Guardia Zibila 'El Vallenc' astekariaren bi egoitzatara sartu da
Guardia Zibilak El Vallenc astekariaren bi egoitzak miatu du, Valls herrian, Tarragonan. Urriaren 1eko erreferendumean erabiltzeko materiala prestatzen ari diren ala ez jakiteko abiatutako miaketa da. Konstituzionalak bertan behera utzi zuen urriaren 1erako deitutako erreferenduma.
Bost orduz miatzen aritu ostean, enpresaren ordenagailu nagusia eta dokumentazioa eramateaz gain, posta elektronikoaren kopia bat egin dute, bai enpresarena bai astekariaren zuzendariarena (Francesc Fabregas).
Komunikabidearen arabera, 16:36ean ikuskapena bukatu dutenean, Fabregas deklaratzera deitu dute gaur bertan, 20:00etan, Tarragonako Guardia Zibilaren egoitzan. Azkenean, uko egin dio deklaratzeari, kasuari buruzko informaziorik ez duela argudiatuta. Hala, desobedientzia, prebarikazio delituaz gain, ondasun publikoak bidegabe erabiltzea egotzi diotenez, ikertu gisa deklaratu beharko du. Astekariaren zuzendariari babesa adierazteko elkarretaratzea egin dute Guardia Zibilaren egoitzatik irten denean.
Guardia Zibilak atzo ere miatu zuen Tarragonako inprimategi hori, urriaren 1erako materiala bilatzeko asmoz. Gaur beste behin ikuskatu dute lekua. 18:45ean amaitu dute lana, eta hainbat poltsa eraman dituztela jakinarazi dute.
Desobedientzia, prebarikazioa eta ondasun publikoak bidegabe erabiltzea leporatuta, Tarragonako Fiskaltzak jarritako salaketa baten ondorioz egin dituzte miaketa horiek.
Guardia Zibila El Vallenc astekariaren atarian, miatzen ari ziren bitartean
Elkarretaratzea astekariaren aurrean
Ehun pertsona inguruk bat egin dute astekariaren egoitzaren parean. Independentziaren eta ANCren aldeko banderak zeramatzaten, miaketaren aurka protesta egiteko. Hedabidearen aurrean bildu diren herritarrek 'Els segadors' ereserkia abestu dute, eta "Votaremos" (Bozkatuko dugu) oihukatu dute. El Vallenc astekariaren egoitza zaintzen ari diren Guardia Zibilaren agenteen parean egin dute elkarretaratzea. Besteak beste, ANC, Omnium Cultural, ERC eta CUP alderdietako kideek hartu dute parte, baita Albert Batet Vallseko alkateak (PDeCAT) ere. Haren aburuz, Guardia Zibilaren miaketa "barregarria, negargarria eta txundigarria" da.
Ehun bat pertsona bildu dira astekariaren egoitzaren parean
Bestalde, Carles Puigdemont Generalitateko presidentearen esanetan, "inprimategiak miatu eta hedabideak inguratu arren, demokraziaz eta baketsu gaindituko ditugu asteleheneko Diadan eta urriaren 1eko erreferendumean".
Turullek azaldu du "material ofiziala" Generalitateko Egunkari Ofizialean inprimatu daitekeela
Jordi Turull Presidentetza kontseilariak Twitter bidez jakinarazi duenez, urriaren 1eko erreferendumaren material ofiziala Generalitateko Egunkari Ofizialaren web atarian inprimatu daiteke. Halaber, "inork katuari hiru hanka ez bilatzeko" eskatu du, Guardia Zibilak egindako miaketen harira.
Zure interesekoa izan daiteke
Moncloak azpimarratu du pertsona batzuek "huts egin" diotela Sanchezi eta ez duela dimisioa eman beharrik
Astelehen honetan, Alberto Nuñez Feijoo PPko buruzagiak Espainiako Gobernuko presidentearen dimisioa eskatu zuen berriro ere, Auzitegi Gorenak Abalosi 24 urteko kartzela-zigorra ezarri ostean.
Froga batzuen abal judiziala egiaztatzen ez bada, kasua baliogabea izatea planteatu du Zapaterok
Espainiako Gobernuko presidente ohiak hainbat idatzi igorri dizkio epaileari, Plus Ultra airelinearen erreskatearen inguruko eraginen trafikoko sare baten ustezko buruzagi moduan ikertu gisa deklaratu ostean.
Pradales: "Asko dago egiteko; bide orriak euskal agendan sakontzea dakar"
Lehendakariak agintaldiaren lehen erdiaren balantzea egin du Ajuria Enean, ekitaldi instituzional batean. Bere hitzaldian, Euskadin lantzen den egonkortasuna nabarmendu du, "oso ezegonkorra" den testuinguru globalean aurrerapena, ongizatea eta autogobernua bermatzeko faktore erabakigarri gisa.
Sanchezek 6.200 milioi euroko inbertsioa iragarri du dependentziaren alorrean
Neurriak 1,6 milioi pertsonari eragingo die, eta diru-laguntzak handitzea ekarriko du. Dekretu bidez onartuko du Espainiako Gobernuak.
EAJk onartu egin du Espainiako Gobernuarekin harremana izan duela Tubos Reunidosen egoera bideratzeko, baina adierazi du Leire auziarekin ez duela loturarik
Alderdi jeltzalearen esanetan, Arabako enpresaren egoeraz arduratzeko egindako bilerak konpainia estrategikoei laguntzeko egindako lanaren parte izan ziren. Bestalde, PPk galdetu du PSOErekin zuten harreman horrek "baldintzatzen" ote duen "Pedro Sanchezi laguntzen jarraitzea".
Otsoaren ehizari bide ematen dion txostenak autonomia-erkidego gehienen babesa jaso du
Kataluniak bakarrik bozkatu du kontra, eta Euskadi eta Gaztela-Mantxa abstenitu egin dira. Trantsizio Ekologikorako eta Erronka Demografikorako Ministerioa ere proposamenaren aurka agertu da.
Zer zeregin zituzten Abalosek, Koldok eta Aldamak musukoen auziagatik epaitutako talde kriminalean?
Auzitegi Gorenak epaian zehaztu ditu buruzagi sozialista ohiak, Koldo Garcia aholkulariak eta Victor de Aldama enpresaburuak erakunde kriminalean zeintzuk eginkizun zituzten.
Erkidegoak Migrazio Itunaren aplikazioan sartzeko eskatu diote Europari Pradalesek eta Clavijok
Ursula Von Der Leyeni zuzendutako gutun batean, lehendakaria eta Kanarietako presidentea kexu dira ekainaren 12tik indarrean dagoen itun horren inguruan "ez dagoelako elkarrizketarik, ez koordinaziorik ezta plangintzarik ere Espainiako Gobernuarekin".
Feijook baztertu egin du Sanchezen aurka zentsura-mozioa aurkeztea, baina Gobernuko kideak estutu ditu
PPko buruak baieztatu du babes nahikorik gabe ez duela zentsura-moziorik aurkeztuko. Hala ere, Sanchezek hauteskundeek deitu ditzala exijitu diezaioten eskatu die Exekutiboaren kideei.
Lehendakariak eta Sanchezek aldebiko batzorde berri bat egingo dute abuztua baino lehen
Maria Ubarretxena Eusko Jaurlaritzako bozeramaileak nabarmendu du balio handikoak direla adostutako bi eskumen eskualdaketak.