Espetxera bidali dituzte Iruñeko istiluetan atxilotuetako hiru
Fidantzarik gabe behin behinean espetxera bidali ditu epaileak Iruñean asteburuan izandako istiluekin lotuta atxilotuetako hiru lagun. Iruñeko 4. Instrukzio Epaitegiko epaileak hartu du erabakia, goizean hirurei deklarazioa hartu ondoren. Terrorismo delitua eta desordena publikoak eragitea leporatu dizkie. Istiluekin zerikusia izan zuelakoan atxilotutako laugarren pertsona adin txikikoa da, eta atzo aske utzi zuten.
Nafarroako Justizia Auzitegiak jakitera eman duenez, kasua Auzitegi Nazionalaren esku uztea erabaki du epaileak. 'Errepresioari Autodefentsa' dinamikak deitutako mobilizazioan izandako istiluetan parte hartzea leporatuta atxilotu zituzten lau lagun, larunbat arratsaldean.
Dozenaka lagunek hartu zuten parte protesta ekintzan, eta liskar gogorrak izan ziren Nafarroako hiriburuko Alde Zaharrean.
Ebazpenean, epaileak gogora ekarri du mobilizazioa baimendu gabe zegoela. Antolatutako ekintza bat izan zela esan du magistratuak, eta horren hitzetan, istiluak eragiteko materiala prestatuta eraman zuten Iruñera.
Helegitea jartzeko aukera dute atxilotutako hiru lagunek.
Agiri bateraturik ez, Nafarroako Parlamentuan
Nafarroako Parlamentuko talde guztiek gaitzetsi dituzte larunbateko istiluak, baina ez dute lortu agiri bateratu bat adostea. Iruñeko Udaleko talde guztiek atzo aho batez onartutako agiria eraman dute Parlamentura, baina UPNk eta PPNk ez dute babestu.
Javier Esparza UPNk kidearen iritzian, atzo bere alderdikideek onartutako testua gaur ez babestearen arrazoia ATA Amnistiaren Aldeko eta Errepresioaren Aurkako taldeak azken orduotan kaleratu duen agiria izan da. "Gerra adierazpena dirudi", esan du.
Ana Beltran PPNko ordezkariaren esanetan, berriz, bere taldeak horrelako ekintzen aurrean "betiko irmotasunari" eusten dio eta ez du "adierazpen anbiguorik" onartuko.
Gainerako taldeek kritikatu egin dute UPNren eta PPNren jarrera, "konfrontazioan, eroso" daudela esanez.
Albiste gehiago politika
Espainiak akordioa lortu du NATOrekin, Defentsan % 5 gastatzetik salbuesteko
Aliantzarekin lortutako akordioaren ostean egindako adierazpen instituzionalean, Sanchez presidenteak jakinarazi du Espainiak bere BPGaren % 2,1 bideratuko duela defentsarako gastura, "ez gehiago, ez gutxiago", eta horrek NATOrekin dituen konpromiso guztiak bermatzeko aukera emango diola.
Gerraren kontrako mezua emateko baliatu dute Bilbon, urtero, gudariei eta milizianoei egiten zaien omenaldia
Gogora Institutuak, Bilboko Udalak eta memoria-elkarteek gerra zibileko gudariak eta milizianoak gogoratu dituzte 'Aztarna' eskulturaren ondoan, Artxandan. Ekitaldia duela 19 urtetik egiten da, bakearekiko eta bizikidetzarekiko konpromisoa berresteko.
Osasun Ituna ixteko Jaurlaritzak duen "konpromisoa erakusteko unea iristear" dela uste du EH Bilduk
Koalizio abertzalearen arabera, "une erabakigarria da honakoa euskal osasun zerbitzua indartzeko" eta "dinamika pribatizatzaileari buelta emateko". Horregatik, EH Bilduk "irmoki" inplikatzeko eskatu dio Eusko Jaurlaritzari, eta baita EAJri eta PSE-EEri ere.
UCOren txostena izango da protagonista bihar Nafarroako Parlamentuko Mahaiaren eta Bozeramaileen Batzordean
Txostenaren arabera, Santos Cerdan PSOEren Antolakuntza idazkaria izandakoak komisioak jaso zituen Nafarroako Gobernuak esleitutako hainbat obra publikoren truke.
“Bakea eta giza eskubideak” aldarrikatu ditu EAJk, Agirre lehendakariaren irudiaren aurrean egin duen lore-eskaintzan
Gerra Zibileko gudari eta milizianoei Artxandan egin dioten omenaldira joan aurretik, lore-eskaintza egin dio EAJk Agirre lehendakariaren irudiari, Bilbon. Ekitaldi horretan, Iñigo Ansola BBBko buruak AEBk Irani egindako erasoa salatu du.
Gorenak Cerdanen banku-kontuetan eta posta elektronikoan jarri du orain arreta
Hain zuzen ere, Guardia Zibilaren Unitate Zentral Operatiboa (UCO) PSOEren egoitzan sartu da ostiralean, Cerdanen posta korporatiboa klonatzeko.
Salbuespenezko kartzela-politikaren ondorioak ofizialki aitor ditzatela eskatu du Egiari Zor Fundazioak
Egiari Zor Fundazioak Joxerra Goikoetxea gogoratu du Loiun, espetxean hil zela 40 urte bete direnean. Lau hamarkada hauetan 36 preso eta 16 senide espetxe politikaren ondorioz hil direla salatu dute.
Ibarrolaren arabera, "Chiviteren irtenbide duin bakarra" dimisioa da
Cristina Ibarrola UPNko presidentearen esanetan, "susmopean eta gainbeheran dagoen gobernu baten gidaritzari" eusten dio Maria Chivitek. "Haren ibilbide politiko osoa altxatu, zuzendu eta kontrolatu dutenak erori dira: Cerdan eta Alzorriz. Berak eusten dio oraindik, baina badaki eroriko dela, ezingo duela saihestu", erantsi du.
EAJk "argitasuna" eta "azalpenak" eskatu dizkio PSOEri
EAJ Nafarroan duela 115 urte ezarri zela ospatzeko Iruñean egindako ekitaldian, Aitor Estebanek EBBko presidenteak azalpenak lehenbailehen eman ditzala esijitu dio Pedro Sanchez Espainiko Gobernuko presidente sozialistari. Jeltzaleek ez dutela egoeraz baliatuta etekinik atera nahi esan du Estebanek, eta duintasun demokratikoa babestea dela euren helburua.
Anduezak esan du euskal sozialismoa "zintzotasunaren eredu" dela
Eusko Jaurlaritzaren lehen urtearen balantzea egiteko Barakaldon egindako ekitaldian euskal sozialisten idazkari nagusiak azpimarratu duenez, "ekintzekin" frogatu da PSE-EEren hauteskunde-programa "ez zela ideien zerrenda hutsa, euskal gizartearekiko benetako konpromisoa baizik".