Foru Gobernuaren 'egonkortasuna eta kudeaketa' nabarmendu ditu Barkosek
Uxue Barkos Nafarroako Gobernuko lehendakariak gaur nabarmendu duenaren arabera, Foru Erkidegoan "begi bistakoak diren errealitateak izaten ari dira, gizartean ematen ari den aldaketa, tartean", eta, gaineratu duenez, "errealitateak Exekutiboaren egonkortasuna eta kudeaketa ziurtatzen ditu".
"Legegintzaldiko bi urte hauek gizarte aldaketak aldaketa politikoekin batera gerta zitezen saiatu naiz", azaldu du Barkosek ostiral honetan, Nafarroako Gobernuaren buru bete dituen bi urteko legegintzaldiaren berri emateko prentsaurrekoan.
Barkosen aburuz, legegintzaldi erdia bete denean, Nafarroako Gobernuak "egonkortasunean eta kudeaketan biltzen den errealitate multzo garbia eskain dezake".
Etorkizuneko erronkei buruz, Hitzarmen Ekonomikoaren gainean Nafarroako Gobernuak Estatuarekin dituen negoziaketak buka daitezela azpimarratu du, "hurrengo bosturtekoari begira harremanetarako eredu egonkor eta orekatua adostuta".
Aldi berean, "aldaketaren egonkortasunerako oinarrizko elementu gisa", Barkosek aurreratu du "gizartearen kohesioan aurrera egiten jarraituko duten aurrekontuak" diseinatuko dituztela, "osasuna, hezkuntza eta dependentzia" ardatz nagusi izango dituztenak.
Nafarroako lehendakariaren esanetan, Nafarroak, epe ertainean, "etorkizuneko garapenerako oinarrizko azpiegiturak" osatu behar ditu, "egungoak egoera onean mantentzen dituen bitartean". Ildo horretatik, adierazi du sen ona gailendu dela "Nafarroako Kanala bezalako nahitaezko obran zein trenbide azpiegituretan".
Azken horren gainean, Barkosek nabarmendu du "Nafarroa eta Euskal Y-aren arteko egiazko lotura lortzeko anbizioa, eta, horrekin batera, baita Europarako lotura ere, salgaientzat zein bidaiarientzat, Europako trenbide zabalerarekin".
Zure interesekoa izan daiteke
Accionako presidentearen aurka eginbideak irekitzea eskatu du Fiskaltzak, Nafarroako Ikerketa Batzordera joan ez zelako
Birritan deitu du Nafarroako Parlamentuak Jose Manuel Entrecanales enpresaria eta bietan huts egin du hitzordura. Fiskaltzaren arabera, desobedientzia delitutzat har daiteke.
Patxi Lopezek Feijori egotzi dio ETAren biktimen "erabilera zikina"egitea
PSOE eta PP alderdien arteko ika-mika gogorra izan da gaur Espainiako Diputatuen Kongresuan. Patxi Lopez sozialisten eledunak Behe Ganberan Alberto Nuñez Feijoo PPko buruari leporatu dio ETAren biktimen "erabilera zikina" egitea.
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.