Nagua Alba hautatu dute EAEko Ahal Duguko idazkari nagusi
Nagua Alba gipuzkoar diputatuak irabazi ditu EAEko Ahal Duguko barne hauteskundeak, eta alderdiaren idazkari nagusia izango da.
Alba estatu mailako zuzendaritzak babestutako zerrendaren burua zen. Horretan, Eduardo Maura bizkaitar diputatua, Lander Martinez Bilboko idazkari nagusia eta Guillermo Errejon, Iñigo Errejonen anaia, ere badaude.
Roberto Uriarteren lekukoa hartuko duen pertsonaren izena Madrilen iragarri du Sergio Pascual Podemoseko Antolakuntza idazkariak.
EAEn, 3.203 pertsonak bozkatu dute, eta Nagua Albak 1.076 boto (% 36,67) jaso ditu. Hurrenak Pilar Garrido Eusko Jaurlaritzako Etxebizitza sailburu ohia (943 boto; % 32,21) eta Neskutz Rodriguez Bizkaiko Batzar Nagusietako bozeramailea (707 boto; % 24,1) izan dira.
EAEko Ahal Duguko idazkari nagusi berriak 25 urte ditu, eta Podemosen Herritar Kontseiluko Lurralde Sareen koordinatzailea da.
Kaliangorak kanpo-ikuskaritza bat eskatu du
Arratsaldean, emaitzak publiko egin aurretik, Pilar Garrido buru duen Kaliangora hautagaitzak kezka agertu du Ahal Duguren primarioetako emaitzak hasiera batean aurreikusitako epea (martxoaren 8an) baino egun bat lehenago ezagutarazi dituztelako.
Agiri batean, gogora ekarri dute kanpainan ohartarazi zutela Internet bidez bozkatu ahal izateak prozesuaren gardentasuna zalantzan jartzen zuela. Gainera, Podemoseko idazkaritza nagusiak hautesleen eta ikuskatzaileen erroldak emateari uko egin izana kritikatu dute.
“Emaitzak 24 ordu lehenago publiko egiteak gure kezka areagotu du. Emaitza edozein dela ere, kanpo-ikuskaritza batek hautaketa prozesua eta emaitzak egiaztatzea eskatzen dugu”, adierazi du Kaliangorak oharrean.
Hautagaitza horrek erantsi du “gardentasuna” izan behar dela Ahal Duguren printzipio nagusia, bere oinarrietan konfiantza sendotzeko eta sinesgarritasuna indartzeko, “horixe baita instituzioei eta gainerako alderdiei exijitzen dieguna”.
Zure interesekoa izan daiteke
Udal hauteskundeen bigarren itzulia dute bihar Ipar Euskal Herriko 11 herritan, eta lehia estua espero da batzuetan
Baionan eta Biarritzen aliantzak lortu dituzte aste honetan bigarren itzulirako txartela lortu duten zerrendetako batzuek. Kanbon, Donibane Lohizunen, Hendaian, Urruñan, Maulen, Bokalen, Beskoitzen eta Azkainen, ordea, ez dute adostasunik lortu, eta hautagaitza bakoitzak bere bidea egingo du.
Ione Belarrak "zitala" deitu dio Josu Jon Imazi
Irango gerraren harira, deigarria izan da gaur Ione Belarra Podemoseko idazkari nagusiak Josu Jon Imaz Repsoleko kontseilari delegatuaren kontra erabili dituen hitzak: "Gerra hau Josu Jon Imazek ordaindu dezala, zitalki joan zen-eta Donald Trumpengana".
PSNko zinegotzi batek eraman du Korrikako lekukoa Milagron, eta ikusleen artean Santos Cerdan izan da
Erriberan ibili da larunbat honetan Korrika eta Milagron, PSNko zinegotzi sozialista batek eraman du lekukoa Udalaren izenean (UPNk eta PSNk osatzen dute udalbatza). Euskadin ez bezala, alderdi sozialista normaltasunez ari da Korrikan parte hartzen Nafarroan. Milagro, bestalde, Santos Cerdan PSOEren antolakuntzako idazkari ohiaren herria da eta ETBk jaso duenez, terraza batean harrapatu du Korrika. Handik, irribarretsu agurtu ditu korrikalariak.
ETAk hil zuen Juan Priede Orioko zinegotzi sozialista gogoratu dute
Jose Ignacio Asensiok esan du apartheid politikoa gauzatzea ekidin zutela Priede bezalako pertsonek. Urte gogor haietan askatasunaren alde pauso bat eman zutela nabarmendu du, eta haien memoria politikoki ez erabiltzeko eskatu dio eskuinari eta ultraeskuinari.
Soledad Iparragirre ETAko buruzagi ohiari erdi-askatasuna eman diote, eta espetxetik atera ahalko da astelehenetik ostiralera
Espetxe-araudiaren 100.2 artikulua aplikatu zaio, eta, hala, lanegunetan Martuteneko kartzelatik atera ahalko da, lo egitera itzuli beharko bada ere.
Lehendakariaren dekalogoa energia krisiari aurre egiteko neurrien artean jaso izana ondo hartu du Eusko Jaurlaritzak
Familiek eta euskal industriak faktura elektrikoa murrizteko lagungarria izango dela uste du Jaurlaritzak, baina faltan botatzen du azken urte honetan shock bikoitza (muga-zergek eta erregaien garestitzeak eragindakoa) jasan duten industria-enpresentzat neurriak hartzea.
EAJ "pozik" dago krisiaren aurkako neurriekin, baina "ez da nahikoa", EH Bilduren ustez
Jeltzaleen arabera, neurri horiek "elektrizitatearen eta erregaien azken prezioa familientzat eta autonomoentzat eskuragarriagoa izaten lagunduko dute". Koalizio abertzaleak positibotzat jo du Sanchezi helarazitako hiru proposamen jaso izana, baina neurriek energia eta petrolio enpresa handien irabaziak handituko dituztela kritikatu du. Bestalde, PPk ez du bere babesa ziurtatu, eta Podemosek esan du krisiaren aurkako plana ez dela eraginkorra.
Espainiako Gobernuak elektrizitatearen, gasaren, gasolinaren eta gasolioaren BEZa % 10era jaitsi du
Ezohiko Ministroen Kontseiluak Ekialde Hurbileko gerraren ondorioak arintzeko lehen neurri sorta bat onartu du gaur. Neurri horiek 5.000 milioi euro mobilizatuko dituzte. Sanchezen arabera, "ez du eragotziko legez kanpoko gerra honen ondorioak Espainiara iristea, baina bai eramangarriagoak izatea".
Apirileko itzalaldi elektrikoa "hainbat faktorek" eragin zuten, Europako adituen arabera
Txostenak ondorioztatu du "oso azkar hedatu" zela Espainiako hegoaldean izandako "arazo lokal bat". Horrek gaintentsioagatiko deskonexio orokorrak eragin zituen, eta, azkenik, sistema iberikoa Europako gainerako lurraldeetatik bereizi zen.
PSOEk eta Sumarrek bi dekretu adostu dituzte, krisiari aurre egiteko neurriak eta etxebizitzaren ingurukoak jasotzeko
Irango gerraren ondorioak leuntzeko lege dekretua onartzeko Ministroen Kontseilua bi ordu pasako atzerapenarekin hasi da, Sumarreko kideek uko egin baitiote bileran sartzeari alokairuko kontratuen luzapena eta enpresen marjinak kontrolatzeko neurriak kanpoan uzten ziren bitartean. Azkenik, gobernukideak akordio batera iritsi dira.