Cospedal: 'PPk ez zuen garaiz erantzun ustelkeria kasu batzuetan'
Maria Dolores de Cospedal Alderdi Popularraren idazkari nagusiak esan du bere alderdiak berandu erantzun zuela ustelkeria kasu batzuen aurrean, baina, aldi berean, horrelako jarduerak ekiditeko hartu dituzten neurriak azpimarratu ditu.
PPk XVIII. Biltzar Nazionala abiatu du ostiral honetan eta bertan egin ditu adierazpenok Cospedalek.
Ustelkeria kasu batzuetan alderdiak berandu erantzun zuela aitortu du, baina jarrera hori justifikatu egin du, horrelakorik gertatzea ezinezkoa zela uste zutela esanda.
“Zenbait kasutan ez ginen gizarteak eskatzen zuen azkartasunarekin aritu. Baina beste batzuk ez dira inoiz azkarrak izan”, esan du beste alderdi batzuetan izan diren ustelkeria kasuei aipu eginez.
Hala ere, Cospedalek nabarmendu du, kasu ustelak kenduta, Alderdi Popularra “lan gardena, garbia eta ondratua egiten duten milaka pertsonaz” osatuta dagoela.
“Gure alderdiko jendea politikagintzako ustelkeriatik urrun bizi izan dira eta azken urteotan gardentasuna bermatzeko eta ustelkeria saihesteko ekimen ugari jarri ditugu abian”, azaldu du.
PPk karguak pilatzea baimenduko du
Alderdi Popularrak karguak pilatzearen inguruko zuzenketaren kontra bozkatu du. Maria Dolores de Cospedal jomugan jarri duen zuzenketa horren arabera, militante bakoitzak kargu bakarra izateko eskubidea izango luke. Dena dela, soilik 25 botoko aldeagatik proposamen horrek ez du aurrera egingo: 303 militantek alde bozkatu dute; 328k kontra eta zortzik abstentzioa eman dute.
Zehazki, militante bakoitzak kargu bakarra izateko eskubidea izan beharko lukeela jasotzen zuen zuzenketa horrek. Ildo horretatik, norbait erkidego bateko presidentea izango balitz ez lukeela PPko idazkari nagusia izateko aukerarik izango zioen. Hala, karguak pilatzeko bateraezintasuna azpimarratzen zuen.
Militanteek eman dituzten botoak behin baino gehiagotan zenbatu behar izan dituzte, baiezkoaren eta ezezkoaren aldea oso txikia izan baita.
Albiste gehiago politika
Espainiak akordioa lortu du NATOrekin, Defentsan % 5 gastatzetik salbuesteko
Aliantzarekin lortutako akordioaren ostean egindako adierazpen instituzionalean, Sanchez presidenteak jakinarazi du Espainiak bere BPGaren % 2,1 bideratuko duela defentsarako gastura, "ez gehiago, ez gutxiago", eta horrek NATOrekin dituen konpromiso guztiak bermatzeko aukera emango diola.
Gerraren kontrako mezua emateko baliatu dute Bilbon, urtero, gudariei eta milizianoei egiten zaien omenaldia
Gogora Institutuak, Bilboko Udalak eta memoria-elkarteek gerra zibileko gudariak eta milizianoak gogoratu dituzte 'Aztarna' eskulturaren ondoan, Artxandan. Ekitaldia duela 19 urtetik egiten da, bakearekiko eta bizikidetzarekiko konpromisoa berresteko.
Osasun Ituna ixteko Jaurlaritzak duen "konpromisoa erakusteko unea iristear" dela uste du EH Bilduk
Koalizio abertzalearen arabera, "une erabakigarria da honakoa euskal osasun zerbitzua indartzeko" eta "dinamika pribatizatzaileari buelta emateko". Horregatik, EH Bilduk "irmoki" inplikatzeko eskatu dio Eusko Jaurlaritzari, eta baita EAJri eta PSE-EEri ere.
UCOren txostena izango da protagonista bihar Nafarroako Parlamentuko Mahaiaren eta Bozeramaileen Batzordean
Txostenaren arabera, Santos Cerdan PSOEren Antolakuntza idazkaria izandakoak komisioak jaso zituen Nafarroako Gobernuak esleitutako hainbat obra publikoren truke.
“Bakea eta giza eskubideak” aldarrikatu ditu EAJk, Agirre lehendakariaren irudiaren aurrean egin duen lore-eskaintzan
Gerra Zibileko gudari eta milizianoei Artxandan egin dioten omenaldira joan aurretik, lore-eskaintza egin dio EAJk Agirre lehendakariaren irudiari, Bilbon. Ekitaldi horretan, Iñigo Ansola BBBko buruak AEBk Irani egindako erasoa salatu du.
Gorenak Cerdanen banku-kontuetan eta posta elektronikoan jarri du orain arreta
Hain zuzen ere, Guardia Zibilaren Unitate Zentral Operatiboa (UCO) PSOEren egoitzan sartu da ostiralean, Cerdanen posta korporatiboa klonatzeko.
Salbuespenezko kartzela-politikaren ondorioak ofizialki aitor ditzatela eskatu du Egiari Zor Fundazioak
Egiari Zor Fundazioak Joxerra Goikoetxea gogoratu du Loiun, espetxean hil zela 40 urte bete direnean. Lau hamarkada hauetan 36 preso eta 16 senide espetxe politikaren ondorioz hil direla salatu dute.
Ibarrolaren arabera, "Chiviteren irtenbide duin bakarra" dimisioa da
Cristina Ibarrola UPNko presidentearen esanetan, "susmopean eta gainbeheran dagoen gobernu baten gidaritzari" eusten dio Maria Chivitek. "Haren ibilbide politiko osoa altxatu, zuzendu eta kontrolatu dutenak erori dira: Cerdan eta Alzorriz. Berak eusten dio oraindik, baina badaki eroriko dela, ezingo duela saihestu", erantsi du.
EAJk "argitasuna" eta "azalpenak" eskatu dizkio PSOEri
EAJ Nafarroan duela 115 urte ezarri zela ospatzeko Iruñean egindako ekitaldian, Aitor Estebanek EBBko presidenteak azalpenak lehenbailehen eman ditzala esijitu dio Pedro Sanchez Espainiko Gobernuko presidente sozialistari. Jeltzaleek ez dutela egoeraz baliatuta etekinik atera nahi esan du Estebanek, eta duintasun demokratikoa babestea dela euren helburua.
Anduezak esan du euskal sozialismoa "zintzotasunaren eredu" dela
Eusko Jaurlaritzaren lehen urtearen balantzea egiteko Barakaldon egindako ekitaldian euskal sozialisten idazkari nagusiak azpimarratu duenez, "ekintzekin" frogatu da PSE-EEren hauteskunde-programa "ez zela ideien zerrenda hutsa, euskal gizartearekiko benetako konpromisoa baizik".