Puigdemont: 'Bidaia orriak bere horretan dirau'
Auzitegi Konstituzionalaren erabakiaren aurrean, lehengo lepotik du burua Carles Puigdemont Generalitateko presidenteak. Hala esan du Auzitegiak 2017rako erreferenduma bertan behera utzi eta biharamunean: "Herriak eta Parlamentuak agindutako bidaia orriak bere horretan dirau".
Generalitateko jauregitik eskainitako prentsaurrekoan aitortu duenez, "ustekaberik" ez du hartu ebazpena ezagutzean, baina "agerian geratu da Estatuko populismo konstituzionala", haren ustez.
Hala, abenduaren 23an erreferenduma prestatzeko iragarritako bilera egin egingo dutela berretsi du. "Katalanek botoa emateko, eztabaidatzeko eta biltzeko eskubidea dugu. Horrenbestez, horixe egingo dugu".
Carme Forcadell Parlamentuko presidenteak Auzitegian deklaratu beharko du ostiral honetan Kataluniako Ganberan deskonexio prozesuaren inguruko bozketa baimentzeagatik. Deklarazio honen inguruan galdetuta, bihar "erabateko babesa" adieraziko diotela azpimarratu du Puigdemontek. Izan ere, bere ustez, "epaiketa ez da pertsona jakin baten kontrakoa, Kataluniako borondatea ordezkatzen duen erakundearen kontrakoa baizik".
Kataluniako prozesuari babesa, Euskal Herritik
Bien bitartean, EAJk, EH Bilduk eta Elkarrekin Podemosek "Kataluniako Parlamentuak abiatutako prozesu politiko eta demokratikoa" babesteko agiria adostu dute gaur. Dokumentuan elkartasuna azaldu diote Kataluniari, Generalitateari eta Carme Forcadell Kataluniako Parlamentuko presidenteari.
Hiru alderdiotako bozeramaileek (Joseba Egibar, Maddalen Iriarte eta Lander Martinez) irakurri dute agiria, Legebiltzarrean. Bozeramaileen Batzordeak agiri instituzionala onartzea nahi zuen EH Bilduk, baina PPk eta PSE-EEk kontra bozkatu dute.
Masen, Rigauren eta Ortegaren kontrako epaiketa
Horrez gain, A9ko galdeketaren harira zabaldutako auzian, Artur Masen, Joana Ortegaren eta Irene Rigauren defentsek idatziak aurkeztu dituzte gaur. Besteak beste, Mariano Rajoy Espainiako presidentearen eta Rafael Catala Justizia ministroaren lekukotzak eskatu dituzte.
Masen abokatuak 11 lekuko galdegin ditu, baina Rajoyren eta Catalaren kasuan bakarrik zehaztu du zergatik eskatu dituen: "Prozesu parte hartzailearen harira esandakoen edukiaz eta ondorioez galdetzeko".
Albiste gehiago politika
Begoña Gomez herri epaimahai batek epaitzea proposatu du Peinado epaileak, diru publikoa bidegabe erabiltzea egotzita
Datorren larunbatean epaitegira joateko dei egin dio, 18:00etan, aurretiazko agerraldia egin dezan.
Kongresuak atzera bota du migrazio eskumena Kataluniako Gobernuaren esku uzteko Juntsek eta PSOEk adostutako lege proposamena
Podemosek lege testuaren aurka bozkatu du PPrekin eta Voxekin batera, "arrazista" dela iritzita. Horiei Sumarreko bi diputatu batu zaizkie, boto diziplina hautsita. Miriam Nogueras Juntseko bozeramaileak muturreko eskuina eta muturreko ezkerra kritikatu ditu Kataluniaren aurkakoak direla iritzita.
Albiste izango dira: EAEko aireportuen kudeaketa, Palestinaren aldeko manifestazioa Zinemaldian, eta NBEren Batzar Orokorra
Gaurkoan Orain-en albiste izango direnen laburpena, bi hitzetan.
Autobus batek Nafarroa eta Gipuzkoa zeharkatuko ditu, Mikel Zabalzaren oroimenez
Gazte nafarra hilik agertu zen Bidasoa ibaian 1985ean, Guardia Zibilak atxilotu eta 20 egunera.
Israeli arma enbargoa ezartzea onartu du Espainiako Gobernuak
Edonola ere, errege dekretuak klausula bat aurreikusten du, eta, horren arabera, salbuespen kasuetan eta Estatuaren interesaren eta interes orokorraren izenean, Ministroen Kontseiluak Israelekin merkataritza harremanak baimendu ahalko ditu.
Goiak Donostiako autobus geltokiko kafetegia lekuz aldatzea proposatu du, itxarongunea handitzeko
Donostiako alkatearen arabera, "garai batean aurreikusi zen gaur egun instalazio hori erabiltzen duten autobus askok, Gasteiz eta Bilbo jatorri-helmuga dutenek, desagertuko zirela 'euskal Y' abiadura handiko trenaren zerbitzua martxan jartzean", baina "asko atzeratzen" ari da. "Ez dakigu zein urtetan erabili ahal izango dugun abiadura handiko trena", deitoratu du.
Eusko Jaurlaritzak adierazi du Txiki eta Otaegi biktimak direla, eta eskatu du urteurrena ez dezatela instrumentalizatu
"'Txiki' eta Otaegi gobernu frankistak fusilatu zituen, biktimak dira, eta giza eskubideen urraketa onartezina jaso zuten, baina urteurren hau ezin da instrumentalizazio gisa erabili", adierazi du Maria Ubarretxena Eusko Jaurlaritzaren bozeramailea gobernu bilareraren osteko prentsaurrekoan.
Jon Goikolea, Arkautiko akademiako zuzendari berria
Goikolea Juan Mari Atutxaren eskuineko eskua izan zen Segurtasun sailburu izan zen urteetan. Miren Dobaranek abuztuan utzi zuen kargua, Amaya Angulo zuzendariordearekin batera. Biek urtebete eskas egin zuten postuan.
"Txiki eta Otaegi ez ziren heroiak ezta martiriak izan": Fernando Buesa Fundazioak eta Covitek fusilamenduen urteurrenean ETA goratzea salatu dute
Bi elkarteek, halaber, ohar bateratu bidez, erakunde publiko, lokal, autonomiko eta estatuko guztiei eskatu diete "pertsona horien omenezko ekitaldiak ez sustatzeko eta ez babesteko".
Pirinio Atlantikoetako Prefeturak Ipar Euskal Herriko lau udal auzitara eraman ditu, Palestinako bandera zabaltzeagatik
Funtzio publikoak jokatu behar duen neutraltasunaz ez jardutea leporatzen die Urruña, Ozaze, Izura eta Itsasuko udalei. Ipar Euskal Herriko beste lau herriko etxek ere zabaldu dute Palestinako bandera, eta ikusteko dago Prefeturak horien aurkako auzibidea hasten duen ala ez.