Egibarrek esan du EAJk Kataluniako Errepublika aitortuko duela
Joseba Egibar EAJren Eusko Legebiltzarreko bozeramaileak larunbat honetan esan duenez, Katalunian "legitimitateen arteko talka dago", Kataluniako Parlamentuak atzo independentzia deklaratu eta Espainiako Gobernuak Konstituzioko 155. artikulua aplikatu ostean.
Radio Euskadin, Egibarrek "Kataluniako botereen eta erakundeen eskumenen legez kanpoko usurpazioa egitea" leporatu dio Mariano Rajoyren Gobernuari. Halaber, alderdian ez dutela "Kataluniako erakundeen legezkotasunetik ez datorren Kataluniako Parlamentuaren beste berrikuntzarik" onartuko adierazi du.
EAJren bozeramailearen ustez, "zalantzarik ez dago" egoera honi aurre egiteko "Espainiako Estatuaren diseinuan" alderdi politikoren bat legez kanpo uztea sartzen dela, "gaia nahi bezala" izateko.
"Kezkatuta ikusten ari gara elkarrizketari ate guztiak ixten ari direla. Txinparta bat nahikoa da inork nahi ez dituen jarrera zehatzak ikusteko", esan du Egibarrek, eta "Espainiako Estatuari indarra ez erabiltzeko" eskatu dio.
Eusko Legebiltzarrak Kataluniako Errepublika aitortu behar ote duen galdeginda, Egibarrek adierazi du EAJk "beti" errespetatu dituela "Kataluniako legezko erakundeen erabakiak", baita "lagundu" ere, eta etorkizuneko edozein erabaki "norabide horretan" joango dela nabarmendu du.
EH Bilduk legez besteko proposamena aurkeztu du Eusko Legebiltzarrean, Katalunia Estatu independentea dela aitortzen duen lehen erakundea izatea eskatzeko. Pello Urizar alderdiko legebiltzarkideak Radio Euskadiko eztabaidan esan du aitortza hori "zerbait logikoa" dela.
"Estatuko Aldizkari Ofizialak Katalunia desagertu egin dela dioen arren, ez da desagertuko", gaineratu du Urizarrek. "Katalanek aurrera egiten jarraituko dute, Fiskaltzak esaten duena esaten duela ere", azpimarratu du.
Jon Hernandez Elkarrekin Podemoseko legebiltzarkideak "zaila" ikusi du alderdiak Legebiltzarrean Kataluniaren independentzia aitortzea babestea. Kataluniako arazo politikoa "ez da inolaz ere konpondu" ez independentzia deklaratuta, ezta 155.a ezarrita ere.
Eneko Anduezaren (PSE-EE) hitzetan, alderdiak ez du "legez kanpo dagoena" aitortuko, eta 155. artikulua ezarri bada "Puigdemontek hala erabaki" zuelako izan dela gaineratu du. Egibarri "Junqueras gutxiago izatera jokatzeko" eskatu dio, eta "Urkullu gehiago".
Anton Danborenea Euskadiko PPko legebiltzarkideak "zalantza nabarmenak" erakutsi ditu Eusko Legebiltzarreko Mahaiak Kataluniaren independentzia aitortzeko deklarazioa izapidetzeko garaian, "bertan proposatutakoa delitua delako".
Egibarrek "botereen usurpazioaz" hitz egin izana "benetan larritzat" jo du, eta independentzia deklaratzeko bozketa modu sekretuan egitea "koldarra" izan zela esan du.
Zure interesekoa izan daiteke
"Kontrolez kanpo dagoen merkatuan" esku hartzea beharrezkotzat jo du Otxandianok
Euskal Herrian dagoen arazorik larriena eta herritarren kezka nagusia etxebizitza dela nabarmendu du EH Bilduk, eta kritikatu du Jaurlaritzak ez duela egoerak eskatzen duen etxebizitza politikarik ezarri.
Ubarretxenak azpimarratu du "aurrerapausoak" eman direla aireportuen gaineko negoziazioan
Eusko Jaurlaritzaren bozeramaileak eskatu du Euskadik parte hartu ahal izan beharko lukeela 13.000 milioi euroko inbertsioak bideratuko dituen dokumentuan, eta tasei eta estrategiari buruz erabakitzeko ahalmena ere bai.
Alba Garcia: "Harrigarria iruditzen zait EH Bilduk horren arin jotzea euskal eskuinarengana"
Gabriel Rufianek proposatutako ezkerreko aliantzari buruz galdetuta, Alba Garcia Sumarren koordinatzaile nagusiak adierazi du EH Bilduk argi utzi duela hauteskunde-aliantza bat egitekotan EAJrekin elkartuko litzatekeela.
Diez Antxustegi, EAJk PSE-EErekin duen harremanaz: "Politikan ez gaude elkarrekin errietan ibiltzeko; ni ez naiz horrelako borroketan sartuko"
Joseba Diez Antxustegi EAJk Eusko Legebiltzarrean duen bozeramaileak Euskadi Irratiko mikrofonoen aurrean esan du, oro har, egunerokoan PSE-EErekin harremana ona dela. "Egunen batean gustatzen ez zaigun zerbait entzun behar badugu, ba onartu egin beharko dugu, baina gu ez gaude hemen horretarako".
Aireportuetan 13.000 milioi euroko inbertsioa ekarriko duen Aenaren egitasmoan parte hartzen ahaleginduko da Jaurlaritza
Ubarretxenak defendatu du Euskadiko hiru aireportuen inguruko plan estrategikoan Jaurlaritzak zer esana izan behar duela.
Espazio publikoetan burka eta niqab-a debekatzeko Voxen lege proposamenaren alde bozkatuko du PPk
Abascalen alderdiak bultzatutako ekimena astearte honetan eztabaidatuko dute Diputatuen Kongresuan.
Ertzaintzaren aurkako pintaketa gehiago agertu dira Amurrion
Esan sindikatuak gertatutakoa salatu du, eta ertzainei heriotza opatzea "euskal polizien aurkako indarkeria legitimatzen duen mezua" dela adierazi du. Hala, "berehalako eta ñabardurarik gabeko" gaitzespen publikoa eskatu die indar politiko guztiei.
Ubarretxenak astelehen honetan ekingo dio aireportuen eskumena Euskadira eskualdatzeko negoziazioari
Ubarretxenak defendatu du Euskadiko hiru aireportuen inguruko plan estrategikoan Jaurlaritzak zer esana izan behar duela.
Matute (Rufiani ezetz esan ostean): "Beti defendatu dugu ekintza politikoaren batasuna"
EH Bilduk Espainiako Kongresuan duen bozeramailearen ondokoak "ekintza politikoaren batasuna" eta "ekintza elektoralaren batasuna" bereizi ditu, eta esan du "beti" babestuko dutela lehenengoa, eta "eskuin-muturra boterera ez iristeko hainbat ekimen" bultzatzeko konpromisoa hartu dutela.
Berrarmatze nuklearra "apustu arriskutsua" dela esan die Sanchezek NATOko kideei
Municheko Segurtasun Konferentzian egindako hitzaldian, "elkartasunaren, enpatiaren eta lankidetzaren balioetan inbertitzearen alde" egin du Espainiako Gobernuko presidenteak.