ETAk mehatxatutakoen konponketa 'morala' sustatuko du Jaurlaritzak
Eusko Jaurlaritzak ETAk mehatxatutakoen sufrimendua jaso nahi izan du txosten batean estatistiken eta lekukotzen bitartez, biktima horiek pairatu duten minaren konponketa "soziala eta morala" helburu.
Donostian aurkeztu dute txostena, 1990 eta 2011 urteen artean ETAren mehatxua jaso zuten pertsonek jasandako bidegabekeria islatzea xede duena. Pedro Arrupe Giza Eskubideen Institutuak egin du lana, Eusko Jaurlaritzaren Bake eta Bizikidetza Idazkaritza Nagusiak aginduta.
Bi ikuspegitik aztertu dute gaia, kuantitatiboki eta kualitatiboki, eta bizkartzaina izan zuten 3.300 pertsona mehatxatu zenbatu dituzte, eta horietako 15en testigantzak bildu dituzte, pairatu zutenaren berri izateko eta ondorio batzuk proposatzeko.
Mehatxatuak zeintzuk ziren zehazteko bizkartzaina zutenak hartu dituzte aintzat, nahiz eta txostena idatzi dutenek aitortu pertsona asko kanpoan geratu direla. Hala, mehatxatuak askoz gehiago izan zirela da txostenaren oinarria.
Ikerketan agertzen diren 3.300 pertsona mehatxatuetatik, 1.619k Eusko Jaurlaritzaren babesa jaso zuten. Bi herenek urtebete eta 5 urte artean izan zuten bizkartzaina, bostenak hamarkada batez, eta gutxienez 5 kasu daude ikertu dituzten 20 urteetan segurtasun pertsonala izan dutenak.
Sektoreka banatuta, mehatxu gehien pairatu zutenak politikariak, enpresariak, irakasleak, Justizia Administrazioko kideak eta hedabideetako langileak izan ziren.
Bildutako lekukotzetan agertzen da nola biktimek askatasuna eta intimitatea galdu zuten, arazoak izan zituztela lanean ere, eta eragina nabarmena zela familiarengan, lagunengan eta baita osasunean ere.
Era berean, maila sozialean jasandako egoera okerrena omen dena ere aipatzen dute: "Gertukoen elkartasun eza", normalean "mehatxatuta bizi zirenen errealitatean bizitzeko beldurraz" gertatzen omen zena.
Zure interesekoa izan daiteke
Pradalesek autoritarismoaren gorakadaz ohartarazi, eta Europa "arinago eta kohesionatuago" baten alde egin du
Lehendakariaren esanetan, nazioarteko zuzenbidea eta demokrazia liberalak mehatxupean daude mundu mailako populismoaren eta autoritarismoaren gorakadaren ondorioz. Euskadik Europa federal batean ahots propioa izatea aldarrikatu du.
50 urte Montejurrako gertakarietatik: karlisten arteko talka, italiar neofaxistak eta… Estatuaren konplizitatea?
Karlismoaren barne-gatazka bat ez ezik, Montejurrako hilketen atzean botere postfrankistek bultzatutako konspirazio izan zen, eskuin-muturreko beste elementu batzuekin batera.
Gurutze Gorriak 3.121 pertsona migratzaile artatu zituen Irunen 2025ean, aurreko urtean artatutakoen erdiak
Euskadik "iparraldeko muga" dela aldarrikatu du, eta "ziurtasuna" eskatu du Europako Migrazio eta Asilo Itunaren aurrean.
Maskaren epaiketa amaituta, epaiak argitu beharko ditu zalantzak
Jose Luis Abalosek, Koldo Garciak eta Victor de Aldamak pandemia garaian maskarak erosteko bi kontratu enpresa jakin bati eta akordio "itxi eta pribilegiatu" batekin esleitzeko erakunde kriminala osatu ote zuten argitu beharko du Auzitegi Gorenak. Zalantza hori eta beste batzuk argitzeko eperik ez du izango.
Polemikak gorabehera, Lander Martinezek ez du arriskuan ikusten EAJren eta PSE-EEren arteko koalizio gobernua
Lander Martinez Sumarreko diputatuak antzerkitzat jo du EAJren eta PSE-EEren arteko azken krisia. Horren arabera, jeltzaleek erabaki dute Moncloarekin harremana tenkatzea Eusko Jaurlaritzako edo aldundietako koalizio gobernuak zalantzan jarri beharrean. "Ez dute interesik gehiengo hori galtzeko", gaineratu du.
EAJk, PSE-EEk eta EH Bilduk zibersegurtasunari buruzko akordioa lortu dute, eta aliantzak PP haserrearazi du
Euskal Polizia modernizatzeko eskatu dio Eusko Legebiltzarrak Jaurlaritzari, ziberdelituen egungo hazkundeari eta ziberkrimenek etorkizunean ekarriko dituzten erronkei aurre egiteko.
Ordezkaritza politiko zabal batek eta gertukoek Garaikoetxea agurtu dute Iruñeko hiletan
Nafarroako eta EAEko ordezkaritza politiko eta instituzional zabala izan da Carlos Garaikoetxea lehendakariaren hiletan, besteak beste, Maria Chivite eta Imanol Pradales. Garaikoetxea joan den astelehenean hil zen, Iruñean, 87 urte zituela, eta hileta-elizkizuna Xabierko San Frantzisko parrokian izan da.
Erakunde eta ordezkari politikoek, euskal gizartearekin batera, agur esan diote Carlos Garaikoetxeari Ajuria Enean
Carlos Garaikoetxea lehendakariaren hil-kapera 10:00etan zabaldu dute Ajuria Enea jauregian, eta lau orduz egon da irekita. Juan Jose Ibarretxe, Iñigo Urkullu eta Patxi Lopez lehendakariak bezala, Euskal erakunde eta talde politiko guzti-guztietako ordezkariak gerturatu dira Ajuria Enera, Garaikoetxeak egindako ekarpena aitortzera, baita Euskal Herriko hamaika lekutatik iritsitako herritarrak ere.
Lehendakariak eta politikaren ordezkari nagusiak, banan-banan, Garaikoetxearen familiari doluminak ematera sartu dira
Urkulluk, Ibarretxek, Patxi Lopezek, Otegik, Ortuzarrek, Garridok, Anduezak eta Turullek Garaikoetxearen familiari doluminak eman dizkiote, Ajuria Enean.
Carlos Garaikoetxearen hilkutxa Ajuria Enera iritsi da
Lehendakariaren hilotza Gasteizen dago jada. Asteazken goizetik zabalik dago hil-kapera Ajuria Enean.