Erreferendumerako 10 bat milioi boto-paper konfiskatu ditu Guardia Zibilak
Guardia Zibilak urriaren 1eko erreferendumerako 10 bat milioi boto-paper atzeman ditu, Bartzelonan, Bigues i Riells udalerriko industria-nabe batean egindako miaketan, Efe albiste agentziak ikerketako iturriak aipatuz jakinarazi duenez.
"Bai" eta "ez" dioten boto-paperak atzemateaz gain, agenteek U-1eko hauteskundeetarako material ugari aurkitu dute.
Miatutako industria-nabearen jabea Pau Furriol Fornells da; gaur goizean atxilotu dute, Bartzelonako 13. Instrukzio Epaitegiak aginduta, eta Mercedes M. Martos atxilotu dute harekin batera.
45.000 jakinarazpen
Urriaren 1eko erreferendumean hauteskunde-mahaietan lan egitea egokitu zaien herritarrei bidali beharreko jakinarazpenak konfiskatu zituen atzo Guardia Zibilak, Kataluniako hainbat herritan egindako miaketetan.
Espainiako Gobernuko Barne Ministerioak azaldu duenez, herritarrei bidaltzeko prest zeuden 45.000 gutun-azal atzeman zituzten. Unipost mezularitza-enpresak Manresan, L?Hospitalet de Llobregaten, Bartzelonan eta Terrassan dituen egoitzetara sartu zen Guardia Zibila, epaileak aginduta.
Manresan eta Terrassan konfiskatu zituzten 45.000 jakinarazpenak. Barne Ministerioaren arabera, gutun-azaletan Generalitatea agertzen da bidaltzaile moduan, eta jasotzailearen izen-abizenak ere ageri dira horietan. Atzemandako agiri guztiak epailearen esku utzi zituen Guardia Zibilak.
Miaketek iraun zuten bitartean, dozenaka herritarrek protesta egin zuten Manresan, eta mossoek haien kontra egin zuten.
Azken egunotan, erreferendumaren aldeko kartelak, esku-orriak eta diptikoak atzeman dituzte (1,5 milioi baino gehiago), eta urriaren 1ari buruzko informazioa zabaltzeko abian jarritako web orriak ere itxiarazi dituzte. Atzoko operazioarekin, hauteskunde-egunerako beharrezkoak diren agiriak konfiskatzeari ekin dio Espainiako Gobernuak.
Zure interesekoa izan daiteke
Sanchezen esanetan, ezin da zigorgabetasunik egon ustelentzat, "edonor izanda ere"
Espainiako Gobernuko presidenteak errespetua agertu du asteazken honetan Auzitegi Gorenak Jose Luis Abalos ministro ohiaren aurka emandako epaiari, eta ziurtatu du "inoiz ez" zuela izan bere Gobernuko eta alderdiko zenbait kideri eragiten dieten praktika ustelen berri, eta ezagutzekotan, ez lituzkeela onartuko.
Moncloak azpimarratu du pertsona batzuek "huts egin" diotela Sanchezi eta ez duela dimisioa eman beharrik
Astelehen honetan, Alberto Nuñez Feijoo PPko buruzagiak Espainiako Gobernuko presidentearen dimisioa eskatu zuen berriro ere, Auzitegi Gorenak Abalosi 24 urteko kartzela-zigorra ezarri ostean.
Froga batzuen abal judiziala egiaztatzen ez bada, kasua baliogabea izatea planteatu du Zapaterok
Espainiako Gobernuko presidente ohiak hainbat idatzi igorri dizkio epaileari, Plus Ultra airelinearen erreskatearen inguruko eraginen trafikoko sare baten ustezko buruzagi moduan ikertu gisa deklaratu ostean.
Pradales: "Asko dago egiteko; bide orriak euskal agendan sakontzea dakar"
Lehendakariak agintaldiaren lehen erdiaren balantzea egin du Ajuria Enean, ekitaldi instituzional batean. Bere hitzaldian, Euskadin lantzen den egonkortasuna nabarmendu du, "oso ezegonkorra" den testuinguru globalean aurrerapena, ongizatea eta autogobernua bermatzeko faktore erabakigarri gisa.
Sanchezek 6.200 milioi euroko inbertsioa iragarri du dependentziaren alorrean
Neurriak 1,6 milioi pertsonari eragingo die, eta diru-laguntzak handitzea ekarriko du. Dekretu bidez onartuko du Espainiako Gobernuak.
EAJk onartu egin du Espainiako Gobernuarekin harremana izan duela Tubos Reunidosen egoera bideratzeko, baina adierazi du Leire auziarekin ez duela loturarik
Alderdi jeltzalearen esanetan, Arabako enpresaren egoeraz arduratzeko egindako bilerak konpainia estrategikoei laguntzeko egindako lanaren parte izan ziren. Bestalde, PPk galdetu du PSOErekin zuten harreman horrek "baldintzatzen" ote duen "Pedro Sanchezi laguntzen jarraitzea".
Otsoaren ehizari bide ematen dion txostenak autonomia-erkidego gehienen babesa jaso du
Kataluniak bakarrik bozkatu du kontra, eta Euskadi eta Gaztela-Mantxa abstenitu egin dira. Trantsizio Ekologikorako eta Erronka Demografikorako Ministerioa ere proposamenaren aurka agertu da.
Zer zeregin zituzten Abalosek, Koldok eta Aldamak musukoen auziagatik epaitutako talde kriminalean?
Auzitegi Gorenak epaian zehaztu ditu buruzagi sozialista ohiak, Koldo Garcia aholkulariak eta Victor de Aldama enpresaburuak erakunde kriminalean zeintzuk eginkizun zituzten.
Erkidegoak Migrazio Itunaren aplikazioan sartzeko eskatu diote Europari Pradalesek eta Clavijok
Ursula Von Der Leyeni zuzendutako gutun batean, lehendakaria eta Kanarietako presidentea kexu dira ekainaren 12tik indarrean dagoen itun horren inguruan "ez dagoelako elkarrizketarik, ez koordinaziorik ezta plangintzarik ere Espainiako Gobernuarekin".
Feijook baztertu egin du Sanchezen aurka zentsura-mozioa aurkeztea, baina Gobernuko kideak estutu ditu
PPko buruak baieztatu du babes nahikorik gabe ez duela zentsura-moziorik aurkeztuko. Hala ere, Sanchezek hauteskundeek deitu ditzala exijitu diezaioten eskatu die Exekutiboaren kideei.