Euskadi eta Nafarroa elkarlanean arituko dira bizikidetza programetan
EAEko eta Nafarroako gobernuek lankidetzarako konpromisoa hartu dute. Terrorismoaren biktimei arretan, bakerako hezkuntzan eta bizikidetza egitasmoetan kolaboratuko dute.
Bi gobernuen arteko akordioa ostiral honetan Iruñean egin duten bileran zehaztu dute. Jonan Fernandez Eusko Jaurlaritzako Bake eta Bizikidetzarako idazkaria eta Ana Ollo Nafarroako Herritarrekiko eta Erakundeekiko Harremanetako kontseilaria izan dira buruz-buru. Iñigo Urkullu lehendakara eta Uxue Barkos Nafarroako presidentea maiatzaren 10ean bildu ziren eta 18 puntuko protokoloa sinatu zuten. Ordutik, bi administrazioak biltzen diren lehen aldia da.
"Bizikidetzaren eraikuntzan memoria kritikoa" sustatzea garrantzitsua dela dio testuak. Gainera, "erkidegoetan izandako giza eskubideetan urraketa guztiak argitzea" eskatzen du. Bestalde, "bakearen kultura eta errespetuaren, demokraziaren eta bizikidetzaren baloreak" sustatzea behar-beharrezkoa dela azaldu du.
EAEko eta Nafarroako gobernuek bakearen, bizikidetzaren eta giza eskubideen inguruan egiten ari diren egitasmoak errepasatu dituzte ostiral honetako bileran.
Bileraren bigarren zatian, koordinazio eta proiektuen esparruak aztertu dituzte. Horrela, lan egiteko lau lerro definitu dituzte. Horietatik lehena, biktimei dagokiona. Esperientzien trukaketa eta instituzioen erantzunean praktika onak elkarbanatzea izango dute helburu.
Euskadik eta Nafarroak hainbat programa elkarbanatuko dituzte, tartean, "Adi-Adian" (biktima hezitzaileak) edota "Ahotsak" (unibertsitateko ikasleei elkarbizitza hezkuntza sustatzeko). Bestalde, bi parteek "Europa hiritarrekin" egitasmoan parte hartuko dutela aurreratu dute. Europa mailako bakerako egitasmoetan ere parte hartuko dutela aurreratu dute.
Zure interesekoa izan daiteke
Zupiria: “Istilu horietan bidegabeko biktima bat egon zen”
Zabarte auziaren harira, Bingen Zupiria Segurtasun sailburuak adierazi du auzitegiei dagokiela zer gertatu zen argitzea, eta familiak errekurritzeko eskubide osoa duela. Hala ere, argi du bidegabeko biktima bat egon zela istilu haietan.
Accionako presidentearen aurka eginbideak irekitzea eskatu du Fiskaltzak, Nafarroako Ikerketa Batzordera joan ez zelako
Birritan deitu du Nafarroako Parlamentuak Jose Manuel Entrecanales enpresaria eta bietan huts egin du hitzordura. Fiskaltzaren arabera, desobedientzia delitutzat har daiteke.
Patxi Lopezek Feijori egotzi dio ETAren biktimen "erabilera zikina"egitea
PSOE eta PP alderdien arteko ika-mika gogorra izan da gaur Espainiako Diputatuen Kongresuan. Patxi Lopez sozialisten eledunak Behe Ganberan Alberto Nuñez Feijoo PPko buruari leporatu dio ETAren biktimen "erabilera zikina" egitea.
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.