'Bakea promestu genuen eta ekarri egin dugu; orain irabaztea falta da'
"Hitz eman genuen bakea ekarriko genuela, eta ekarri dugu. Orain irabaztea falta da", adierazi du Arnaldo Otegi esker abertzaleko buruzagiak, espetxetik atera eta gero sorterrian, Elgoibarren, egin dioten ongietorri ekitaldian.
Batasuneko bozeramaile ohiak hitzaldi laburra eskaini du, ehunka jarraitzaileren aurrean, jai giroan egindako ekitaldian. Bertan senideak, lagunak, politikariak eta herritarrak izan dira.
Buruzagi abertzalea "pozik" agertu da, "lehen bizkartzainak zituzten pertsonak orain bakean eta aske bizi daitezkeelako". "Eta zintzoki pozten naiz, baina gaur bihotzean ditudanak 30 urtez espetxeetan seme-alabak bisitatu dituzten gurasoak dira", gaineratu du.
Hitzaldian, Otegik esan du "independentisten ate birakari bakarrak espetxeenak" direla, besteenak "administrazio kontseiluenak" diren bitartean.
Horren ildotik, aipatu du Soraya Saenz de Santamaria Espainiako Gobernuko jarduneko presidenteordeak esan duela "terrorista arriskutsua" dela. "Ba, martxoak 3ko sarraskiaren urteurrenerako egun gutxi falta direnean, Los Chikos del Maiz taldeko abesti baten hitzak gogora ekarri nahi ditut: 'terrorismoa Manuel Fraga da, Gasteizen (langileak) hiltzen'". "Argi gera dadila ez dudala nik esaten, Los chikos del maizek esan duela, badaezpada", erantsi du.
Bestalde, Otegik zehaztu du "gure borroka" ez dela inoiz izan "herri gazteleraren, Vallecaseko langileen eta Andaluziako jornalarien aurka, baizik eta herrien askatasuna eta langileen berdintasuna ukatzen dituzten elite ekonomikoen eta oligarkikoen kontra".
"Eta orain, zer? Irabaztea tokatzen da. Bizikidetza eta bakea bai, baina askatasuna eta berdintasuna ere bai", nabarmendu du.
Otegik aurreratu du autokritika egingo dutela, eta hori egitea "indar seinalea" dela iritzi dio, "ez ahultasun seinalea".
"Baina herri honekin konpromisoa dugulako egingo du autokritika, ez eliteek eskatzen digutelako. Herri hau da onartzen dugun epaile bakarra. Horregatik, ez dugu arazorik izango herri honi esateko zer egin dugun gaizki eta zer ondo", adierazi du.
Halaber, Otegik Rafa Diez LAB sindikatuko idazkari nagusi ohia ekarri du gogora, Bateragune auzian kondenatutako bosten artean espetxean jarraitzen duen bakarra baita.
Otegirekin batera, aita, emaztea eta bi seme-alabak izan dira Elgoibarko plazan jarritako oholtzan. Atzean, buruzagi abertzalearen argazki erraldoi bat, "Presoak Etxera" aldarriarekin.
aldarriarekin.Albiste gehiago politika
Bolaños ikertzea proposatu dio Gorenari Peinado epaileak, dirua bidegabe erabiltzeagatik eta lekukotza faltsuagatik
Azalpen arrazoitua igorri du magistratuak Auzitegi Gorenera, Presidentzia eta Justizia ministroa ikertzea eskatuz.
Gastu militarrera % 2,1 bideratuko duela berretsiko du Sanchezek NATOren goi-bileran, presioak presio
Aliantza Atlantikoa osatzen duten 32 herrialdeetako ordezkariak Hagan elkartuko dira gaur eta bihar. Orotora, 45 estatuburu eta gobernuburu espero dira. Bigarren aldiz AEBko presidente kargua hartu zuenetik, lehen aldiz joango da Trump goi-bilerara.
Covite: "ETArekin eta bere inguruarekin egindako akordio judizialek zigorgabetasuna bultzatzen dute"
Consuelo Ordoñez buru duen elkartearen esanetan, akusatuek onartu egin dute 'ongi etorri'ek "biktimak umiliatzen" zituztela.
Pradalesen ustez, "gizartearen aktibazioa funtsezkoa den arren, euskarak legedia eta segurtasun juridikoa behar ditu"
Lehendakariak euskararen etorkizunari begira "jauzi kualitatiboa" emateko beharra azpimarratu du eta, testuinguru horretan, normalizazio prozesuan paradigma berri bat ezartzeko beharra adierazi du, "konfrontazioa saihestuta".
"Erdietsi dugun akordioarekin Euskal Herriko bake prozesua blindatu egin dugu"
Akordioa lortuta, espetxea saihestuko dute 2016 eta 2020 urteen artean 120 presoen ongietorriak antolatzeagatik Auzitegi Nazionalean auzipetutako 6 kideek.
Akordioa erdietsita, espetxea saihestuko dute presoen ongietorriak antolatzeagatik auzipetutako 6 kideek
2 urteko espetxea ezarri zaie, eta hainbat baldintza beteta, bertan behera geratuko da. Besteak beste, ezingo dute parte hartu biktimak umiliatzea eragin dezakeen ekitaldietan. Auzipetuek onartu egin dute antolatu zituzten ongietorriekin biktimei min egin zietela.
Epaileak baztertu egin du Abalos eta Koldo Garcia espetxera bidaltzea, eta kautelazko neurriei eutsi die
Hortaz, magistratuak ez du onartu Alderdi Popularra buru duen akusazioak eskatutako behin-behineko kartzelaldia. Jose Luis Abalos Garraio ministro ohiak adierazi du zabaldu diren grabaketetan ez duela bere ahotsa ezagutzen. Are gehiago, grabaketak ez ote dituzten manipulatu susmoa azaldu du. Koldo Garciak, berriz, ez deklaratzea erabaki du.
Espainiak akordioa lortu du NATOrekin, Defentsan % 5 gastatzetik salbuesteko
Sanchez presidenteak jakinarazi du Espainiak bere BPGaren % 2,1 bideratuko duela defentsarako gastura, "ez gehiago, ez gutxiago", eta horrek NATOrekin dituen konpromiso guztiak bermatzeko aukera emango diola. Sanchezen iragarpena "ke-laino" gisa ikusten du Feijook, Yolanda Diazentzat akordioa "norabide egokian doa" eta NATOrekin "ezer ez sinatzeko" eskatu dio Ione Belarrak.
Gerraren kontrako mezua emateko baliatu dute Bilbon, urtero, gudariei eta milizianoei egiten zaien omenaldia
Gogora Institutuak, Bilboko Udalak eta memoria-elkarteek gerra zibileko gudariak eta milizianoak gogoratu dituzte 'Aztarna' eskulturaren ondoan, Artxandan. Ekitaldia duela 19 urtetik egiten da, bakearekiko eta bizikidetzarekiko konpromisoa berresteko.
Osasun Ituna ixteko Jaurlaritzak duen "konpromisoa erakusteko unea iristear" dela uste du EH Bilduk
Koalizio abertzalearen arabera, "une erabakigarria da honakoa euskal osasun zerbitzua indartzeko" eta "dinamika pribatizatzaileari buelta emateko". Horregatik, EH Bilduk "irmoki" inplikatzeko eskatu dio Eusko Jaurlaritzari, eta baita EAJri eta PSE-EEri ere.