Puigdemontek A21erako zerrenda bateratutaren alde egin du
Carles Puigdemont presidenteak Interneteko webgune baten esteka zabaldu du larunbat honetan, abenduaren 21erako zerrenda "bateratu eta transbertsal" baten aldeko sinadurak biltzen ari dena. Twitterren zabaldutako mezuan, kargugabetu eta kartzelaratu dituzten Gobernuko kideen askatasuna eskatu du eta Kataluniako Errepublika defendatu du.
Lamela epaileak bera atxilotzeko euroagindua kaleratu eta 24 ordu baino gutxiagora kaleratu du txio hori. Lamelak espetxeratze agindua ondorengo bost delitu hauengatik eman du: matxinadagatik, sedizioagatik, dirua bidegabe erabiltzeagatik, prebarikazioagatik eta desobedientziagatik.
"Demokrata guztiak bat egiteko garaia da. Kataluniagatik, preso politikoengatik eta Errepublikagatik http://llistaunitaria.cat" argitaratu du Twitterren.
Webgunean zabaldutako mezuak dio A21eko hauteskundeak "2015eko irailaren 27an bezala, eta 2017ko urriaren 1ean bezala, berriz ere unionismoa garaitzeko aukera" direla, eta hauteskunde horietan behin betiko hautua egin ahal izango dela "demokrazia eta inposaketaren artean, alderdi subiranista eta Kataluniako autogobernua suntsitu nahi duten alderdien artean".
Kataluniako gizartean %80ak gatazka hautetsontzien bidez konpondu nahi duela nabarmentzen du testuak eta subiranismoak "erradikaltasun demokratikoaren bidez" zuzendu duela mugimendu hori, mobilizazio baketsuak erabilita.
Zerrenda zibiko, bateratua eta transbertsala
"Aurrean beti izan dugu etsai demokrazia gutxikoa, tranpatia eta bortitza, delituak asmatzen dituzten fiskalen konplize, eta demokratikoki aukeratutako buruzagi zibil eta politiko errugabeak kartzelaratuz giza eskubideak urratzen dituzten epaileen konplize" dio testuak.
Espainiako nazionalismoak jazarpen judiziala eta lintxamentu pertsonala bultzatu dituela ere aipatzen du testuak eta une honetan "hauteskundeetarako fronte subiranista zabala" behar dela nabarmentzen du, "alderdien koaliziotik haratago joango dena", zerrenda zibiko, bateratua eta trasbertsala sortuz.
"Siglen gainetik, eta unionisten Estatu kolpearen aurrean, demokrazia defendatu beharra daukagu" idatzi dute webgunean zabaldutako testuan, eta urriaren 1eko erreferenduma defendatu zutenek alianza hau babestu beharko luketela zehaztu.
Atxikimendua eman dutenen artean daude Miquel Buch ACM Kataluniako Herrien Elkarteko presidentea, Ferran Mascarell Generalitatearen Madrilgo ordezkari kargugabetua, Ramon Tremosa PdeCateko eurodiputatua, Xavier Trias Bartzelonako alkate ohia, Pilarin Bayes ilustratzailea eta Ada Parellada sukaldaria, besteak beste.
Albiste gehiago politika
Autobus batek Nafarroa eta Gipuzkoa zeharkatuko ditu, Mikel Zabalzaren oroimenez
Gazte nafarra hilik agertu zen Bidasoa ibaian 1985ean, Guardia Zibilak atxilotu eta 20 egunera.
Israeli arma enbargoa ezartzea onartu du Espainiako Gobernuak
Edonola ere, errege dekretuak klausula bat aurreikusten du, eta, horren arabera, salbuespen kasuetan eta Estatuaren interesaren eta interes orokorraren izenean, Ministroen Kontseiluak Israelekin merkataritza harremanak baimendu ahalko ditu.
Goiak Donostiako autobus geltokiko kafetegia lekuz aldatzea proposatu du, itxarongunea handitzeko
Donostiako alkatearen arabera, "garai batean aurreikusi zen gaur egun instalazio hori erabiltzen duten autobus askok, Gasteiz eta Bilbo jatorri-helmuga dutenek, desagertuko zirela 'euskal Y' abiadura handiko trenaren zerbitzua martxan jartzean", baina "asko atzeratzen" ari da. "Ez dakigu zein urtetan erabili ahal izango dugun abiadura handiko trena", deitoratu du.
Eusko Jaurlaritzak adierazi du Txiki eta Otaegi biktimak direla, eta eskatu du urteurrena ez dezatela instrumentalizatu
"'Txiki' eta Otaegi gobernu frankistak fusilatu zituen, biktimak dira, eta giza eskubideen urraketa onartezina jaso zuten, baina urteurren hau ezin da instrumentalizazio gisa erabili", adierazi du Maria Ubarretxena Eusko Jaurlaritzaren bozeramailea gobernu bilareraren osteko prentsaurrekoan.
Jon Goikolea, Arkautiko akademiako zuzendari berria
Goikolea Juan Mari Atutxaren eskuineko eskua izan zen Segurtasun sailburu izan zen urteetan. Miren Dobaranek abuztuan utzi zuen kargua, Amaya Angulo zuzendariordearekin batera. Biek urtebete eskas egin zuten postuan.
"Txiki eta Otaegi ez ziren heroiak ezta martiriak izan": Fernando Buesa Fundazioak eta Covitek fusilamenduen urteurrenean ETA goratzea salatu dute
Bi elkarteek, halaber, ohar bateratu bidez, erakunde publiko, lokal, autonomiko eta estatuko guztiei eskatu diete "pertsona horien omenezko ekitaldiak ez sustatzeko eta ez babesteko".
Pirinio Atlantikoetako Prefeturak Ipar Euskal Herriko lau udal auzitara eraman ditu, Palestinako bandera zabaltzeagatik
Funtzio publikoak jokatu behar duen neutraltasunaz ez jardutea leporatzen die Urruña, Ozaze, Izura eta Itsasuko udalei. Ipar Euskal Herriko beste lau herriko etxek ere zabaldu dute Palestinako bandera, eta ikusteko dago Prefeturak horien aurkako auzibidea hasten duen ala ez.
Imanol Pradales lehendakariak jarrera "irmoagoa eta batuagoa" eskatu dio Europar Batasunari Gazako sarraskiaren aurrean
Gazako sarraskiaren aurrean, Europak “jarrera irmoagoa eta batuagoa” behar duela esan du gaur goizean Imanol Pradales lehendakariak, Europar Batasunak Espainian dituen enbaxadoreei egindako harreran. Tartean, Alemania, Italia, eta Herbehereetako enbaxadoreak zeuden, Palestinako estatua aitortu ez dutenak. Lehendakariak dioenez, jarrera irmoagoa ez izateak “sinesgarritasuna kentzen dio” Europar Batasunari.
Ipar Euskal Herriko hamar bat herrik Palestinako bandera eskegi dute, debekuaren gainetik
Pirinio-Atlantikoko prefekturak Palestinako bandera udaletxetik kentzera behartu zion Mauleko udalari, Frantziako Errepublikako printzipioak urratzen zituela argudiatuz. Debeku horren aurrean, Ipar Euskal Herriko hamar bat herrik bandera eskegi dute elkartasunez. Horien artean daude, Urruña, Itsasu, Izura, eta Baigorri.
Arabako Aldundiak biozientzien sektorerako pizgarri fiskalak aztertuko ditu
Proposamen hori ikus-entzunezkoen industriarako indarrean dauden pizgarri fiskalen antzekoa da, eta produkzio-kostuaren gaineko kenkariak jasotzen ditu, besteak beste.