Kontsulta adostua eskatu diote Puigdemontek eta Junquerasek Rajoyri
Erresuma Batuak eta Eskoziak egin zuten gisan, Kataluniaren independentziaren inguruko 'erreferendum adostua' egiteko deia egin diote Carles Puigdemont Kataluniako presidenteak eta Oriol Junqueras presidenteordeak Mariano Rajoy Espainiako presidenteari.
Elkarrizketa eta akordioa aldarrikatuz, gutuna kaleratu dute biek El País egunkarian. 'Irabaz dezala elkarrizketak, erabaki dezatela boto-kutxek' izenburupean, 'Eskoziako bidea' defendatu dute idatzian: "Erresuma Batuak eta Eskoziak akordioa erdietsi zuten erreferenduma deitzeko eta baimentzeko, borondate politikoa egon zelako. Politikoki konpon zitekeena ez zen epaitegien esku utzi".
Horri kontrajarriz, Espainiako Gobernuak "irrika populista eta sinplista izan du ezberdintasunari debekuarekin, harresiekin eta diskriminazioarekin erantzuteko".
Kataluniako Exekutiboaren jarrera hizpide, "adostutako erreferenduma" defendatzen dutela azpimarratu dute bi buruzagi katalanek. "Hainbatetan proposatu dugu, eta gaur, zantzu eskasak eta Espainiako Gobernuaren arbuioa gorabehera, berriro egiten dugu", nabarmendu dute.
Aldebakarreko erabakia
Eskoziako eredua eta Kataluniako prozesuaren judizializazioa alderatu dituzte Puigdemontek eta Junquerasek. Biek deitoratu dutenez, "Espainian negoziazio mahairik ere ezin da osatu Kataluniako Gobernuaren eta Espainiakoaren artean", eta horren errua Rajoyren gobernuarena dela azpimarratu dute.
Hala ere, horien esanetan, akordioa dute helburu, "ezberdintasun politikoa gainditzeko adostasuna lortzeak" beti hurbiltzen dituelako bi aldeak.
"Gu elkarrizketaren mahaian jesarrita gaude jada. Askoz denbora gehiago beharko dute gainerako gonbidatuek? Etorriko al dira?", galdetu dute. Ituna defendatzen badute ere, halakorik gertatuko ez balitz, aldebakarreko erabakia hartuko dutela ohartarazi dute: "Kataluniaren etorkizuna ez du Espainiako Gobernuak erabakiko". Beraz, akordiorik izan ezean, galdeketa egingo dute.
"Estatuak abandonatu egin ditu katalanak"
Espainiako Gobernuaren jarrera ez ezik, PSOE eta Ciudadanos alderdiena ere kritikatu dute Puigdemontek eta Junquerasek; izan ere, bi agintari katalanen iritzian, bat egin dute Katalunian galdeketa egitearen kontra.
Gutunaren egileen aburuz, "Estatuak abandonatu egin ditu katalanak, baita independentziaren alde ez daudenak ere".
Zure interesekoa izan daiteke
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.
Diez Antxustegik beharrezko ikusten du Tubos Reunidosen "zorra berrantolatzea", eta industria indartzeko deia egin du: "Gure babes soziala da"
EAJren Eusko Legebiltzarrerako bozeramaileak, Joseba Diez Antxustegik, Radio Euskadin azpimarratu du Tubos Reunidos enpresaren zorra “berrantolatzeko” beharra, irtenbidea emateko. “Merkatua badu, baina likidezia arazoak ditu”, adierazi du. Horrekin batera, nazioarteko egoera zailaren aurrean industria bultzatzearen beharra nabarmendu du: “Euskadin, gure babes soziala gure babes industriala da”. Azkenik, euskararen kudeaketaz enplegu publikoaren eskaintzetan, alderdi politikoek arau berri bat adosteko “ardura” dutela adierazi du, eta "segurtasun juridikoaren" beharraz mintzatu da.
Pradalesek eta Sanchezek Irango gerra, Euskadi iparraldeko muga gisa hartzea eta medikuen greba aztertuko dituzte
Transferentziak eta Tubos Reunidosen zorraren berregituraketa izango dira landuko dituzten beste gai batzuk. Espainiako Gobernuak eta Eusko Jaurlaritzak aldebiko batzordearen laugarren bilera egingo dute ostiralean Moncloan.