2017an, Nafarroan bizikidetza berrestea espero du Uxue Barkosek
Orain arte emandako pausoek etorkizunari konfiantzaz begiratzea ahalbidetzen dutela, eta 2017an bakearen eta bizikidetzaren alde hartutako konpromisoa berrestea espero du Uxue Barkos Nafarroako Foru Gobernuko presidenteak. Barkosen esanetan, "aniztasuna gure indarguneetako bat da, ez ahultasuna".
Krisi ekonomikoko urteak gizarteko ahulenentzat bereziki gogorrak izan zirela azpimarratu ostean, Barkosek egunez egun aurrerapausoak ematen, hobetzen eta hazten jarraitzea defendatu du, "inor atzean utzi gabe". "Pertsonak dira gure lehentasuna eta gure jardueraren ardatz nagusia izaten jarraituko dute", gaineratu du. Are gehiago, haren esanetan, susperraldi ekonomikoak familiek ongizatea berreskuratzea ahalbideratu behar du.
Lanari dagokionez, enplegua sortzen ari dela nabarmendu ostean Barkosek esan du datuak ez direla inoiz onak izango lan merkatura sartu ezinda dagoen pertsona bat dagoen bitartean. Hori dela eta, Foru Gobernuak kalitatezko enplegua sortzeko konpromisoa duela eta horri eutsiko diola azaldu du.
Uxue Barkosen esanetan, hezkuntza, osasuna, dependentzia eta gizarte alorretan egindako inbertsioak dira azpiegiturarik onenak. Ez hori bakarrik, haren esanetan, "gizarte kohesionatuago eta aberatsago bat eraikitzeko ez ezik, gure ongizatea bermatzeko eta erkidego lehiakorrago eta bideragarriago bat eraikitzeko giltzarri dira”.
Aurreko astean 2017ko Nafarroako Aurrekontuak onartu zirela azpimarratu du, "Gobernu ekintzarako eta aldaketa egonkortzeko erreferentziazko tresna". Gaineratu duenez, "Aurrekontuen azken helburua zerbitzu publikoen kalitatea bermatzea, edo gauza bera dena, nafar guztien ongizatea eta berdintasuna bermatzea da".
Nafarroako presidenteak adierazi duenez, heldu den urtea giltzarri izango da autogobernuaren alorrean eta Nafarroaren eta Espainiaren arteko harremanetan.
/p> /p>Zure interesekoa izan daiteke
Ertzaintzaren pilotakada bat jaso ostean hil zen Rosa Zarraren omenezko plaka jarri du Donostiako Udalak
Orain arte, 37 plaka jarri ditu Udalak, "terrorismoaren eta motibazio politikoko indarkeriaren biktima izan zirenei espazio publikoan ikusgarritasuna emateko".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Datorren astean hasiko dira hurrengo urterako Euskadiko aurrekontuak negoziatzen. EH Bilduk eta Sumarrek "koherentzia" eskatu diete Eusko Jaurlaritzako bazkideei, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.
Lehendakariak esan du ezker abertzalea sistemara hurbildu dela baina euskal gizartearekin oraindik zor etiko izugarria duela
Amaia Martinez VOXeko legebiltzarkideak "ezker erradikalak euskal politika munduan gero eta protagonismo gehiago" izatearen gainean galdetu dio lehendakariari. Pradalesek esan dio ezker abertzalea erakunde sistemara etorri dela azkenean, nahiz eta oraindik euskal gizartearekin zor etiko izugarria duen, eta PSE-EErekin duen koalizio gobernua defendatu du.
Sabino Arana Fundazioak omenaldia egin die nazismoak deportatutako EAJko militanteei
Bilboko egoitzan egin duten ekitaldian, plaka bat jarri dute nazien esku egondako, gutxienez, 13 kide jeltzaleen omenez.
Alemaniako presidentea Gernikan izango da azaroaren 28an, nazien bonbardaketaren biktimen omenez
Alemaniako presidente bat Gernikara joango den lehen aldia izango da, eta balio sinboliko eta politiko handia hartuko du bisitak. Ultraeskuinaren gorakada kezkagarriaren erdian dator pausoa.