Autogobernuari buruzko lantaldea sortzea eskatu dute EAJk eta PSEk
Iñigo Urkulluren Jaurlaritza berriak egin du lehen bilera. Lehendakaria buru, atzo kargua hartu zuten hamaika sailburuak bildu dira goizean Gasteizen. Jarrera aldaketa sakona eskatu diote Madrilgo Gobernuari, besteak beste, autogobernuan sakontzeko.
Eusko Legebiltzarrean autogobernuari buruzko lantaldea sortzea eskatu dute EAJk eta PSEk; Gernikako Estatutua eta Espainiako Konstituzioa, biak erreformatzea eskatu dute, autogobernuan sakontzeko eta Estatuaren eredu autonomikoa aldatzeko.
Memoria eta Bizikidetza landuko duen lantaldea sortzea ere proposatu dute bi alderdiok, "biktima guztiek dagokien eta merezi duten erreparazioa eta aitortza jaso dezaten" eta "ETAren behin betiko amaiera" gauzatu dadin.
Ponentzia horiek abian jatzeko, ez-legezko bi proposamen aurkeztu zituzten joan den ostiralean jeltzaleek eta sozialistek. Legebiltzarreko Mahaiak argi berdea eman die bi ekimenoi gaur.
"Aniztasunetik", "elkarrizketarako eta elkar ulertzeko espazioak" bultzatzera deitu dituzte alderdi guztiak. Sor litezkeen lantalde berri horiek izango lirateke, EAJren eta PSEren aburuz, akordiorako abaguneak sortzeko leku aproposak. Mahai gainean jarri dituzten gaien konplexutasunak "borondate politikoa, lana eta elkarrizketa" behar dituela ezinbestean onartu dute.
Tramitera onartuta, ez-legezko bi proposamen hauek Osoko Bilkuran eztabaidatzea eta onartzea izango da hurrengo urratsa.
Aurrekontu proiektua
Gaurko Gobernu Bileran erabakitakoaren arabera, 2017ko EAEko Aurrekontu Proiektua prest egongo da hurrengo urteko lehen hiru hilabeteetan. Gidalerro juridiko eta ekonomikoak landuta daudela esan dute. Euskal Finantza Kontseiluak onartutako baliabideen barruan egingo dela gogoratu du Josu Erkoreka Jaurlaritzaren bozeramaileak.
Erkorekak azaldu duenez, sailburu bakoitzak Eusko Legebiltzarrean, dagokion batzordean, lehenbailehen aurkeztu beharko ditu legealdi berrirako dituen asmo nagusiak. Hori da Urkullu lehendakariak sailburuei eman dien lehendabiziko agindua.
Zure interesekoa izan daiteke
Zupiria: “Istilu horietan bidegabeko biktima bat egon zen”
Zabarte auziaren harira, Bingen Zupiria Segurtasun sailburuak adierazi du auzitegiei dagokiela zer gertatu zen argitzea, eta familiak errekurritzeko eskubide osoa duela. Hala ere, argi du bidegabeko biktima bat egon zela istilu haietan.
Accionako presidentearen aurka eginbideak irekitzea eskatu du Fiskaltzak, Nafarroako Ikerketa Batzordera joan ez zelako
Birritan deitu du Nafarroako Parlamentuak Jose Manuel Entrecanales enpresaria eta bietan huts egin du hitzordura. Fiskaltzaren arabera, desobedientzia delitutzat har daiteke.
Patxi Lopezek Feijori egotzi dio ETAren biktimen "erabilera zikina"egitea
PSOE eta PP alderdien arteko ika-mika gogorra izan da gaur Espainiako Diputatuen Kongresuan. Patxi Lopez sozialisten eledunak Behe Ganberan Alberto Nuñez Feijoo PPko buruari leporatu dio ETAren biktimen "erabilera zikina" egitea.
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.