PP barruko 'ehiza'ren biktima dela esan du Aldecoak
Arturo Aldecoak esan du ekintza susmagarriengatik "defendatuko" dela eta berretsi du "ehiza" baten biktima sentitzen dela, Bizkaiko PPren kontuetan dauden "justifikatu gabeko gastu" batzuengatik gerente kargutik kendu ostean.
Alfonso Alonso PPren EAEko presidenteak iragarri du alderdiak "azken bururaino" eramango duela mugimendu susmagarrien ikerketa.
Aldecoak Efe albiste-agentziari jakinarazi dio alderdiaren zuzendaritzari itxarongo diola Batzar Nagusiak uzteko eskatzen dion arte, eta ondoren eskaera aztertuko omen du (1999tik da batzarkide).
Ordezkari 'popularra'k berretsi du Bizkaiko PPren barruan egiten ari diren "ehiza" baten biktima sentitzen dela, egunez egun "aldatu" egiten dituztelakoan bere kontra dituzten susmoak.
"Oraindik ez didate argitu ere egin zein den arazoa", gaineratu du.
Bizkaiko PPren batzarkide eta gerente ohiaren esanetan, alderdiaren "kontuetan arazoren bat" atzeman badute, "normalena" berekin bildu eta azalpenak eskatzea izango litzateke, eta alderdiaren datuak eta fakturak PPren zuzendaritza nagusiarekin bat egiten duela azpimarratu du.
Alonsok salatu duen kudeaketari dagokionez, "faktura txikiak ordaintzeko" ohikoa den praktika dela adierazi du. "Ez dago arazorik horrekin, orain mundu bat egiten duten arren, gaineratu du.
Aldecoaren esanetan, "arazoa beste bat da" eta jatorria bi fakturatan dago, 240.000 euroko balioa dutena guztira, eta EAEko PPren esku geratu behar zirenak.
"Faktura horiek hor geratu ziren, inork ez zekien zer egin horiekin, eta duela hamabost egun deitu zidaten esanez Bizkaiak beregain hartu behar zuela horietako bat, 139.000 eurokoa", azaldu du Aldecoak.
Bizkaiko PPren kontuetako susmoak "hanka-sartze" handi batek eragin dituela baina ez dela "ustelkeria, kudeaketa txarra baizik" azpimarratu du batzarkide 'popularrak'.
e 'popularrak'.Zure interesekoa izan daiteke
Milaka gazte independentista bildu dira Abadiñoko Gazte Topagunean
Gaurtik igandera bitartean, mahai inguruak eta kontzertuak izango dira ekitaldi nabarmenenak. Amaiur Egurrola Ernaiko bozeramaileak esan du "Euskal Herrian ditugun erronken aurrean gazteok dugun paperaz gogoeta egiteko" balioko duela topaguneak eta ondo pasatzeko deia egin die parte-hartzaile guztiei.
Otegik dio estatus berriaren inguruan akordioa badago, jauzi kualitatiboa emateko izango dela
(Naiz-ek utzitako irudiak). Arnaldo Otegik dio ezin duela ziurtatu estatus berriaren inguruan akordioa egongo denik jeltzale, sozialista eta beraien artean, baina egotekotan urrats kualitatibo bat emateko izango dela. Halaber, EH Bilduk gero eta boto gehiago jasotzen dituen alderdia dela nabarmendu du, eta ziurtatu du denbora kontua dela agintera iristea.
'Aberria bizi' lelopean ospatuko du EAJk Aberri Eguna igandean, Bilbon, "garena aldarrikatzeko"
"Euskadi lurralde bat edo izen bat baino gehiago izatea" eskatu dute jeltzaleek, nazioarteko ordena kolokan dagoen testuinguruan, "aberri bizia garela eta egunero bizi dugula aldarrikatzeko".
Pradalesek euskara hutsean esku hartu du Parisko Senatuan, euskal autogobernua aldarrikatzeko
Lehendakariak goi-mailako bilera batean parte hartu du Frantziako Senatuan, Regions de Francek antolatuta, Frantziako eskualdeetako ordezkarien aurrean, lurralde-ereduari eta eskualdeek Europan duten zereginari buruz eztabaidatzeko. Bertan, autonomia finantzarioa defendatu du, ardatz atlantikoa indartzearen alde egin du eta euskal eredua aurkeztu du Europako desafekzio politikoaren eta ultraeskuinaren gorakadaren galga gisa.
Zergatik ospatzen da Aberri Eguna? Jatorria, non eta Irlandan… eta Sizilian
Lehen Aberri Egunaren atarian argitaratutako Jesus Zabala buruzagi jeltzalearen artikulu batek data hautatzeko arrazoiak jaso zituen. Mikel Aizpuru historialariak ospakizunaren jatorria aztertu du.
Manuel Hernaez Ruidiaz milizianoaren gorpuzkiak identifikatu dituzte Zornotzako hilerrian
Matutekoa (Errioxa) jaiotzez, Bilboko bizilaguna zen eta Izquierda Republicanako Zabalbide batailoian borrokatu zuen Gerra Zibilean. Haren 91 urteko alabak emandako DNA laginari esker lortu da identifikazioa.
Baxoa euskaraz egiteko aldarrikapena Asanblea Nazionalera eraman dute Seaskako ikasleek
Peio Dufau eta Paul Molac diputatuek gonbidatuta, entzunaldi batean parte hartu dute euskal ikasleek Bretainiakoekin batera.
Lemoako alkatearen aurkako pintadak gaitzetsi ditu Udalak, eta, mehatxuen aurrean, "elkarrizketaren eta bizikidetzaren alde" egin du
Udal taldeek "elkarbizitzarekin, errespetuarekin eta parte-hartze demokratikoarekin" duten konpromisoa berretsi dute, eta "Lemoaren izaera ireki eta pluralaren alde" egin dute, "herri gisa" batzen gaituzten "balio komunitarioak indartzeko".
Maria Ubarretxena: "Aenako funts pribatuaren interesekin zerikusi gutxi dute gure eskakizunek, guk zerbitzu publikoaren alde egin nahi dugu"
Jaurlaritzak Espainiako Gobernuarekin egindako akordioari Aenak jarritako helgitearen aurrean, Gobernu-bozeramaileak esan du ulertu egiten duela "beste aldearen jarrera"; izan ere, Aenaren % 51 Estatuarena bada ere, gainerako partean (% 49) funts pribatuak daude, eta horiek etekinak nahi dituzte. Azpimarratu duenez, euskal aireportuetarako inbertsioak azpiegiturak hobetzera eta "hegaldi eta konexio gehiago lortzera" bideratu nahi lituzke Jaurlaritzak, eta ez funts pribatu horiei etekin handiagoak ekarriko lizkeketeen kafetegi eta dendetara.
Pradalesek euskararen ofizialtasuna Europan defendatuko du, Frantziako Senatuan euskaraz egingo duen hitzaldian
Lehenengo aldiz izango da lehendakari bat Frantziako goi-ganberan, eta agertoki sinboliko hori baliatuko du, euskararen ofialtasunaren defentsan babes instituzional zabalagoa eskatzeko.