Presoen gizarteratzea arautzeko dekretu bat iragarri du Jaurlaritzak
Jonan Fernandez Eusko Jaurlaritzako Bake eta Bizikidetza idazkariak terrorismo delituengatik kondenatutako presoen gizarteratze prozesuei "babes legala" emateko dekretu baten oinarriak aurkeztu ditu.
Fernandezek Donostian aurreratu ditu dekretuaren edukiak, kazetariekin egindako bilera batean, Kursaal Jauregian egiten ari diren Justizia Leheneratzaile eta Terapeutikoari buruzko Europar Kongresuan publikoki aurkeztu baitu lehen.
Lehendakaritzak azaldu duenez, dekretu proiektuak bi oinarri ditu: "gizarteratzea eta berrintegrazioa", hau da, laguntza ematea "gizarteratze-ibilbidean eta espetxealdi osteko berrintegrazioan".
Gizarteratze-prozesua espetxean bertan hasten da, eta terrorismo delituengatik kondenatuta dauden pertsonei zuzenduta dago.
Nolanahi ere, berrintegraziorako laguntza preso guztiei dago zuzenduta, delitu mota edozein dela ere, eta espetxetik kanpo hasten da.
Lehen kasuan, batzorde aholkulari batek lagunduko die presoei, legea errespetatzen bizi nahi dutela egiaztatzeko ibilbidea egin dezaten.
Batzorde horrek prozesu osoa behatuko du, eta ondoren txosten bat egingo du, presoaren alde edo aurka.
Txostena aldekoa bada, presoak froga gisa erabili ahalko du Espetxe Zaintzako epailearen eta kartzelaren Tratamendu Batzordearen aurrean.
Aldeko txosten horrek egiaztatu egin beharko du presoak konpromisoa duela bakearekin eta bizikidetzarekin, bai orainaldian, bai etorkizunerako, eta eragindako kaltearen aitorpen kritikoa ere egiten duela.
Espetxe osteko berrintegrazioari dagokionez, Eusko Jaurlaritzak "leihatila bakarra" izango du, presoei eta preso ohiei informazioa emateko, hala nola laguntza sozialei, etxebizitzei, prestakuntzari eta gizarte zerbitzuei buruz.
Fernandezen esanetan, Hitzeman programaren ondorioei erantzuna emateko egin dute dekretu proiektua.
Albiste gehiago politika
Gorenak Cerdanen banku-kontuetan eta posta elektronikoan jarri du orain arreta
Hain zuzen ere, Guardia Zibilaren Unitate Zentral Operatiboa (UCO) PSOEren egoitzan sartu da ostiralean, Cerdanen posta korporatiboa klonatzeko.
Salbuespenezko kartzela-politikaren ondorioak ofizialki aitor ditzatela eskatu du Egiari Zor Fundazioak
Egiari Zor Fundazioak Joxerra Goikoetxea gogoratu du Loiun, espetxean hil zela 40 urte bete direnean. Lau hamarkada hauetan 36 preso eta 16 senide espetxe politikaren ondorioz hil direla salatu dute.
Ibarrolaren arabera, "Chiviteren irtenbide duin bakarra" dimisioa da
Cristina Ibarrola UPNko presidentearen esanetan, "susmopean eta gainbeheran dagoen gobernu baten gidaritzari" eusten dio Maria Chivitek. "Haren ibilbide politiko osoa altxatu, zuzendu eta kontrolatu dutenak erori dira: Cerdan eta Alzorriz. Berak eusten dio oraindik, baina badaki eroriko dela, ezingo duela saihestu", erantsi du.
EAJk "argitasuna" eta "azalpenak" eskatu dizkio PSOEri
EAJ Nafarroan duela 115 urte ezarri zela ospatzeko Iruñean egindako ekitaldian, Aitor Estebanek EBBko presidenteak azalpenak lehenbailehen eman ditzala esijitu dio Pedro Sanchez Espainiko Gobernuko presidente sozialistari. Jeltzaleek ez dutela egoeraz baliatuta etekinik atera nahi esan du Estebanek, eta duintasun demokratikoa babestea dela euren helburua.
Anduezak esan du euskal sozialismoa "zintzotasunaren eredu" dela
Eusko Jaurlaritzaren lehen urtearen balantzea egiteko Barakaldon egindako ekitaldian euskal sozialisten idazkari nagusiak azpimarratu duenez, "ekintzekin" frogatu da PSE-EEren hauteskunde-programa "ez zela ideien zerrenda hutsa, euskal gizartearekiko benetako konpromisoa baizik".
Ibarrola (UPN): "Chiviteren gobernua azkenetan da, eta irtenbide duin bakarra dimisioa da"
UPNko presidentearen hitzetan, PSNren zuzendaritzaren "duintasuna galdu da jada", baina "Nafarroaren eta nafarren duintasuna jokoan dago, eta horri eutsi egin behar zaio".
Gorenak Cerdan inputatu du eta ekainaren 30erako deitu du bere deklarazioa
Epaileak bost enpresaburu ere deitu ditu deklaratzera ikertu gisa. Esleipenen truke ustez legez kanpoko eskupekoak ordaindu zituzten enpresen administratzaileak dira.
Ainhoa Unzuk ordezkatuko du Ramon Alzorriz PSNren Parlamentuko bozeramaile bezala
Unzuk iragarri duenez, lehenik eta behin, "nire talde parlamentarioko kide bakoitzarekin hitz egingo dut, erabakia ezagutzen baitute", eta, ondoren, Foru Gobernua osatzen duten gainerako talde politikoen bozeramaileekin.
UCO Ferrazen sartu da, epaileak aginduta, Santos Cerdanen posta klonatzeko
Ikerketako iturriek jakitera eman dutenez, agenteak PSOEren egoitzara, ADIFen instalazioetara eta Errepide Zuzendaritza Nagusira joan dira, Leopoldo Puente Auzitegi Goreneko epaileak eskatutako informazioa eskatzeko.
UCO Ferrazen sartu da, epailearen aginduz, Cerdanen posta klonatzeko
Ikerketako iturriek jakitera eman dutenez, agenteak PSOEren egoitzan, Adifen instalazioetan eta Errepide Zuzendaritza Nagusian sartu dira, Leopoldo Puente Auzitegi Goreneko epaileak eskatuta.