EAJk eta PSEk bilerekin jarraituko dute, gobernagarritasuna helburu
EAJk eta PSE-EEk bi alderdien artean jorratutako gai guztietan sakontzeko erabakia hartu dute, gobernagarritasuna ahalbidetuko duten akordio politikoak lortzeko. Halaber, ohartarazi dute aurrerantzean modu diskretuan egingo dituztela bilerak.
Elkarrekin kaleratutako ohar batean, EAJk eta PSE-EEk adierazi dute bi alderdien arteko ordezkariak gaur goizean batzartu direla ''Euskadin irekiko den hurrengo legealdira begira, gobernu akordioak lortzeko egon daitekeen aukera arakatzeko egiten ari den elkarrizketa irekiaren markoan''.
EAJren izenean bilerara joan dira Koldo Mediavilla, Joseba Egibar, Josu Erkoreka eta Jesús Peña. Sozialisten ordezkaritza, bestalde, Iñaki Arriolak, Miguel Ángel Moralesek, Begoña Gilek eta José Antonio Pastorrek osatu dute.
Ohar horretan adierazi dutenez, bileran aztertu da EAJk alderdi politiko ezberdinei 'Akordiorako 10 topagune ardatz' izenburupean aurkeztu zien dokumentua. ''Alderatze lanketa honetan PSE-EEk erantzun globala eman dio proposamenari'', oharrean adierazi dutenez. Ordezkaritza bien arteko bilera ''produktiboa eta positiboa'' izan da, oharrean adierazi dutenez, eta ''talde bien artean ireki den eztabaidan aurreikusitako gai guztietan sakontzeko erabakia hartu da Euskal Autonomi Erkidegoaren baitan gobernagarritasuna ahalbidetuko duten akordio politikoak lortzera begira''.
''Ordezkari talde biek adostu dute elkarrizketa prozesu irekiari jarraipena emango zaiola eta bileran ezarri dute bileretarako metodologia eta hurrengo batzarretarako egutegia, eta eraginkortasunaren helburuari begira, horiek denak diskretuak izatea erabaki dute’'', gaineratu dute.
Albiste gehiago politika
Espainiak akordioa lortu du NATOrekin, Defentsan % 5 gastatzetik salbuesteko
Sanchez presidenteak jakinarazi du Espainiak bere BPGaren % 2,1 bideratuko duela defentsarako gastura, "ez gehiago, ez gutxiago", eta horrek NATOrekin dituen konpromiso guztiak bermatzeko aukera emango diola. Sanchezen iragarpena "ke-laino" gisa ikusten du Feijook, Yolanda Diazentzat akordioa "norabide egokian doa" eta NATOrekin "ezer ez sinatzeko" eskatu dio Ione Belarrak.
Gerraren kontrako mezua emateko baliatu dute Bilbon, urtero, gudariei eta milizianoei egiten zaien omenaldia
Gogora Institutuak, Bilboko Udalak eta memoria-elkarteek gerra zibileko gudariak eta milizianoak gogoratu dituzte 'Aztarna' eskulturaren ondoan, Artxandan. Ekitaldia duela 19 urtetik egiten da, bakearekiko eta bizikidetzarekiko konpromisoa berresteko.
Osasun Ituna ixteko Jaurlaritzak duen "konpromisoa erakusteko unea iristear" dela uste du EH Bilduk
Koalizio abertzalearen arabera, "une erabakigarria da honakoa euskal osasun zerbitzua indartzeko" eta "dinamika pribatizatzaileari buelta emateko". Horregatik, EH Bilduk "irmoki" inplikatzeko eskatu dio Eusko Jaurlaritzari, eta baita EAJri eta PSE-EEri ere.
“Bakea eta giza eskubideak” aldarrikatu ditu EAJk, Agirre lehendakariaren irudiaren aurrean egin duen lore-eskaintzan
Gerra Zibileko gudari eta milizianoei Artxandan egin dioten omenaldira joan aurretik, lore-eskaintza egin dio EAJk Agirre lehendakariaren irudiari, Bilbon. Ekitaldi horretan, Iñigo Ansola BBBko buruak AEBk Irani egindako erasoa salatu du.
UCOren txostena izango da protagonista bihar Nafarroako Parlamentuko Mahaiaren eta Bozeramaileen Batzordean
Txostenaren arabera, Santos Cerdan PSOEren Antolakuntza idazkaria izandakoak komisioak jaso zituen Nafarroako Gobernuak esleitutako hainbat obra publikoren truke.
Gorenak Cerdanen banku-kontuetan eta posta elektronikoan jarri du orain arreta
Hain zuzen ere, Guardia Zibilaren Unitate Zentral Operatiboa (UCO) PSOEren egoitzan sartu da ostiralean, Cerdanen posta korporatiboa klonatzeko.
Salbuespenezko kartzela-politikaren ondorioak ofizialki aitor ditzatela eskatu du Egiari Zor Fundazioak
Egiari Zor Fundazioak Joxerra Goikoetxea gogoratu du Loiun, espetxean hil zela 40 urte bete direnean. Lau hamarkada hauetan 36 preso eta 16 senide espetxe politikaren ondorioz hil direla salatu dute.
Ibarrolaren arabera, "Chiviteren irtenbide duin bakarra" dimisioa da
Cristina Ibarrola UPNko presidentearen esanetan, "susmopean eta gainbeheran dagoen gobernu baten gidaritzari" eusten dio Maria Chivitek. "Haren ibilbide politiko osoa altxatu, zuzendu eta kontrolatu dutenak erori dira: Cerdan eta Alzorriz. Berak eusten dio oraindik, baina badaki eroriko dela, ezingo duela saihestu", erantsi du.
EAJk "argitasuna" eta "azalpenak" eskatu dizkio PSOEri
EAJ Nafarroan duela 115 urte ezarri zela ospatzeko Iruñean egindako ekitaldian, Aitor Estebanek EBBko presidenteak azalpenak lehenbailehen eman ditzala esijitu dio Pedro Sanchez Espainiko Gobernuko presidente sozialistari. Jeltzaleek ez dutela egoeraz baliatuta etekinik atera nahi esan du Estebanek, eta duintasun demokratikoa babestea dela euren helburua.
Anduezak esan du euskal sozialismoa "zintzotasunaren eredu" dela
Eusko Jaurlaritzaren lehen urtearen balantzea egiteko Barakaldon egindako ekitaldian euskal sozialisten idazkari nagusiak azpimarratu duenez, "ekintzekin" frogatu da PSE-EEren hauteskunde-programa "ez zela ideien zerrenda hutsa, euskal gizartearekiko benetako konpromisoa baizik".