Jaurlaritzak Nafarroarekin adostutako 18 puntuko ituna aurkeztu du
Eusko Jaurlaritzak Nafarroako Gobernuarekin adostu duen eta 18 alorri eragiten dien akordioa aurkeztu du gaur, bake eta bizikidetzatik hasi, gizarte politikak igaro, eta EiTB Foru Erkidegoan zabaltzeko neurriak barne hartzen dituena.
Erkorekak prentsaurrekoa eman du Jaurlaritzak eta Nafarroako Gobernuak egin duten lankidetza itunari buruzko xehetasunak emateko.
Besteak beste, Eusko Jaurlaritza eta Nafarroako Gobernua lankidetzan arituko dira ETBren emisioak Foru Erkidegoan jasotzen jarraitzeko, Espainiako Gobernuak ostegunetik aurrera emisioak bertan behera uztea agindu ostean. Jaurlaritzaren ordezkariak gogorarazi du UPNk Nafarroako Gobernua zuenean egindako eskaera baten harira agindu dutela emisioak etetea.
Nafarroarekin lotutako itunak aurreikusten duen jarduera eremuen artean dago ETBren emisioak Foru Erkidegoan ematea ahalbidetzea.
Hala, protokolo horren baitan, administrazioek ETB Nafarroan ikusteko "legezko oztopoak gainditzeko" neurriak adostu dituzte.
Protokoloa
Bi erkidegoen arteko ituna "asmo adierazpena" omen da, gero "tresna juridiko zehatzagoak" behar dituena, alor bakoitzera egokituta.
Dokumentua "guztiz legezkoa" dela berretsi du, eta Eusko Jaurlaritzak ez omen luke ulertuko euren eskumenetara mugatzen diren akordioen kontra helegiteak jartzea.
Espainiako Gobernuaren "joera zentralizatzailea"ren aurrean "kezkatuta" daudela gogorarazi du Erkorekak, autogobernuari "kalte egitea" bilatzen duela iritzita.
Horretarako, EAEk eta Nafarroak Kontzertu Ekonomikoa eta Nafarroako Hitzarmena defendatzeko konpromisoa hartu dute, eskubide historikoekin eta aldebitasunarekin batera.
Bestalde, bakea egonkortzeko eta bizikidetzarako, indarkeriari zilegitasuna kentzeko, egiaren eskubidea aldarrikatzeko, justiziarako, biktimen konponketarako eta giza eskubideen urraketa guztiak argitzeko programak ere sustatuko dituzte protokolo horren baitan.
Zerbitzu sozialen, berdintasunaren, indarkeria matxistaren, osasunaren, kontsumoaren, gaztediaren, kirolaren, hezkuntzaren, kulturaren eta hizkuntza politikaren alorretan ere koordinazio lana egingo dute.
Babes zibilarekin, segurtasun publikoarekin, ingurugiroarekin, klima aldaketarekin, lurralde antolaketarekin, udal administrazioarekin, turismoarekin, nekazaritzarekin, komunikazio eta garraio azpiegiturekin, funtzio publikoarekin, administrazio elektronikoarekin, justizia administrazioarekin eta finantza politikarekin lotutako neurriak ere jaso dituzte dokumentuan.
Uxue Barkos Nafarroako presidentea, artxiboko irudian. Efe
Barkos
Uxue Barkos Nafarroako presidenteak begi onez jo du lankidetzara protokolo orokorra, datorren astean Nafarroak eta EAEk sinatuko dutena, "harremanak normaldu" eta lankidetzaren oinarriak ezarriko dituelakoan.
Barkosek prentsaurreko batean azaldu duenez, Gasteizen Iñigo Urkullu lehendakariarekin batera sinatuko duten itunari esker, EAE Errioxako eta Aragoiko erkidegoen "maila berean" geratuko da.
Nafarroako eta Euskal Autonomi erkidegoak 18 eremutara zabalduko dute lankidetza, 2009an sinatu zuten akordiotik harago, AHTra, euskararen sustapenera eta ETBren emisiora mugatzen baitzen hura.
Zure interesekoa izan daiteke
Peinado epaileak Begoña Gomez epaitzea erabaki du, eta pasaportea kendu dio
Espainiako Gobernuko presidentearen emazteak ustez egindako delituak ikertzen ari da epailea, eta ahozko epaiketa abiatu aurretik hartu ditu kautelazko neurriak. Halaber, Espainiatik ateratzea debekatu dio, eta hamabostean behin epaitegian agertu beharko du. Defentsaren abokatuak helegitea jarriko du.
Londresera Euskadi "kritikatzera" eta etxebizitzaz hitz egitera joatea egotzi dio EAJk EH Bilduri, bere ekarpena "zero" izan arren
Iñigo Ansola EAJren BBBko presidenteak Pello Otxandiano Eusko Legebiltzarreko EH Bildu koalizioko burua kritikatu du aste honetan Londresera joateagatik, EH Bilduk etxebizitzari buruz egindako proposamena aurkeztera, "Euskadi zalantzan jarri eta kritikatzeko". Horren harian, Euskadin etxebizitza publikoa eraikitzeko egin duen ekarpena "zero" dela esan du.
Anduezak esan du PSE-EEk gogoz, esku garbiz eta indarrez jarraitzen duela udal eta foru hauteskundeetarako
Eneko Andueza PSE-EEko idazkari nagusiak adierazi du sozialistek herritarren kezkak konpontzeko lanean jarraitzen dutela. Datorren urteko udal eta foru hauteskundeei begira, gogoz, esku garbiz eta indarrez jarraitzen dutela esan du.
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Maiatzeko hauteskunde autonomikoekin eta udal hauteskundeekin batera ez direla egingo erantsi du, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten, eta euskara lekua irabazten joan den arren, legeak bere horretan jarraitzen du, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administratiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.
Peinado epaileak pieza berri bat ireki du Begoña Gomez auzian, eta beste bi delitu egotzi dizkio Sanchezen emazteari
Sumarioaren zati nagusiari buruzko atariko entzunaldia astelehenean egin zuen magistratuak, eta pieza berri bat zabaltzea erabaki du orain, prebarikazioa eta EBri iruzur egitea egotzita.