Elkarrekin Podemos erabakitzeko eskubidearen alde dagoela dio Zabalak
Pili Zabala Elkarrekin Podemos alderdiko legebiltzarkideak erabakitzeko eskubidearen alde daudela nabarmendu du. Era berean, araudian ezarritako legeak errespetatu behar direla esan du, eta Estatuarekin aldebiko harremana lortzearen alde agertu da.
Elkarrekin Podemos erabakitzeko eskubidearen alde dagoela azpimarratu du Zabalak, baina ez nazio izaerari dagokionean bakarrik, gainerako gaietan ere (zerbitzu publikoak, giza eskubideak edota zerga-sistema) euskal herritarrek zeresana dutela nabarmendu du legebiltzarkideak.
Ildo horretatik, Eusko Legebiltzarreko gehiengo zabalak ideia horren muinarekin bat egiten duela gaineratu du.
“Euskadiko estatus politikoari dagokionean, alderdi politikoek, eragile sozialek eta herritarrek elkarlanean gaurkotu behar duten gaia” dela adierazi du Pili Zabalak. Arrazoi horregatik, guztien artean eztabaidatu beharreko gaia dela azpimarratu du.
Beste alde batetik, EAJk eta PSE-EEk sinatutako koalizio akordioa ez dela nahikoa adierazi du Elkarrekin Podemoseko legebiltzarkideak. Halaber, hitzarmenak helburu bakarra duela azpimarratu du: postu batzuen truke, PSE bizirik mantentzea.
Hitzarmen horri esker EAJren helburu nagusia betetzen dela gaineratu du Zabalak: Gehiengo aurrerakoia izango lukeen Gobernua ez da posible izango.
Dena den, Elkarrekin Podemos eta EH Bilduren gehiengoari esker legegintzaldi honetan politika aurrerakoiak garatu ahal izatea espero duela esan du. Era berean, besoa luzatu die PSE-EE alderdiko legebiltzarkideei.
Gainera, zerga-sistema aldatzeko eta ardura hori Eusko Legebiltzarren esku uzteko akordio berria sinatu dezaten eskatu dio Zabalak Idoia Mendia sozialisten idazkari nagusiari.
Bake eta Bizikidetzari dagokionez, elkarrekin akordio bat adosteko eskaera egin die legebiltzarkideei, eta Elkarrekin Podemosek EAJrekin horri buruzko ikuspegi zabalagoa duela gaineratu du.
Pili Zabalak EAJ eta PSE-EEren arteko hitzarmena kritikatu du, eta akordioaren gabeziak azpimarratu ditu. Ildo horretatik, akordioak langabezia, pobrezia, etorkinak, LGTB kolektiboa, irakasleak, Osakidetzako langileak edota biktimak alde batera uzten dituela ohartarazi du.
Zure interesekoa izan daiteke
Erorien Monumentua eraisteko eskatu dute berriz ere Iruñean
Elkarte memorialistak kalera atera dira berriro larunbat honetan, Erorien Monumentua eraistea eskatzeko, eta PSNk, EH Bilduk eta Geroa Baik adostutako proiektua atzera botatzea eskatzeko.
Ertzaintzaren pilotakada bat jaso ostean hil zen Rosa Zarraren omenezko plaka jarri du Donostiako Udalak
Orain arte, 37 plaka jarri ditu Udalak, "terrorismoaren eta motibazio politikoko indarkeriaren biktima izan zirenei espazio publikoan ikusgarritasuna emateko".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Datorren astean hasiko dira hurrengo urterako Euskadiko aurrekontuak negoziatzen. EH Bilduk eta Sumarrek "koherentzia" eskatu diete Eusko Jaurlaritzako bazkideei, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.
Lehendakariak esan du ezker abertzalea sistemara hurbildu dela baina euskal gizartearekin oraindik zor etiko izugarria duela
Amaia Martinez VOXeko legebiltzarkideak "ezker erradikalak euskal politika munduan gero eta protagonismo gehiago" izatearen gainean galdetu dio lehendakariari. Pradalesek esan dio ezker abertzalea erakunde sistemara etorri dela azkenean, nahiz eta oraindik euskal gizartearekin zor etiko izugarria duen, eta PSE-EErekin duen koalizio gobernua defendatu du.
Sabino Arana Fundazioak omenaldia egin die nazismoak deportatutako EAJko militanteei
Bilboko egoitzan egin duten ekitaldian, plaka bat jarri dute nazien esku egondako, gutxienez, 13 kide jeltzaleen omenez.