Puigdemontek konfiantza mozioa iragarri du, CUPen betoaren ostean
Kataluniako Parlamentuko osoko bilkurak errefusatu egin du Generalitatearen aurrekontu proiektua, oposizio osoak, CUPek barne, aurka bozkatuta.
Sei orduko eztabaidaren ostean, CUPek betoa jarri dio aurrekontu proiektuari, eta, ondorioz, agintean dagoen Junts pel Si koalizioa bakarrik geratu da aldeko botoan.
Bozketaren emaitzak ezagutu eta gero, Carles Puigdemont Kataluniako Gobernuko presidenteak iragarri du konfiantza mozioa deituko duela "abuztuaren ostean", gobernatzen jarraitzeko babes nahikoa duen egiaztatzeko.
Aurrekontuen eztabaidan, hautsi egin da bloke independentistaren (JxSi eta CUP) batasuna. Hori dela eta, legegintzaldia kolokan dago, eta berriz ere hauteskundeak deitu beharko diren da orain zalantza nagusietakoa.
JxSik eta CUPek egonkortasun akordioa sinatu zuten, baina, gaurko hausturaren ondoren, ez dago argi oraindik ere indarrean dagoen. Izan ere, Puigdemontek "hautsi"tzat jo du ituna; ERCk esan du "kolokan" dagoela, eta CUPek uste du "aldatu" egin dela.
Bozketaren ondoren, Puigdemontek hitza hartu du, eta presidente egin zuen "gehiengoa" dagoeneko ez duela adierazi du. Horregatik, konfiantza mozioarekin gehiengorik ote duen egiaztatu nahi duela aurreratu du.
Agintaria oso kritiko agertu da CUPekin: "Azken urteetan Katalunia estatua izan dadin mobilizatu diren milioika pertsonen konfiantza urratu dute".
Bere aldetik, Joan Garriga CUPeko diputatuak adierazi du ez direla "errudun" sentitzen, baina bai "erantzule".
Albiste gehiago politika
Gorenak Cerdanen banku-kontuetan eta posta elektronikoan jarri du orain arreta
Hain zuzen ere, Guardia Zibilaren Unitate Zentral Operatiboa (UCO) PSOEren egoitzan sartu da ostiralean, Cerdanen posta korporatiboa klonatzeko.
Salbuespenezko kartzela-politikaren ondorioak ofizialki aitor ditzatela eskatu du Egiari Zor Fundazioak
Egiari Zor Fundazioak Joxerra Goikoetxea gogoratu du Loiun, espetxean hil zela 40 urte bete direnean. Lau hamarkada hauetan 36 preso eta 16 senide espetxe politikaren ondorioz hil direla salatu dute.
Ibarrolaren arabera, "Chiviteren irtenbide duin bakarra" dimisioa da
Cristina Ibarrola UPNko presidentearen esanetan, "susmopean eta gainbeheran dagoen gobernu baten gidaritzari" eusten dio Maria Chivitek. "Haren ibilbide politiko osoa altxatu, zuzendu eta kontrolatu dutenak erori dira: Cerdan eta Alzorriz. Berak eusten dio oraindik, baina badaki eroriko dela, ezingo duela saihestu", erantsi du.
EAJk "argitasuna" eta "azalpenak" eskatu dizkio PSOEri
EAJ Nafarroan duela 115 urte ezarri zela ospatzeko Iruñean egindako ekitaldian, Aitor Estebanek EBBko presidenteak azalpenak lehenbailehen eman ditzala esijitu dio Pedro Sanchez Espainiko Gobernuko presidente sozialistari. Jeltzaleek ez dutela egoeraz baliatuta etekinik atera nahi esan du Estebanek, eta duintasun demokratikoa babestea dela euren helburua.
Anduezak esan du euskal sozialismoa "zintzotasunaren eredu" dela
Eusko Jaurlaritzaren lehen urtearen balantzea egiteko Barakaldon egindako ekitaldian euskal sozialisten idazkari nagusiak azpimarratu duenez, "ekintzekin" frogatu da PSE-EEren hauteskunde-programa "ez zela ideien zerrenda hutsa, euskal gizartearekiko benetako konpromisoa baizik".
Ibarrola (UPN): "Chiviteren gobernua azkenetan da, eta irtenbide duin bakarra dimisioa da"
UPNko presidentearen hitzetan, PSNren zuzendaritzaren "duintasuna galdu da jada", baina "Nafarroaren eta nafarren duintasuna jokoan dago, eta horri eutsi egin behar zaio".
Gorenak Cerdan inputatu du eta ekainaren 30erako deitu du bere deklarazioa
Epaileak bost enpresaburu ere deitu ditu deklaratzera ikertu gisa. Esleipenen truke ustez legez kanpoko eskupekoak ordaindu zituzten enpresen administratzaileak dira.
Ainhoa Unzuk ordezkatuko du Ramon Alzorriz PSNren Parlamentuko bozeramaile bezala
Unzuk iragarri duenez, lehenik eta behin, "nire talde parlamentarioko kide bakoitzarekin hitz egingo dut, erabakia ezagutzen baitute", eta, ondoren, Foru Gobernua osatzen duten gainerako talde politikoen bozeramaileekin.
UCO Ferrazen sartu da, epaileak aginduta, Santos Cerdanen posta klonatzeko
Ikerketako iturriek jakitera eman dutenez, agenteak PSOEren egoitzara, ADIFen instalazioetara eta Errepide Zuzendaritza Nagusira joan dira, Leopoldo Puente Auzitegi Goreneko epaileak eskatutako informazioa eskatzeko.
UCO Ferrazen sartu da, epailearen aginduz, Cerdanen posta klonatzeko
Ikerketako iturriek jakitera eman dutenez, agenteak PSOEren egoitzan, Adifen instalazioetan eta Errepide Zuzendaritza Nagusian sartu dira, Leopoldo Puente Auzitegi Goreneko epaileak eskatuta.