Puigdemontek hautsitzat jo du CUPekin zuten ituna
Carles Puigdemont Generalitateko presidenteak hautsitzat jo du Junts pel Si (JxSí) Kataluniako hauteskundeetarako zerrenda bateratu independentistak CUPekin zuen egonkortasunerako ituna. Kataluniako Gobernuak prestatutako aurrekontuen osoko zuzenketari eustea erabaki zuten atzo antikapitalistek, eta, beto horren ondorioz, aurrekontu proposamen berria aurkeztu edo iazko kontuak luzatu beharko ditu.
Kataluniako Parlamentuko iturriek Europa Press albiste agentziari esan diotenez, Puigdemont oso kritiko agertu da CUPeko eta JxSiko diputatuek egin duten premiazko bilera batean. Ateak itxita egin duten batzarrean hauek hartu dute parte: Gobernuko kide guztiak (Oriol Junqueras presidenteordea eta ERCko burua, tartean), Junts pel Si koalizioko 62 diputatuak (Jordi Turull koalizioko presidentea eta Marta Rovira bozeramailea, besteak beste) eta Parlamentuko buruzagi nagusiak (Carme Forcadell presidentea eta Lluis Maria Corominas Mahaiko presidenteordea).
Kataluniako presidentearen hitzetan, CUPen betoa "inflexio puntua" da, eta "ondorioak" izango ditu.
Parlamentuko iturri horiek aurreratu dutenez, aurrekontuen inguruko bozketa egin ondoren, hitza hartuko du Puigdemontek. Horrenbestez, CUPek ezetza iragarri eta gero Kataluniako presidenteak egingo duen lehen agerraldi publikoa izango da arratsalderako iragarritako hori.
"16 bilera izan genituen"
CUPek negoziazio faltari egotzi dio ezezkoa. Puigdemonten iritzian, baina, ez da halakorik egon. Bileran nabarmendu duenez, "16 bilera egin genituen" antikapitalistekin.
Nolanahi ere, JxSi koalizioa bat eginda jarraitzeko deia egin du Kataluniako presidenteak.
Puigdemont, Jordi Turull JxSi talde parlamentarioko presidentea ondoan duela, bilerara iristen. EFE
Oriol Junqueras Ekonomia kontseilaria ere mintzatu da batzarrean, tonu adeitsuagoan, nonbait. Egoera ez dela hain dramatikoa adierazi du ERCko buruzagiak, eta prozesu subiranistak abian jarraitzen duela.
"Ondorio oso larriak izango ditu"
Bilera amaituta, aurrekontuak eztabaidatzeko osoko bilkura hasi da Parlamentuan. Tribunan kontuak babesteko egin du agerraldian, ohartarazpena egin du Junquerasek: "Aurrekontuak luzatzeak ondorio oso larriak eta izugarri latzak ekarriko dizkio ekonomiaren hazkundeari eta zerbitzu sozialak bermatzeari".
Ekonomia kontseilariaren hitzetan, Gobernuak aurkeztu duen aurrekontu proposamenak eta aurreko proiektuak ez dute zerikusirik, 1.000 milioi euro gehiago bideratu dituztelako, eta horietatik 873 milioi gizarte zerbitzuetarako direlako.
Zure interesekoa izan daiteke
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.
Diez Antxustegik beharrezko ikusten du Tubos Reunidosen "zorra berrantolatzea", eta industria indartzeko deia egin du: "Gure babes soziala da"
EAJren Eusko Legebiltzarrerako bozeramaileak, Joseba Diez Antxustegik, Radio Euskadin azpimarratu du Tubos Reunidos enpresaren zorra “berrantolatzeko” beharra, irtenbidea emateko. “Merkatua badu, baina likidezia arazoak ditu”, adierazi du. Horrekin batera, nazioarteko egoera zailaren aurrean industria bultzatzearen beharra nabarmendu du: “Euskadin, gure babes soziala gure babes industriala da”. Azkenik, euskararen kudeaketaz enplegu publikoaren eskaintzetan, alderdi politikoek arau berri bat adosteko “ardura” dutela adierazi du, eta "segurtasun juridikoaren" beharraz mintzatu da.
Pradalesek eta Sanchezek Irango gerra, Euskadi iparraldeko muga gisa hartzea eta medikuen greba aztertuko dituzte
Transferentziak eta Tubos Reunidosen zorraren berregituraketa izango dira landuko dituzten beste gai batzuk. Espainiako Gobernuak eta Eusko Jaurlaritzak aldebiko batzordearen laugarren bilera egingo dute ostiralean Moncloan.