Alonso: 'Bizkaiko auditoria azken bururaino eramango dugu'
Bizkaiko PPren kontuetan ikuskaritza egingo dutela iragarri du Alfonso Alonso EAEko PPren presidenteak, eta ikerketa horren emaitzak "azken bururaino" eramango dituztela azpimarratu du.
Alonsok prentsaurrekoa eskaini du Gasteizen, Bizkaiko PPk barne ikerketa zabaldu duela ezagutu eta bi egunera. Antza, "justifikaziorik gabeko gastuak" atzeman dituzte Bizkaiko kontuetan, eta, hori dela eta, Arturo Aldecoa gerentea eta Gonzalo Pontes kontularia kargutik kendu dituzte.
Euskadiko PPren presidenteak azpimarratu duenez, auzi horren atzean ez dago "legez kanpoko finantzazio zantzurik". "Diru-sarrerak ondo daude, legezkoak dira", zehaztu du. EAEko PPren buruaren hitzetan, gastuen arloan dago arazoa: "Dirutza atera dute kontutik, emaile-txekeen bidez".
Alonsoren arabera, alderdi barruko arauek "debekatuta" dute 2.500 eurotik gorako kopuruak ateratzea, edota emaile-txekeak jaulkitzea; "jokabide ezohikoa da", azaldu du, "ohikoena ordainketak transferentzia bidez egitea baita".
100.000 eurotik gorako "mugimendu arraroak"
Kontu-ikuskaritzaren xehetasun gehiago eman ez baditu ere, Aldecoak eta Pontesek urtero sei zifrako kopuruak atera zituztela esan du Alonsok, "batzuetan, gehiago", argitu du. Alderdiak azken lau urteetako kontuak aztertu ditu.
Aldecoa hizpide hartuta, "bere jardun politikoa" uzteko eskatuko diotela iragarri du Alonsok (Bizkaiko PPko batzarkidea da egun).
Hain justu, larunbatera arte Bizkaiko PPren kudeatzailea zenak bere kontrako "ehiza politikoa" salatu zuen atzo. Euskadiko PPko buruaren berbetan, ordea, auzi honetan ez dago "asmo politiko zehatzik". Hala, Aldecoari "bere burua defendatzeko eta dena azaltzeko berme osoa" emango diotela azpimarratu du Alonsok.
"Alfonbrak astinduko ditugu. Azken bururaino joango gara eta garbitu beharrekoa garbituko dugu", adierazi du, irmo, prentsaurrekoa amaitzeko.
Zure interesekoa izan daiteke
Zer da Plus Ultra auzia eta zer lotura du, ustez, Zapaterorekin?
Ustezko ustelkeria auzi hau 2021ean Plus Ultra konpainiari emandako 53 milioi euroko erreskate publikoarekin lotuta dago. Auzitegi Nazionala ikertzen ari da ea Zapaterok bitartekari lana egin ote zuen erreskatea lortzeko, ordain ekonomikoen truke.
PSOEk Zapatero babestu du, Plus Ultra auzian inputatu ostean
Justiziarekiko errespetua eskatu dute sozialistek, eta Jose Luis Rodriguez Zapatero Espainiako Gobernuko presidente ohiaren errugabetasun-presuntzioa azpimarratu dute.
Zapateroren inputazioaren osteko erreakzioak: PPk Sanchezek agerraldia egin dezala eskatu du, eta Voxek, hauteskundeak aurreratzea
Auzitegi Nazionalak inputatu gisa deklaratzera deitu du datorren ekainaren 2an, Plus Ultra hegazkin konpainiaren erreskatearen auzian. Albisteak erreakzio soka luzea ekarri du panorama politikoan.
Epaileak Jose Luis Rodriguez Zapatero inputatu du Plus Ultra auzian, eta dirua zuritzeagatik ikertuko du
Espainiako Gobernuak Plus Ultra airelineari emandako 53 milioi euro modu irregularrean erabili ote ziren ikertzen ari da Jose Luis Calama Auzitegi Nazionaleko magistratua. Inputatu gisa deklaratu beharko du Zapaterok ekainaren 2an.
Munduko Futbol Txapelketaren egoitza izateko Bilbo hautagai izango den zalantzak dituela aitortu du Etxanobek
Elixabete Etxanobe Bizkaiko ahaldun nagusiak Euskadi Irratian adierazi duenez, inplikatutako erakundeek "hausnarketa sakona" egiten jarraitzen dute Bilbo 2030eko Munduko Futbol Txapelketaren egoitzetako bat izateko aukerari buruz. Bestalde, sozialistek eta popularrek Etxanoberen zalantzak kritikatu dituzte eta aukera "historikoa" dela uste dute.
Krisia “gainditutzat” eman dute Nafarroako Gobernuan
Hezkuntza itunduaren harira joan den ostegunean parlamentuan izandako haustura konpontzeko goi-bilera egin dute exekutiboa osatzen duten hiru alderdiek.
Pandemien Itunari "behin betiko bultzada" ematea eskatu du Pedro Sanchezek, "osasun globala indartzeko"
Espainiako Gobernuko presidenteak Munduko Osasun Erakundearen (MOE) 79. batzarrean parte hartu du, Genevan (Suitza). Bertan, munduko herrialde guztietan osasuna hobetzeko neurriak hartzearen alde egin du, eta azpimarratu du lan egin behar dela arreta ona jasotzea sorterriaren araberakoa izan ez dadin.
Andaluziako hauteskundeen gakoak: PSOEren hondoratzea, PPren garaipen gazi-gozoa eta Voxen “lehentasun nazionala”
PSOEk laugarren kolpea jarraian jaso du hauteskunde autonomikoetan, eta inoizko emaitzarik txarrena lortu du. PPk nagusi dela berretsi du, baina Vox beharko du berriro.
Bizkaiko Foru Barriaren bosgarren mendeurrenaren ospakizuna, Gernikako Batzar-etxean
Imanol Pradales lehendakaria eta Elixabete Etxanobe Bizkaiko ahaldun nagusia "gaitasun berriak" dituen euskal autogobernuaren alde mintzatu dira Gernikan, egungo erronkei aurre egiteko (migrazioa aipatu dute, berbarako) eta "garapen nazional osoa" lortzeko, Bizkaiko Foru Barriaren V. mendeurrena ospatzeko Batzar-etxean egindako ekitaldian. Hitzordu horretan, foru-sistemak duen balioa nabarmendu dute, elkarlanean eta berme juridikoetan oinarritutako eredu gisa.
PPk nabarmendu du Moreno "bermea" dela; PSOEk, berriz, Monteroren etorkizunaren inguruan erabaki beharko du
PPk "historikotzat" jo du hauteskundeen emaitza. Sozialistek, aldiz, onartu egin dute emaitzak ez direla nahi zituztenak, eta Voxek politikak aldatzea eta "nazioa lehenestea" eskatu du. Bestalde, Maillok (Por Andalucia) dimisioaren aukera baztertu du, eta Jose Ignacio Garciak (Adelante) iritzi dio Por Andaluciarekin batuta "emaitza txarragoak" lortuko zituela.