PPk Gurtel auziari 'etekina atera zion', fiskalaren arabera
Concepcion Sabadell fiskalak Gurtel auziaren epaiketan astearte honetan esan duenez, "froga nahikoa daude PPk delitu jarduerari etekina atera ziola esateko".
Auzitegi Nazionalean egiten ari diren bistako azken txostenean esan du, eta bereziki Madrilgo Majadahondako Udaletik hartutako funtsetatik "PPren kartelak itsatsi, eta Esperanza Aguirreren hauteskunde-kanpainako gastuak eta PPren egoitzako ekitaldiak ordaindu ziren", jakinarazi du.
"Egiaztatuta geratu da Correaren taldeko enpresei emandako kontratuetatik zetozen komisio ilegaletatik 133.000 euroko onura atera zuela", adierazi du, eta Majadahondako Udaletik "ilegalki hartu" zituztela gaineratu du.
"Onurarik atera ez zutenak Espainiako Estatua eta espainiarrak izan ziren, etekina PPk ordaindutako zerbitzu eta gastu batzuetarako izan zelako, besteak beste, alderdiaren egoitzako obrak ordaintzeko", azaldu du fiskalak. PPri 328.440 euro eskatu dizkio, irabazizko ekintzetan parte hartzea egotzita.
37 auzipetuen artean, Francisco Correa buruaz gain, Luis Barcenas PPko diruzain ohia eta Guillermo Ortega Majadahondako alkate ohia daude. Azken hori legez kanpoko komisioekin aberastu zen, eta Suitzako banku kontuetan ezkutatu zituen udaletxetik zetozen 1.600.000 euro, Espainiako Ogasunari iruzur eginda.
Egiaztatuta dago Barcenasek PPren B kutxa erabili zuela
Halaber, fiskalak esan duenez, egiaztatuta geratu da "Luis kabroia" Luis Barcenas PPko diruzain ohia dela. Adjudikazio publikoak egiteagatik legez kanpoko komisioetatik zetorren dirua jaso zuela agertzen da dokumentazioan.
Fiskalaren arabera, Barcenasek PPren B kutxa erabili zuen legez kanpoko komisioak kobratzeko, administrazio publikoekin egindako bitartekaritzez gain, izan ere, 2004 eta 2010 artean senatari izateagatik ez ezik PPko buruzagia izateagatik eragina izan zezakeelako esleipenetan Francisco Correa buru zen auzian.
Correak "Luis kabroia" ez zuela Luis Barcenas bezala identifikatu esan du, auzian haren mendekoetako bat berari ere ez ziolako ezer leporatu nahi.
Halere, hori berresten duten zantzuak badaudela gaineratu du, besteak beste, Isabel Jordan auziko enpresen administratzaile ohiaren deklarazioa. Correaren inguruan Barcenasi hala deitzen ziotela entzun zuen.
2003an Barcenasek diru-sarrerak jasotzeari utzi zion, eta 2007an "Luis kabroiarentzat" dirua sartu zela erakusten zuten apunteak agertu ziren berriro dokumentazioan; 72.000 eurokoak, hain zuzen ere.
Albiste gehiago politika
Gerraren kontrako mezua emateko baliatu dute Bilbon, urtero, gudariei eta milizianoei egiten zaien omenaldia
Gogora Institutuak, Bilboko Udalak eta memoria-elkarteek gerra zibileko gudariak eta milizianoak gogoratu dituzte 'Aztarna' eskulturaren ondoan, Artxandan. Ekitaldia duela 19 urtetik egiten da, bakearekiko eta bizikidetzarekiko konpromisoa berresteko.
Osasun Itunerako zuzenketak aurkeztuko ditu EH Bilduk, "Osakidetza publiko eta indartsua" egitearen alde
Koalizio abertzalearen arabera, "une erabakigarria da honakoa euskal osasun zerbitzua indartzeko" eta "dinamika pribatizatzaileari buelta emateko". Horregatik, EH Bilduk "irmoki" inplikatzeko eskatu dio Eusko Jaurlaritzari, eta baita EAJri eta PSE-EEri ere.
UCOren txostena izango da protagonista bihar Nafarroako Parlamentuko Mahaiaren eta Bozeramaileen Batzordean
Txostenaren arabera, Santos Cerdan PSOEren Antolakuntza idazkaria izandakoak komisioak jaso zituen Nafarroako Gobernuak esleitutako hainbat obra publikoren truke.
“Bakea eta giza eskubideak” aldarrikatu ditu EAJk, Agirre lehendakariaren irudiaren aurrean egin duen lore-eskaintzan
Gerra Zibileko gudari eta milizianoei Artxandan egin dioten omenaldira joan aurretik, lore-eskaintza egin dio EAJk Agirre lehendakariaren irudiari, Bilbon. Ekitaldi horretan, Iñigo Ansola BBBko buruak AEBk Irani egindako erasoa salatu du.
Gorenak Cerdanen banku-kontuetan eta posta elektronikoan jarri du orain arreta
Hain zuzen ere, Guardia Zibilaren Unitate Zentral Operatiboa (UCO) PSOEren egoitzan sartu da ostiralean, Cerdanen posta korporatiboa klonatzeko.
Salbuespenezko kartzela-politikaren ondorioak ofizialki aitor ditzatela eskatu du Egiari Zor Fundazioak
Egiari Zor Fundazioak Joxerra Goikoetxea gogoratu du Loiun, espetxean hil zela 40 urte bete direnean. Lau hamarkada hauetan 36 preso eta 16 senide espetxe politikaren ondorioz hil direla salatu dute.
Ibarrolaren arabera, "Chiviteren irtenbide duin bakarra" dimisioa da
Cristina Ibarrola UPNko presidentearen esanetan, "susmopean eta gainbeheran dagoen gobernu baten gidaritzari" eusten dio Maria Chivitek. "Haren ibilbide politiko osoa altxatu, zuzendu eta kontrolatu dutenak erori dira: Cerdan eta Alzorriz. Berak eusten dio oraindik, baina badaki eroriko dela, ezingo duela saihestu", erantsi du.
EAJk "argitasuna" eta "azalpenak" eskatu dizkio PSOEri
EAJ Nafarroan duela 115 urte ezarri zela ospatzeko Iruñean egindako ekitaldian, Aitor Estebanek EBBko presidenteak azalpenak lehenbailehen eman ditzala esijitu dio Pedro Sanchez Espainiko Gobernuko presidente sozialistari. Jeltzaleek ez dutela egoeraz baliatuta etekinik atera nahi esan du Estebanek, eta duintasun demokratikoa babestea dela euren helburua.
Anduezak esan du euskal sozialismoa "zintzotasunaren eredu" dela
Eusko Jaurlaritzaren lehen urtearen balantzea egiteko Barakaldon egindako ekitaldian euskal sozialisten idazkari nagusiak azpimarratu duenez, "ekintzekin" frogatu da PSE-EEren hauteskunde-programa "ez zela ideien zerrenda hutsa, euskal gizartearekiko benetako konpromisoa baizik".
Ibarrola (UPN): "Chiviteren gobernua azkenetan da, eta irtenbide duin bakarra dimisioa da"
UPNko presidentearen hitzetan, PSNren zuzendaritzaren "duintasuna galdu da jada", baina "Nafarroaren eta nafarren duintasuna jokoan dago, eta horri eutsi egin behar zaio".