Poliziaren biktimen legea behin-behinean baliorik gabe utzi dute
Auzitegi Konstituzionalak baliorik gabe utzi du, behin-behinean, 1978 eta 1999 urteen artean izandako polizia gehiegikerien biktimak aintzat hartzeko euskal legea, Espainiako Gobernuak aurkeztutako helegitea onartuta.
Araua 2016ko uztailaren 28an onartu zuen Eusko Legebiltzarrak eta izena, zehatz-mehatz, hau da: 'Euskal Autonomia Erkidegoan 1978 eta 1999 bitartean izandako legez kontrako errepresio-jardueren ondorioz giza eskubideen urraketak jasan dituzten biktimei errekonozimendua eta ordaina emateko Legea'.
Espainiako Gobernuak bere helegitean dio lege horrek Konstituzioa urratzen duela eta hori argitu bitartean Auzitegi Konstituzionalak araua indargabetu du.
Poliziaren biktimen legea EAJk eta PSE-EEk adostu zuten. Sozialistek aurkeztutako zuzenketa ia guztiak onartu zituzten jeltzaleek. Zuzenketa gehienak Konstituzioa edo Estatuaren eskumenak urra zitzaketen artikuluak aldatzea izan zuten helburu, Espainiako Gobernuak helegitea jartzea ekiditeko asmoz.
Ildo horretan, "legez kanpoko errepresioa" bezalako hitzak testutik kendu egin zituzten eta uko egin zioten armak edo lehergailuak manipulatzerakoan hil edo zauritu ziren pertsonak biktimatzat hartzeari.
Eusko Jaurlaritzak eta Eusko Legebiltzarrak 15 eguneko epea dute orain, auzibidean aurkeztu eta alegazioak egiteko.
Espainiako Gobernuak dio poliziaren biktimen euskal legeak Estatuari dagozkion eskumenak urratzen dituela, baita eskumen judizialak ere. Horixe aztertu eta argitu beharko du orain Konstituzionalak.
Gaur baliogabetutako arauaren asmoa da orain arte aitortuak izan ez diren giza-eskubide urraketa larrien biktimei errekonozimendua eta ordaina ematea. Bere garaian, Iñigo Urkullu lehendakariak azpimarratu zuen lege hori "ezinbesteko pieza" zela bizikidetza eraikitzeko.
Jaurlaritzak alegazioak aurkeztuko ditu
Auzitegi Konstituzionalaren erabakiaren berri izan ostean, Eusko Jaurlaritzak iragarri du alegazioak aurkeztuko dituela poliziaren biktimen arauak legea errespetatzen duela defendatzeko.
Jaurlaritzaren zerbitzu juridikoek ebazpena aztertuko dute, Konstituzionalak esaten duena eta Espainiako Gobernuak erabiltzen dituen argumentuak zeintzuk diren ezagutzeko; izan ere, "oraingoz ez dakigu zeintzuk diren argudio horiek".
Jaurlaritzak erantsi du espero zutela Auzitegi Konstituzionalak errekurtsoa tramitera onartzea, polizien biktimen arauak "legea errespetatzen badu ere".
"Espainiako Gobernuak ez zuen helegiterik aurkeztu behar, baina, tamalez, hala egin du eta gainera artikulu batzuk automatikoki bertan behera uzteko duen gaitasuna erabili du horretarako", salatu du ohar baten bidez.
Nolanahi ere, Eusko Jaurlaritzak azpimarratu du poliziaren biktimen legearen baitan aintzat hartutako pertsonen aitortzeko eta haien eskubideen alde lanean jarraituko duela.
Albiste gehiago politika
Ainhoa Unzuk ordezkatuko du Ramon Alzorriz PSNren Parlamentuko bozeramaile bezala
Unzuk iragarri duenez, lehenik eta behin, "nire talde parlamentarioko kide bakoitzarekin hitz egingo dut, erabakia ezagutzen baitute", eta, ondoren, Foru Gobernua osatzen duten gainerako talde politikoen bozeramaileekin.
UCO Ferrazen sartu da, epaileak aginduta, Santos Cerdanen posta klonatzeko
Ikerketako iturriek jakitera eman dutenez, agenteak PSOEren egoitzara, ADIFen instalazioetara eta Errepide Zuzendaritza Nagusira joan dira, Leopoldo Puente Auzitegi Goreneko epaileak eskatutako informazioa eskatzeko.
UCO Ferrazen sartu da, epailearen aginduz, Cerdanen posta klonatzeko
Ikerketako iturriek jakitera eman dutenez, agenteak PSOEren egoitzan, Adifen instalazioetan eta Errepide Zuzendaritza Nagusian sartu dira, Leopoldo Puente Auzitegi Goreneko epaileak eskatuta.
Cerdanek asteazkeneko bere deklarazioa bertan behera uzteko eta uztailera atzeratzeko eskatu dio epaileari
Auziaren konplexutasuna eta duen oihartzun soziala aipatu ditu idatzian buruzagi sozialista ohiaren abokatuak, data atzeratzea eskatzeko.
Eusko Jaurlaritzak azken hamar urteetako kontratu publikoak berrikusiko ditu
Imanol Pradales lehendakariak azaldu duenez, ez dute ustelkeria zantzurik edo susmorik aurkitu, ezta UCOren txostenean aipatzen diren enpresekin kontraturik ere.
Abalosen hitzetan, Cerdan eta Garciaren “ustelkeria dinamika” Nafarroatik zetorren, eta “erabili” egin dute
Garraio ministro ohiak Ser irrati kateari eskaini dion elkarrizketan azaldu duenez, Cerdanek eta Koldok Ministerioan jarri zuten, eta, ondoren, "presioa" egin zioten kontratazio publikoetan "eragiteko".
PSNk gaur aukeratuko du Alzorrizen ordezkoa, azken horrek Cerdan auziagatik dimisioa eman ondoren
Atzo zabaldutako ohar batean, Servinabarrek ukatu egin zuen Santos Cerdanekin inolako loturarik duenik, eta nabarmendu zuen ikertzaileek ez dutela orain arte delitu zantzurik ikusi enpresaren jardunean.
Servinabarrek ukatu egin du Santos Cerdanekin inolako loturarik duela
Enpresa eraikitzaileak gogorarazi duenez, ez diote deliturik leporatu "ez UCOren txostenean", ezta ikerketa judizialean ere. Gainera, Antxon Alonso Egurrola administratzailearen eta Cerdanen arteko harremana "pertsonala" eta "bakoitzaren jarduera profesionaletatik kanpokoa" dela gaineratu du.
Zazpi ministro sozialisten eta PPko hainbat buruzagi ohiren datu pertsonalak argitaratu ditu ultraeskuineko Telegram talde batek
Mezu horiek agertu diren Telegram taldeak 92.000 jarraitzaile baino gehiago ditu, eta Alvise Perezen jarduera politikoarekin lotutako argitalpenak zabaltzeko erabiltzen dute erabiltzaileek, baita Espainiako Gobernuari eraso egiteko edo mezu xenofoboak zabaltzeko ere.
PSNk, Geroa Baik, Zurekin Nafarroak eta EH Bilduk ikerketa batzordea osatzea adostu dute
Cerdan auziko azken berriak ezagutu ondoren adostu dute neurria. Guardia Zibilak egindako txostenean agertzen diren enpresei egin zaizkien esleipenak aztertuko ditu batzordeak, eta uda honetan bertan hasiko da lanean.