Rajoy: 'Zentzua eskatzen diot Puigdemonti, 155. artikulua saihesteko'
Mariano Rajoy Espainiako Gobernuko presidenteak "Konstituzioaren 155. artikulua saihesteko bihar arteko epea" duela esan dio Carles Puigdemont Generalitateko presidenteari. "Interes orokorra kontuan hartu, eta zentzuz eta neurriz jokatzea eskatzen diot Puigdemonti", adierazi du Rajoyk.
Kongresuko kontrol saioan egin ditu adierazpenok Espainiako presidenteak, Jordi Xucla PDeCATeko galdera bati erantzunez. Rajoyk joan den astean Puigdemonti igorritako errekerimenduaren arabera, bihar arteko epea du Kataluniako gobernuburuak independentzia aldarrikatu zuen edo ez argitzeko.
"Dagoeneko sortu dituenak baino arazo gehiago eragin ez ditzan", Puigdemontekin hitz egiteko eta "konbentzitzeko" eskatu dio Rajoyk Xucla diputatuari. Bestela, Espainiako presidentearen iritzian, "inoiz hartu nahiko ez lukeen erabakia hartu beharko du Gobernuak".
Berehala etorri da PDeCATeko diputatuaren erantzuna. Horren arabera, 155. artikulua ezartzeak ez du Kataluniako arazo politikoa konponduko, eta porrot politikoa izango da.
Horrez gain, azken egunotan Espainiako Gobernuaren ahotan egon den Generalitateko hezkuntza sistema ez ukitzeko eskatu die diputatu katalanak PPko agintariei. Katalunian "kohesioa eta askatasuna" oinarrian dituen hezkuntza sistema dutela azpimarratu du Xuclak.
Puigdemontek joan den astearteko saioan independentzia aldarrikatu zuen edo ez jakin nahi izatea "logikoa, arrazoizkoa eta zentzuzkoa" dela esan du Rajoyk. Erantzuna bata edo bestea izan, Espainiako Gobernuak, "orain arte bezala, proportzionaltasunez" erantzungo duela iragarri du.
Zure interesekoa izan daiteke
EH Bilduk eta EAJk Adamuzeko istripua argitzea eskatu dute, herritarrek trenbide sarean konfiantza izan dezaten
Urteko lehen osoko bilkura hartu du Espainiako Diputatuen Kongresuak, eta Pedro Sanchez Espainiako Gobernuko presidenteak agerraldia egin du, berak hala eskatuta, trenbide-istripuei buruzko azalpenak emateko.
EAJ Pasaiako portua "liga nazional batetik erregionalera jaisten" saiatzen ari dela kritikatu du PPk
Mikel Lezama PPk Gipuzkoako Batzar Nagusietan duen bozeramaileak gogor kritikatu du EAJren "asmo ideologikoa", portuaren kudeaketa Eusko Jaurlaritzaren esku uztea baita. Gaineratu du hori ezin dela egin, "Estatuaren interes orokorreko portua" delako.
"Maiatza eta ekaina artean" irekiko dute Zubietako espetxe berria
Gipuzkoako espetxe berria ireki eta Donostiako kartzela zaharra eraitsiko dute. Ondoren, 400 etxebizitza babestu egingo dituzte Txomin Enean.
Cerdanek "errugabea" dela defendatu du eta adierazi du ez dela eta ez dela sekula izan Antxon Alonsoren bazkide
Nafarroako Parlamentuko ikerketa batzordean agerraldia egin du Santos Cerdan PSOEren Antolakuntza idazkari ohiak, eta nabarmendu du ikerketa batzordea baino UPNren "mendeku" gosea asetzeko batzordea dela.
Estatuko Fiskaltza eta Abokatutza Puigdemonti amnistia ematearen alde agertu dira, Gorenaren ezezkoaren aurrean
Bi erakundeek Kontsituzionaleko berme-gortean aurkeztu dituzte beren idazkiak, Auzitegi Gorenak dirua bidegabe erabiltzeagatik amnistia ez aplikatzeko hartutako erabakiaren aurka presidente ohiak jarritako babes-errekurtsoa onar dezan eskatzeko. Bi erakundeek uste dute Auzitegi Gorenak amnistia aplikatu behar ziola, eta kritikatu dute Amnistia Legea modu "arrazoigabe eta arbitrarioan" interpretatu zuela, hura aplikatzea saihesteko.
Arabako Batzar Nagusiek ohorezko tituluak kendu dizkiete Francori eta Molari
Tituluak baliogabetzeko mozioa Arabako Aldizkari Ofizialean argitaratu eta hurrengo egunean sartuko da indarrean.
Pradalesek iritzi dio Sanchezek Estatutuarekiko duen borondatea "itxaropentsu" egoteko modukoa dela, baina ez du atzerapenik onartuko
Imanol Pradalesek gogorarazi du negoziazioei "jarraibide politiko erabakitzaileagoak onartuz" ekitea eskatu dutela. "Hau da, maila politikoan hitzartutakoak ez dituela etengabe topatzen oztopo eta erresistentzia administratibo eta politikoak. Jarrera horrek, ekintza politikoa debaluatzeaz gain, eragin zuzena du Euskadiren aukeretan eta euskal herritarren bizi-kalitatean", esan du.
Sanchezek agindu du "beharrezko neurri guztiak" hartuko dituela Adamuzeko istripuaren ostean, eta Estatuak azkar erantzun zuela defendatu
Espainiako Gobernuko presidenteak larrialdi dispositiboa berehala martxan jarri zuela defendatu du Kongresuan, eta biktimei laguntzeko administrazioen arteko koordinazioa nabarmendu du.
Euskal Herria herritarrei ziurtasuna emateko proiektu kolektiboa dela defendatuko du EH Bilduk Aberri Egunean
"Zazpiak bat egin" lelopean, koalizio abertzaleak apirilaren 5ean egingo du urteroko hitzordua, Iruñean.
EAJ eta PSE-EE aurrez aurre berriz ere, Donostiako Udalak atxilotuen jatorria argitaratzeko hartutako erabakiagatik
Donostiako Udalak atxilotuen jatorria argitaratzeko hartutako erabakiak EAJren eta PSE-EEren arteko tentsioa areagotu du. Aitor Estebanek jeltzaleen baietza defendatzen duen bitartean, Eneko Andueza ez dago ados eta "akats larria" dela esan du.