Ignacio Gonzalez baldintzarik gabe espetxeratzeko agindu du epaileak
Ignacio Gonzalez Madrilgo Erkidegoko presidente izandakoa baldintzarik gabe espetxean sartzeko agindu du Eloy Velasco Auzitegi Nazionaleko epaileak.
Edmundo Rodriguez ere -Ignacio Gonzalezek Latinoamerikan zuen konfiantzazko ordezkaria- baldintzarik gabe kartzelara bidali du epaileak.
Haren anaia, Pablo Gonzalez, kartzelan sartzeko agindu du, lau miloi euroko bermea ordainduta aske geratzeko aukerarekin; eta Ignacio Gonzalezen koinatuari, Juan Jose Caballerori, 100.000 euroko bermea ezarri dio.
Jose Martinez Nicolas Madrilgo Erkidegoko Informatika Agentziako kontseilari delegatu ohiari eta Javier Lopez Madrid OHL eraikuntza enpresako kontseilariari ere 100.000 euroko bermeak ezarri dizkie. Apirilaren 28ko 12:00ak baino lehen ordaindu ezean, kartzelan sartuko dituzte.
Clarisa Guerrak ere deklaratu du ostiral honetan. Edmundo Rodriguezen idazkaria aske utzi dute, hilean behin epaitegira joateko baldintzarekin.
Ostegunean Isabel II.enaren Kanala erakundeko bi zuzendari ohiek deklaratu zuten: Maria Fernanda Richmond finantza zuzendari ohiak eta Adrian Martin kudeatzaile ohiak. Richmondi lau milioi euroko bermea ezarri zion eta Martini 100.000 eurokoa.
Isabel II.ena Kanala erakundearen bidez diru publikotik gutxienez 23 milioi euro bidegabe erabili izana eta Madrilgo Alderdi Popularra legez kanpo finantzatu izana ikertzen ari dira.
Erakunde kriminaleko kidea izatea, dirua zuritzea, dokumentuak faltsutzea, prebarikazioa, dirua bidegabe erabiltzea eta iruzurra egitea leporatzen diete auzipetuei.
Dena ukatu du
Ignacio Gonzalez asteazkenean atxilotu zuten, Isabel II.ena Kanalarekin lotutako ustelkeria kasu baten ikerketaren baitan.
2003 eta 2012 urteen bitartean, Gonzalez erakunde horretako presidente izan zenean, Alderdi Popularrera dirua bideratu ote zen ikertzen ari dira.
Bi ordu eta 45 minutuz deklaratu du ostiral honetan Eloy Velasco epailearen aurrean, Auzitegi Nazionalean.
Madrilgo Erkidegoko presidente ohiak leporatzen dizkioten irregulartasun guztiak ukatu ditu epailearen aurrean, EFE albiste-agentziak iturri juridikoak aipatuta zabaldu duenez.
Galdeketan, berari grabatutako zenbait elkarrizketa jarri dizkiote entzuteko.
2003an Isabel II.aren Kanalaren zuzendaritzara iritsi zenean han antzemandako irregulartasunak zergatik ez zituen salatu galdetu diote, besteak beste, aipatu iturrien arabera.
Galdeketa amaituta, fiskalak Gonzalez baldintzarik gabe espetxeratzeko eskatu du.
Zure interesekoa izan daiteke
Erorien Monumentua eraisteko eskatu dute berriz ere Iruñean
Elkarte memorialistak kalera atera dira berriro larunbat honetan, Erorien Monumentua eraistea eskatzeko, eta PSNk, EH Bilduk eta Geroa Baik adostutako proiektua atzera botatzea eskatzeko.
Ertzaintzaren pilotakada bat jaso ostean hil zen Rosa Zarraren omenezko plaka jarri du Donostiako Udalak
Orain arte, 37 plaka jarri ditu Udalak, "terrorismoaren eta motibazio politikoko indarkeriaren biktima izan zirenei espazio publikoan ikusgarritasuna emateko".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Datorren astean hasiko dira hurrengo urterako Euskadiko aurrekontuak negoziatzen. EH Bilduk eta Sumarrek "koherentzia" eskatu diete Eusko Jaurlaritzako bazkideei, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.
Lehendakariak esan du ezker abertzalea sistemara hurbildu dela baina euskal gizartearekin oraindik zor etiko izugarria duela
Amaia Martinez VOXeko legebiltzarkideak "ezker erradikalak euskal politika munduan gero eta protagonismo gehiago" izatearen gainean galdetu dio lehendakariari. Pradalesek esan dio ezker abertzalea erakunde sistemara etorri dela azkenean, nahiz eta oraindik euskal gizartearekin zor etiko izugarria duen, eta PSE-EErekin duen koalizio gobernua defendatu du.
Sabino Arana Fundazioak omenaldia egin die nazismoak deportatutako EAJko militanteei
Bilboko egoitzan egin duten ekitaldian, plaka bat jarri dute nazien esku egondako, gutxienez, 13 kide jeltzaleen omenez.