Rajoyk ez du baztertzen ministroekin 16an biltzea, Katalunia dela eta
Mariano Rajoy Espainiako Gobernuko presidenteak adierazi duenez, baliteke ministroen ezohiko bilera bat egitea abuztuaren 16an, Kataluniako Parlamentuak erreferenduma egiteko lege proposamenari bidea ematen badio, urriaren 1erako.
"Ez dut baztertzen", esan du Rajoyk. Hurrengo bilera abuztuaren 25erako deituta dago, baina "baliteke beste bat egitea lehenago, oraindik ez dago erabakita".
Parlamentu katalanaren Mahaiak deituko duen bilerak baldintzatuko du Ministroen Bilera deitzea. Parlamentuak Junts pel Sik eta CUPek uztailaren 31n onartutako ekimenari bidea ematea da asmoa, erreferenduma legearen bidez babesteko.
Mahaia, dena den, ez da abuztuaren 16a baino lehen bilduko, egun horretan berrekingo baitiote lanari Kataluniako Parlamentuan.
Espainiako Gobernuko presidenteak Galiziatik egin ditu adierazpenok, opor-lekutik. Gaur goizean, Umia ibaiaren ertzean egon da, Ponte Arnelasen, Ribadumian (Pontevedra).
Handik, Rajoyk "lasaitasunez eta moderazioarekin" berretsi duenez, "urriaren 1ean ez da erreferendumik egingo", "Espainia demokrazia aurreratua" baita eta "demokrazia eta legea ezin dira banandu eta ez dira bananduko".
Bestalde, presidente espainiarrak oporretako agendaren zati bat aurreratu du. Denbora gehiena Galizian emango du, lau probintzietako herrietara bisitak eginez. Abuztuaren 7an, baina, Mallorcara joango da erregearekin biltzeko, urtero legez.
Ezustekorik ez badago, Mariano Rajoy abuztuaren 20ra arte egongo da oporretan.
Zure interesekoa izan daiteke
"Maiatza eta ekaina artean" irekiko dute Zubietako espetxe berria
Gipuzkoako espetxe berriaren irekitzean Donostiako kartzela zaharra eraitsiko dute eta, ondoren, 400 etxebizitza babestu egingo dituzte Txomin Enean.
Cerdanek bere "errugabetasuna" defendatu du eta ukatu egin du Antxon Alonsoren bazkide dela edo izan dela
Nafarroako Parlamentuko ikerketa batzordean agerraldia egin du Santos Cerdan PSOEko Antolakuntza idazkari ohiak, eta ikerketa batzordea baino UPNren "mendeku" gosea asetzeko batzordea dela nabarmendu du.
Estatuko Fiskaltza eta Abokatutza Puigdemonti amnistia ematearen alde agertu dira, Gorenaren ezezkoaren aurrean
Bi erakundeek Kontsituzionaleko berme-gortean aurkeztu dituzte beren idazkiak, Auzitegi Gorenak dirua bidegabe erabiltzeagatik amnistia ez aplikatzeko hartutako erabakiaren aurka presidente ohiak jarritako babes-errekurtsoa onar dezan eskatzeko. Bi erakundeek uste dute Auzitegi Gorenak amnistia aplikatu behar ziola, eta kritikatu dute Amnistia Legea modu "arrazoigabe eta arbitrarioan" interpretatu zuela, hura aplikatzea saihesteko.
Arabako Batzar Nagusiek ohorezko tituluak kendu dizkiete Francori eta Molari
Tituluak baliogabetzeko mozioa Arabako Aldizkari Ofizialean argitaratu eta hurrengo egunean sartuko da indarrean.
Pradalesek iritzi dio Sanchezek Estatutuarekiko duen borondatea "itxaropentsu" egoteko modukoa dela, baina ez du atzerapenik onartuko
Imanol Pradalesek gogorarazi du negoziazioei "jarraibide politiko erabakitzaileagoak onartuz" ekitea eskatu dutela. "Hau da, maila politikoan hitzartutakoak ez dituela etengabe topatzen oztopo eta erresistentzia administratibo eta politikoak. Jarrera horrek, ekintza politikoa debaluatzeaz gain, eragin zuzena du Euskadiren aukeretan eta euskal herritarren bizi-kalitatean", esan du.
Sanchezek agindu du "beharrezko neurri guztiak" hartuko dituela Adamuzeko istripuaren ostean, eta Estatuak azkar erantzun zuela defendatu
Espainiako Gobernuko presidenteak larrialdi dispositiboa berehala martxan jarri zuela defendatu du Kongresuan, eta biktimei laguntzeko administrazioen arteko koordinazioa nabarmendu du.
Euskal Herria herritarrei ziurtasuna emateko proiektu kolektiboa dela defendatuko du EH Bilduk Aberri Egunean
"Zazpiak bat egin" lelopean, koalizio abertzaleak apirilaren 5ean egingo du urteroko hitzordua Iruñean.
EAJ eta PSE-EE aurrez aurre berriz ere, Donostiako Udalak atxilotuen jatorria argitaratzeko hartutako erabakiagatik
Donostiako Udalak atxilotuen jatorria argitaratzeko hartutako erabakiak EAJren eta PSE-EEren arteko tentsioa areagotu du. Aitor Estebanek jeltzaleen baietza defendatzen duen bitartean, Eneko Andueza ez dago ados eta "akats larria" dela esan du.
"ETAk inposatu nahi izan zuen Euskaditik oso urrun gaudela ikustea da Txerokiren porrot moral handia"
Eusko Jaurlaritzak erdi-askatasun erregimena eman dio Txerokiri, eta astelehenetik ostiralera espetxetik aterako da Garikoitz Aspiazu ETAko buruzagi ohia, eta horren gainean iritzia eman du Eneko Andueza PSE-EEren idazkari nagusiak.
Euskadik LABI aktibatu ahal izango du zibersegurtasuneko gertakari larrien aurrean
Gobernu Kontseiluak inpaktu handiko ziberintzidenteen aurrean erantzun autonomikoa koordinatzea ahalbidetuko duen prozedura onartu du, ziberintzidenteek azpiegitura kritikoei edo herritarren segurtasunari eragiten dietenean.