Uxue Barkosek foru erregimenaren defentsa sutsua egin du Nafarroaren Egunean
Uxue Barkos Nafarroako prosidenteak sutsuki defentatu du Nafarroako foru erregimena Erkidegoaren ospakizun egunean. Nafarroako Urrezko Domina eman ostean, komunikabideen aurrean egindako agerraldian, Estatuarekiko Konbenio Ekonomikoa "elkartasun eta ardura ariketa anbiziotsua" dela esan du.
11:15ean Uxue Barkosek lore-eskaintza egin du aintzineko Errege-Jauregiaren ondoan dagoen monolitoan, Nafarroako Artxibo Orokorraren kanpoaldean, Nafarroko Erreinuaren omenezko tokian, alegia. Barkosekin batera, Ainhoa Aznarez Nafarroako Parlamentuko presidentea eta Iruñeko, Tuterako, Estella-Lizarrako, Zangozako eta Oliteko alkateak izan dira.
Ondoren, 12:00etan, Nafarroako Foru Erkidegoko bandera egin zuten Arturo Campion, Hermilio de Oloriz eta Julio Altadill historialariei Nafarroako Urrezko domina eman diete. Horien oinordekoek jaso dute saria.
UPN, PSN, PPN eta I-Ek kritikatu egin dute historialari horiei ematea domina eta ez dira ekitaldian izan. Barkosek, ordea, esan du Campion, Oloriz eta Altadillekin "zorra" zuela Nafarroak eta horiei egin zaizkien kritikak euren garaiko testuinguruan kokatu behar direla.
Aktualitateari errepasoa
Agerraldi hori dela eta, Nafarroako presidenteak urtero errepasatzen ditu egunerokotasuneko gaiak. Hala, etorkizunari "baikor, ilusioz eta itxaropenez" begiratzen diola adierazi du Barkosek, Nafarroak ahalegina, elkartasuna, gizarte justizia eta kohesioa ardatz dituen bide garbia abiatu duela esan ostean.
Testuinguru horretan, Uxue Barkos kezkatuta agertu da hainbat sektorek eta autonomia erkidegok egunotan "Nafarroako foru erregimenari demogogia handiz egindako erasoagatik", bestelako arazoak alde batera utzi gabe: langabezia, lan ezegonkortasuna, genero indarkeria eta nazioarteko terrrismoa, besteak beste. Horren aurrean, "tinko" defendatu du sistema nafarra. "Etengabe eraikitzen ari diren tresna solidarioa eta arduratsua" dela babestu du. Halaber, ez dela sistema "pribilegiatua" aldarrikatu du, eta are gutxiago, "insolidarioa".
Ekitaldi kulturalak
Kultur-egitarauari dagokionez, doako sarrera izango duen Nazioen Jaialdia aipa dezakegu. "Elkarbizitza eta eztabaida dira garatutako gizartearen oinarrizko baloreak", zioen jaialdiaren egitarauak, "komunikazioan eta herrien arteko topaketan oinarritzen dira elkarrizketa, hezkuntza, aitorpena, elkartasuna eta errepespetua". Gauzak horrela, Nafarroako Ereserkiak hasiera eman dio jaialdiari, Atarrabiako San Andres Abesbatzaren eskutik, eta jarraian Nafarroako Arabiar Kulturako Elkarteak eta Emakumezko Afrikarrek, besteak beste, emanaldiak eta dantzak eskaini dituzte.
13:00etan Nafarroako 91 udalerritan ere beste hainbat emanaldi izan dira, Nafarroaren Egunaren harira.
Eta arratsaldean, Nafarroako Orkestra Sinfonikoak eta hainbat artista gaztek kontzertua egingo dute Baluarten.
Zure interesekoa izan daiteke
Patxi Lopezek Feijori egotzi dio ETAren biktimen "erabilera zikina"egitea
PSOE eta PP alderdien arteko ika-mika gogorra izan da gaur Espainiako Diputatuen Kongresuan. Patxi Lopez sozialisten eledunak Behe Ganberan Alberto Nuñez Feijoo PPko buruari leporatu dio ETAren biktimen "erabilera zikina" egitea.
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.
Diez Antxustegik beharrezko ikusten du Tubos Reunidosen "zorra berrantolatzea", eta industria indartzeko deia egin du: "Gure babes soziala da"
EAJren Eusko Legebiltzarrerako bozeramaileak, Joseba Diez Antxustegik, Radio Euskadin azpimarratu du Tubos Reunidos enpresaren zorra “berrantolatzeko” beharra, irtenbidea emateko. “Merkatua badu, baina likidezia arazoak ditu”, adierazi du. Horrekin batera, nazioarteko egoera zailaren aurrean industria bultzatzearen beharra nabarmendu du: “Euskadin, gure babes soziala gure babes industriala da”. Azkenik, euskararen kudeaketaz enplegu publikoaren eskaintzetan, alderdi politikoek arau berri bat adosteko “ardura” dutela adierazi du, eta "segurtasun juridikoaren" beharraz mintzatu da.