lekuko izan dira beste hainbat kazetari ere.
"Espainiako espetxe batetik preso politiko bat atera da gaur"
Beltzez jantzita, lehen besarkada Hodei semeari eman dio. Gero, ahal zuen moduan jendartean aurrera eginez eta besarkadak eta musuak banatuz, metro gutxitara paratutako agertoki txikira hurbildu da Otegi. Han egin ditu bere lehen hitzak.
Azpimarratu duenez, "Espainiako espetxe batetik preso politiko bat atera da gaur. Batzuk esaten dute Espainiar Estatuan ez dagoela preso politikorik. Kamera horiei begiratu behar diezue ikusteko badaudela bai, preso politikoak", zeren argudiatu duenez, "halakorik ez da ikusten preso sozialak libre uzten dituztenean, immigranteak kanporatzen dituztenean edo desjabetzeak daudenean".
Esaldi borobil batekin amaitu du Otegik bere berbaldi laburra: "Lehendakari onena, alkate onena, herria", EAEn aurten egitekoak diren hauteskunde autonomikoak hizpide.
Logroñoko espetxe kanpoaldean egin ditu Otegik bere lehen adierazpenak. Argazkia: EiTB (Oihane Yustos).
Ezker abertzaleko ordezkaritza zabala
200 bat lagunek egin diote harrera. Sortuko eta ezker abertzaleko aurpegi ezagunak ikusi ahal izan dira Logroñon: Hasier Arraiz Sortuko presidentea, Pernando Barrena, Joseba Permach, Tasio Erkizia, Joseba Alvarez, Iker Casanova edota Pablo Gorostiaga. Martin Garitano Gipuzkoako ahaldun nagusi ohia eta Miren Zabaleta Bateragune auzian Otegirekin batera zigortutakoa ere, han ziren. EH Bilduko koalizioaren ordezkari ugari ere bildu dira Logroñon, besteak beste, Pello Urizar EAko idazkari nagusia. Kataluniatik etorriak, bestalde, Anna Gabriel CUPeko diputatua eta David Fernandez bozeramaile ohia. Fermin Muguruza eta Lluis Llach (Junts Pel Siko parlamentaria ere bada) abeslariek ere ez dute une gogoangarria galdu nahi izan.
Espainiako Poliziaren eta Guardia Zibilaren agenteek lehendabiziko ongietorri ekitaldi hau zaindu dute, Eloy Velasco Auzitegi Nazionaleko epaileak emandako aginduari jarraiki.
Albiste gehiago politika
Autobus batek Nafarroa eta Gipuzkoa zeharkatuko ditu, Mikel Zabalzaren oroimenez
Gazte nafarra hilik agertu zen Bidasoa ibaian 1985ean, Guardia Zibilak atxilotu eta 20 egunera.
Israeli arma enbargoa ezartzea onartu du Espainiako Gobernuak
Edonola ere, errege dekretuak klausula bat aurreikusten du, eta, horren arabera, salbuespen kasuetan eta Estatuaren interesaren eta interes orokorraren izenean, Ministroen Kontseiluak Israelekin merkataritza harremanak baimendu ahalko ditu.
Goiak Donostiako autobus geltokiko kafetegia lekuz aldatzea proposatu du, itxarongunea handitzeko
Donostiako alkatearen arabera, "garai batean aurreikusi zen gaur egun instalazio hori erabiltzen duten autobus askok, Gasteiz eta Bilbo jatorri-helmuga dutenek, desagertuko zirela 'euskal Y' abiadura handiko trenaren zerbitzua martxan jartzean", baina "asko atzeratzen" ari da. "Ez dakigu zein urtetan erabili ahal izango dugun abiadura handiko trena", deitoratu du.
Eusko Jaurlaritzak adierazi du Txiki eta Otaegi biktimak direla, eta eskatu du urteurrena ez dezatela instrumentalizatu
"'Txiki' eta Otaegi gobernu frankistak fusilatu zituen, biktimak dira, eta giza eskubideen urraketa onartezina jaso zuten, baina urteurren hau ezin da instrumentalizazio gisa erabili", adierazi du Maria Ubarretxena Eusko Jaurlaritzaren bozeramailea gobernu bilareraren osteko prentsaurrekoan.
Jon Goikolea, Arkautiko akademiako zuzendari berria
Goikolea Juan Mari Atutxaren eskuineko eskua izan zen Segurtasun sailburu izan zen urteetan. Miren Dobaranek abuztuan utzi zuen kargua, Amaya Angulo zuzendariordearekin batera. Biek urtebete eskas egin zuten postuan.
"Txiki eta Otaegi ez ziren heroiak ezta martiriak izan": Fernando Buesa Fundazioak eta Covitek fusilamenduen urteurrenean ETA goratzea salatu dute
Bi elkarteek, halaber, ohar bateratu bidez, erakunde publiko, lokal, autonomiko eta estatuko guztiei eskatu diete "pertsona horien omenezko ekitaldiak ez sustatzeko eta ez babesteko".
Pirinio Atlantikoetako Prefeturak Ipar Euskal Herriko lau udal auzitara eraman ditu, Palestinako bandera zabaltzeagatik
Funtzio publikoak jokatu behar duen neutraltasunaz ez jardutea leporatzen die Urruña, Ozaze, Izura eta Itsasuko udalei. Ipar Euskal Herriko beste lau herriko etxek ere zabaldu dute Palestinako bandera, eta ikusteko dago Prefeturak horien aurkako auzibidea hasten duen ala ez.
Imanol Pradales lehendakariak jarrera "irmoagoa eta batuagoa" eskatu dio Europar Batasunari Gazako sarraskiaren aurrean
Gazako sarraskiaren aurrean, Europak “jarrera irmoagoa eta batuagoa” behar duela esan du gaur goizean Imanol Pradales lehendakariak, Europar Batasunak Espainian dituen enbaxadoreei egindako harreran. Tartean, Alemania, Italia, eta Herbehereetako enbaxadoreak zeuden, Palestinako estatua aitortu ez dutenak. Lehendakariak dioenez, jarrera irmoagoa ez izateak “sinesgarritasuna kentzen dio” Europar Batasunari.
Ipar Euskal Herriko hamar bat herrik Palestinako bandera eskegi dute, debekuaren gainetik
Pirinio-Atlantikoko prefekturak Palestinako bandera udaletxetik kentzera behartu zion Mauleko udalari, Frantziako Errepublikako printzipioak urratzen zituela argudiatuz. Debeku horren aurrean, Ipar Euskal Herriko hamar bat herrik bandera eskegi dute elkartasunez. Horien artean daude, Urruña, Itsasu, Izura, eta Baigorri.
Arabako Aldundiak biozientzien sektorerako pizgarri fiskalak aztertuko ditu
Proposamen hori ikus-entzunezkoen industriarako indarrean dauden pizgarri fiskalen antzekoa da, eta produkzio-kostuaren gaineko kenkariak jasotzen ditu, besteak beste.