Abenduaren 8tik 14ra egingo ditu Ahal Dugu Euskadik primarioak
Ahal Dugu Euskadik alderdiaren zuzendaritza berria aukeratzeko ezarri duen egutegia eman du jakitera: abenduaren 8tik 14ra egingo dituzte idazkari nagusi berria aukeratzeko primarioak, eta emaitzak hurrengo egunean bertan emango dira jakitera.
Nagua Alba Ahal Dugu Euskadiko idazkari nagusiak abuztuaren 29an iragarri zuen primarioak aurreratu egingo dituztela, eta bera ez zela aurkeztuko idazkari nagusi kargura. 2019ko udal eta foru hauteskundeetarako zuzendaritza berria prest izan nahi dutela esan zuen Albak.
Barne-hauteskundeen egutegia azaroaren 2an jarriko dute martxan, eta abenduaren 15ean itxiko dute, idazkari nagusia izendatuta. Aurretik, urriaren 28an, batzarra egingo du Ahal Dugu Euskadik, militanteei alderdiaren ildo politikoa eta estrategikoa azaltzeko. Batzarra presentziala izango da.
Idazkari nagusi kargura aurkeztuko diren hautagaiek bermeak biltzeko epea zabalduko da lehendabizi, azaroaren 2tik 17ra, eta hautagaien behin betiko zerrenda azaroaren 23an publikatuko da.
Hautagai horiek bi asteko epea izango dute barne-kanpaina egiteko, azaroaren 24tik abenduaren 7ra, eta abenduaren 8tik 14ra egingo dira bozketak.
Abenduaren 15ean izendatuko dute Ahal Dugu Euskadiren hirugarren idazkari nagusia. Roberto Uriarte izan zen aurrena, eta Nagua Albak hartu zuen haren lekukoa ondoren.
Zure interesekoa izan daiteke
Mikel Mancisidorrek hartu du dagoeneko Ararteko kargua
Abenduan izan zen aukeratua, EAJ, PSE eta PPren babesarekin, eta ia bi hilabete beranduago, gaur Eusko Legebiltzarreko osoko bilkuran hartu du kargua.
Mendozaren eta Asensioren arteko ika-mika gogorra, Ayesa afera dela eta
Ayesa operazioaren inguruko ikuspuntu ezberdinek lehertu dute xextra Gipuzkoako Aldundiko bazkideen artean. Jose Ignacio Asensio PSE-EEko kideak "lidergo falta" egotzi die Eider Mendoza Gipuzkoako diputatu nagusi eta Jon Insausti Donostiako alkate jeltzaleei. Mendozak "desleialtasuna" leporatu dio Jasangarritasuneko diputatuari.
Ciriza, Belateko tunelen lanen esleipenari buruz: "Ez nuen ezer ikusi"
Santos Cerdanek ezer agindu zionik ukatu du, eta lanen esleipena erabat legezkoa izan zela ziurtatu du. Bere hitzetan, ez zen egon inolako esku-hartze politikorik.
Adamuzeko eta Gelidako istripuetan gertatutakoa "erabat" argitzeko konpromisoa hartu du Puentek
Garraio eta Mugikortasun Iraunkorreko ministroak barkamena eskatu die Rodaliesen zerbitzuaren erabiltzaileei eta zerbitzuaren egoera azaldu du.
Burujabetza eta XXI. mendeko nazioa aztertuko ditu Gure Eskuk bigarren konferentzia subiranistan
Iaz Irunen egin zuen lehen konferentziaren ondoren, otsailaren 28an Bilbon egingo du bigarrena eta, besteak beste, Omnium Cultural-eko lehendakaria, Xavier Antich, izango dute gonbidatu.
Arantza Zulueta eta Jon Enparantza abokatuak espetxeratzeko agindu du Auzitegi Nazionalak
Zuluetari zazpi urte eta erdiko zigorra ezarri zioten, ETAko kide izatea, armak eta lehergaiak izatea, eta Halboka egituraren buru izatea egotzita. Enparantza, berriz, lau urteko kartzelara zigortu zuten, ETAko kide izatea leporatuta.
Melgosa: "Euskadi pantailen gaineko herri-estrategia integral bat prestatzen ari da, erantzun sinpleez harago"
Nerea Melgosa Ongizate, Gazteria eta Erronka Demografikoko sailburuak astearte honetan adierazi duenez, Eusko Jaurlaritzak "pantailei eta ongizate emozionalari" buruzko eztabaida du agendan, eta "erantzun sinple edo isolatuetatik harago" doan "herri-estrategia integrala" lantzen ari da.
Eusko Jaurlaritzak "irizpide teknikoengatik" egin zuen Alfredo De Migueli hirugarren gradua ematearen aurka
Alfredo de Miguel Arabako EAJren buruzagi ohiaren kexa baten ostean, espetxe-zaintzako epaileak Tratamendu Batzordearen ebazpenari beste modu batean erantzun zion, eta Eusko Jaurlaritzak, "Zuzenbide Estatuetan egin behar den moduan", ebazpen judizial irmoa betearazi besterik ez zuen egin, Maria Ubarretxena Eusko Jaurlaritzaren bozeramaileak adierazi duenez.
Alokairuan etxebizitza bakarra duten jabeei ezkutu soziala zabaltzea adostu du EAJk Espainiako Gobernuarekin
EAJrekin lotutako akordio horren funtsa astearte honetan Ministroen Kontseiluak onartutako ezkutu sozialaren errege lege-dekretu berriaren barruan dago. Lege-dekretu horrek aurreikusten du, besteak beste, errentatzailea edukitzaile handi bat edo funts putre bat denean etxegabetzeko prozedura eta bonu sozial energetikoa 2026ko abenduaren 31ra arte luzatzea.
Pentsioak eta etxegabetzeak bi dekretutan onartuko ditu Espainiako Gobernuak
Espainiako Gobernuak pentsiodunek otsaileko nominan aurreikusitako igoera galtzea saihestu nahi du, Kongresuak omnibus dekretua onartzeari uko egin ostean. Dekretu horrek ezkutu sozialerako neurriak biltzen zituen.