Presidente Autonomikoen Batzarrean adostutako 11 akordioak
Presidente Autonomikoen VI. Batzarra egin zen atzo Madrilen. Espainiako erkidegoetako buruzagi denak bildu ziren, Iñigo Urkullu lehendakaria eta Carles Puigdemont Kataluniako presidentea izan ezik. Orotara, hamaika puntu adostu zituzten, tartean, autonomien finantzaketa eredu berriari buruzkoa. Emakumeen kontrako indarkeriari aurre egiteko itun berria abian jartzea ere adostu zuten.
Uxue Barkos Nafarroako presidentea bileran izan zen, eta, besteak beste, alor fiskalean "konpromiso irmoak" hartzeko eskatu zion Rajoyren Gobernuari. Barkosen hitzetan, Foru Amejoramenduaren Legea ez da betetzen gaur egun.
Honako hauek dira Biltzarrean adostutako 11 itunak:
- Finantzaketa autonomikoaren erreforma: Biltzarrean adostutako gai nagusia izan zen. Batzorde berezi bat osatuko da, eta aditu talde batek 2017an eredu berri bat jarriko du mahai gainean.
- Indarkeria matxistari aurre egiteko hitzarmena: gai honen inguruko biltzar monografiko bat egitea proposatu zen, erkidegoetako arduradunekin. Kongresuan abian den batzordearekin elkarlanean, indarkeria matxistari aurre egiteko protokolo berria ezartzea aurreikusi zen.
- Demografiaren inguruko estrategia berria: 2031rako Espainiak milioi erdi herritar gutxiago izango dituela aurreikusi zen, eta horren aurrean, biztanlegoari eusteko languntzak emateko bideak zabaltzea izenpetu zen.
- Hezkuntzaren aldeko itun soziala eta politikoa: gai honen inguruan ere, batzorde berezi bat osatzea proposatu zen, erkidegoetako hezkuntza arduradunen partehartzearekin.
- Babes zibilerako akordioa: hondamendiei edota mehatxu terroristei aurre egiteko eta elkarlana bultzatzeko neurriak adostea erabaki zen.
-Merkatuaren batasunerako eta mugikortasunerako ituna: besteak beste, administrazioko funtzionarioak, bereziki goi mailakoak, erkidego batetik bestera lekuz aldatzea ahalbidetzea da helburua. Bitarteko lan kontratua duten langileen egoera ere aztertzea beharrezkotzat jo zen, egonkortasuna bermatze aldera.
- Txartel soziala: gizarte laguntzen mapa berria egingo da.
- Bono soziala: tartean, pobrezia egoeran dauden herritarrak babesteko elkarlana bultzatuko da Gobernu zentralaren eta erkidegoen artean.
- Europako Batasunarekin zerikusia duten gaietan, erkidegoen partehartze zuzenagoa bultzatzea adostu zen.
- Enpleguarekin lotutako politikak sustatzea, "kalitatezko enplegua" sortze aldera.
- Presidenteen Biltzarreko araudia moldatu egingo da.
Zure interesekoa izan daiteke
Erorien Monumentua eraisteko eskatu dute berriz ere Iruñean
Elkarte memorialistak kalera atera dira berriro larunbat honetan, Erorien Monumentua eraistea eskatzeko, eta PSNk, EH Bilduk eta Geroa Baik adostutako proiektua atzera botatzea eskatzeko.
Ertzaintzaren pilotakada bat jaso ostean hil zen Rosa Zarraren omenezko plaka jarri du Donostiako Udalak
Orain arte, 37 plaka jarri ditu Udalak, "terrorismoaren eta motibazio politikoko indarkeriaren biktima izan zirenei espazio publikoan ikusgarritasuna emateko".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Datorren astean hasiko dira hurrengo urterako Euskadiko aurrekontuak negoziatzen. EH Bilduk eta Sumarrek "koherentzia" eskatu diete Eusko Jaurlaritzako bazkideei, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.
Lehendakariak esan du ezker abertzalea sistemara hurbildu dela baina euskal gizartearekin oraindik zor etiko izugarria duela
Amaia Martinez VOXeko legebiltzarkideak "ezker erradikalak euskal politika munduan gero eta protagonismo gehiago" izatearen gainean galdetu dio lehendakariari. Pradalesek esan dio ezker abertzalea erakunde sistemara etorri dela azkenean, nahiz eta oraindik euskal gizartearekin zor etiko izugarria duen, eta PSE-EErekin duen koalizio gobernua defendatu du.
Sabino Arana Fundazioak omenaldia egin die nazismoak deportatutako EAJko militanteei
Bilboko egoitzan egin duten ekitaldian, plaka bat jarri dute nazien esku egondako, gutxienez, 13 kide jeltzaleen omenez.