Pedro Sanchezek 'engainatu' egin duela uste du Felipe Gonzalezek
Felipe Gonzalez Espainiako Gobernuko presidente ohiak gaur esan duenez, Pedro Sanchez PSOEko idazkari nagusiak "engainatu" egin zuela uste du. Izan ere, haren esanetan, Mariano Rajoyren inbestidura saioko bigarren bozketan abstenitu egingo zirela esan zion.
"Ekainaren 29an oposiziora igaroko zela azaldu zidan, ez zela gobernu alternatiboa osatzen saiatuko, eta PPk aurkeztutako hautagaiaren kontra bozkatuko zuela inbestidura saioan, baina bigarren bozketan abstentziora joko zuela gobernu osaketa ez eragozteko. Egia esan, gertatzen ari dena ikusita, niri ez dit inolako azalpenik eman behar. Frustrazioa sentitzen dut, engainatu izan banindute bezala", azaldu du Cadena Ser irrati kateari eskainitako elkarrizketan.
Gonzalezen ustez, Pedro Sanchez PSOEko egungo idazkari nagusiak dimisioa eman beharko luke larunbatean PSOEko Batzorde Federalak haren egitasmoa baztertzen badu. Sanchezek aurreratu du idazkari nagusia aukeratzeko barne hauteskundeak egin nahi dituela urriaren 23an, eta alderdiaren kongresua, abenduan.
Gonzalezek azpimarratu duenez, Batzorde Federalak edozer erabakita ere, aldeko edo kontrako botoa ematea edo abstenitzea erabaki, gehiengoak hartzen duen erabaki hori mundu guztiak errespetatu beharko du. "Eta erabakia bere gain hartu nahi ez badu, dimisioa eman beharko du", erantsi du.
Sanchezek Gonzalezi erantzun dio alderdi osoak adostu zuela Rajoy ez babestea
Pedro Sanchez PSOEko idazkari nagusiak Felipe Gonzalezi erantzun dio Batzorde Federaleko buruzagi guztiek babestu zutela Mariano Rajoyen inbestiduran kontrako botoa emateko erabakia.
Komunikatu batean, Sanchezek azpimarratu du Gonzalezek egungo egoera politikoari buruz esandakoak errespetatzen dituela. Halaber, Espainiako sozialisten buruzagiak aitortu du alderdiko buruekin eta buruzagi ohiekin maiz hitz egiten duela eta ez dituela elkarrizketa horiek publiko egingo, ezta horiek baloratuko ere.
Nahiak eta errealitatea ez nahasteko eskatu du Luenak
Cesar Luena PSOEren Antolakuntza idazkariak "nahiak eta errealitatea ez nahasteko" eskatu dio Felipe Gonzalez Espainiako presidente ohiari, eta Pedro Sanchezek "beti izan du oso argi PPri eta Rajoyri ezezko botoa emango ziela, hori da egia", gaineratu du.
Felipe Gonzalezek egindako adierazpenen inguruan galdetuta egin ditu adierazpen horiek Luenak.
Presidente ohiak elkarrizketa pribatu bat publiko egitea kritikatu egin du Luenak, eta militanteei "hitz egiteaz gain, entzutea ere komeni da", esan du.
Garcia-Page: Sanchezek barkamena eskatu behar du
Emiliano Garcia-Page Gaztela-Mantxako presidentearen iritzian, "hasteko, barkamen eskaera falta da", eta Sanchezek kontuak "argitzea" ere bai.
Era berean, PSOEren idazkari nagusiak kargua utzi beharko ote lukeen galdetuta, Garcia-Pagek esan du hori "azken aukera" litzatekeela, eta "edozein modutara" saihestu beharko luketela.
Zure interesekoa izan daiteke
Alkatetzak argituta, Euskal Hirigune Elkargorako lehia irekitzen da orain
Apirilean erabakiko da zein izango den Ipar Euskal Herriko erakunde administratiboaren lehendakari berria. Jean Rene Etchegaray Baionako alkatea izan da 2017tik karguan, baina Iriart zein Etxeleku ere hautagai izan daitezke.
Baionako auzapez izaten jarraituko du Etchegarayk, Blanco estreinatuko da Biarritzen, Etxeleku Kanbon, eta EH Baik babesten duen Horn Bokalen
Orain arteko auzapezek errepikatuko dute Hendaian, Donibane Lohizunen, Azkainen, Maulen eta Beskoitzen. EH Baik Urruña galdu du.
Chivitek, UPNk eta PPk gogor gaitzetsi dute Korrikan ETAren aldeko ikurrak erakustea
Korrika Txantreatik (Iruñea) igaro denean, lekukoa zeramaten bi lagunek ETAko bi presoren argazkiak erakutsi dituzte, eta horrek UPNren, PPren eta Maria Chivite Nafarroako presidentearen haserrea eragin du.
Egiari Zor Fundazioak Pasaiako sarraskiko biktimak omendu ditu, hil zituztenetik 42 urte bete direnean
Estatuko Segurtasun Indarrek Komando Autonomo Antikapitalistetako lau kide hil zituztela 42 urte bete dira gaur, eta horren kariaz Egiari Zor Fundazioak ekitaldia egin du Azpeitian, biktimen jaioterrian, haien lagun eta senideekin batera.
Otxandianok "bakearen ekonomiaren aldeko lidergo politiko sendo baten falta" leporatu dio Pradalesi
Eusko Legebiltzarreko EH Bilduren bozeramaileak kritikatu egin du Mikel Torres Ekonomia sailburuak "armagintza-industria babestu eta garatzearen alde" egin zuela.
Pradalesek Agirreren ondarea aldarrikatu du haren heriotzaren urteurrenean: "Bake gizona, letra larriz"
Lehendakariak Jose Antonio Agirre ekarri du gogora, haren heriotzaren 66. urteurrenean, eta haren balioek nazioarteko egungo testuinguruan duten indarra azpimarratu du.
Abian da udal hauteskundeen bigarren itzulia Ipar Euskal Herriko 11 herritan
Baionan eta Biarritzen aliantzak lortu dituzte aste honetan bigarren itzulirako txartela lortu duten zerrendetako batzuek. Kanbon, Donibane Lohizunen, Hendaian, Urruñan, Maulen, Bokalen, Beskoitzen eta Azkainen, ordea, ez dute adostasunik lortu, eta hautagaitza bakoitzak bere bidea egingo du.
Ione Belarrak "zitala" deitu dio Josu Jon Imazi
Irango gerraren harira, deigarria izan da gaur Ione Belarra Podemoseko idazkari nagusiak Josu Jon Imaz Repsoleko kontseilari delegatuaren kontra erabili dituen hitzak: "Gerra hau Josu Jon Imazek ordaindu dezala, zitalki joan zen-eta Donald Trumpengana".
PSNko zinegotzi batek eraman du Korrikako lekukoa Milagron, eta ikusleen artean Santos Cerdan izan da
Erriberan ibili da larunbat honetan Korrika eta Milagron, PSNko zinegotzi sozialista batek eraman du lekukoa Udalaren izenean (UPNk eta PSNk osatzen dute udalbatza). Euskadin ez bezala, alderdi sozialista normaltasunez ari da Korrikan parte hartzen Nafarroan. Milagro, bestalde, Santos Cerdan PSOEren antolakuntzako idazkari ohiaren herria da eta ETBk jaso duenez, terraza batean harrapatu du Korrika. Handik, irribarretsu agurtu ditu korrikalariak.
ETAk hil zuen Juan Priede Orioko zinegotzi sozialista gogoratu dute
Jose Ignacio Asensiok esan du apartheid politikoa gauzatzea ekidin zutela Priede bezalako pertsonek. Urte gogor haietan askatasunaren alde pauso bat eman zutela nabarmendu du, eta haien memoria politikoki ez erabiltzeko eskatu dio eskuinari eta ultraeskuinari.