EH Bilduk aurkeztutako osoko zuzenketak atzera botako dituzte Legebiltzarrean
2018rako EAEko Aurrekontuen proiektuari EH Bilduk eta Elkarrekin Podemosek egindako osoko zuzenketa atzera botako du astelehen honetan Eusko Legebiltzarrak, EAJren, PSE-EEren eta PPren botoek lagunduta.
Joan den azaroaren 29an Eusko Jaurlaritzaren (EAJ-PSE) eta PPren artean adostutako aurrekontu-itunari esker, Jaurlaritzak 30 milioi euroko aldaketak sartuko ditu aurrekontuetan eta, horren truke, aurrekontuei aurkeztutako osoko zuzenketen aurka bozkatuko du PPk.
Akordio horren ondorioz, EAEko Aurrekontuen bozketan Alderdi Popularra abstenitu egingo da, eta Aurrekontuak onartu egingo dituzte Gasteizko Ganberan. Iazko aurrekontuak onartzeko adostutako itun bera da aurtengoa, eta Bizkaiko, Arabako eta Gipuzkoako fiskalitatea erreformatzeko EAJk, PSE-EEk eta PPk lotutako beste akordio baten ostean itxi zuten.
Asteleheneko saioan, EAEko Aurrekontuen proiektuari egindako zuzenketak bozkatuko dira. Saioa 09:30ean hasiko da, eta Eusko Jaurlaritzak proiektua aurkeztuko du. Jarraian, osoko zuzenketa bakoitzaren aldeko eta kontrako 30 minutuko txandak izango dira. Aurrekontuak Jaurlaritzari itzultzea ala ez bozkatuko dute gero, eta eztabaidan parte hartu ez duten talde legebiltzarkide bakoitzak 5 minutuko txanda izango du ondoren.
Zuzenketak
2018rako Aurrekontu Legearen proiektuari osoko zuzenketa aurkeztuko ziola iragarri zuen EH Bilduk. Koalizioaren hitzetan, EAJk "ateak itxi" zizkion balizko akordio bati, "tematuta" baitzegoen PPri eta, oro har, 155. artikulua babesten duten alderdiei "men egitearekin".
Zure interesekoa izan daiteke
UCO unitateko agenteek ez dituzte galderak erantzun Nafarroako Parlamentuko ikerketa batzordean, Auzitegi Gorenak hala aginduta
Santos Cerdan, Jose Luis Abalos eta Koldo Garcia auzipetzea eragin duen auziari sekretua kendu diotela azaldu du UCO unitateko agenteetako batek, Adolfo Araiz EH Bilduko bozeramaileak egindako galderaren harira.
Kongresura iritsi da burka eta niqab-a debekatzeko asmoa: PP eta Vox alde daude, baina Juntsek kontra bozkatuko du
Kataluniako alderdiak iragarri du lege proiektu propioa aurkeztuko duela espazio publikoetan belo integrala erabiltzea debekatzeko.
Eneko Andueza: "Ez ditut Estebanen adierazpenak ulertzen, Pradalesek eta Itxasok dena konpondu ostean"
Eneko Andueza PSE-EEko idazkari nagusiak "Egun on Euskadi" saioan adierazi duenez, Denis Itxaso sailburuak Imanol Pradales lehendakaria kritikatzean "marra gorria gurutzatu" zuela esanez Aitor Estebanek egindako adierazpenek, ez dute ezer onik ekartzen.
"Kontrolez kanpo dagoen merkatuan" esku hartzea beharrezkotzat jo du Otxandianok
Euskal Herrian dagoen arazorik larriena eta herritarren kezka nagusia etxebizitza dela nabarmendu du EH Bilduk, eta kritikatu du Jaurlaritzak ez duela egoerak eskatzen duen etxebizitza politikarik ezarri.
Ubarretxenak azpimarratu du "aurrerapausoak" eman direla aireportuen gaineko negoziazioan
Eusko Jaurlaritzaren bozeramaileak eskatu du Euskadik parte hartu ahal izan beharko lukeela 13.000 milioi euroko inbertsioak bideratuko dituen dokumentuan, eta tasei eta estrategiari buruz erabakitzeko ahalmena ere bai.
Alba Garcia: "Harrigarria iruditzen zait EH Bilduk horren arin jotzea euskal eskuinarengana"
Gabriel Rufianek proposatutako ezkerreko aliantzari buruz galdetuta, Alba Garcia Sumarren koordinatzaile nagusiak adierazi du EH Bilduk argi utzi duela hauteskunde-aliantza bat egitekotan EAJrekin elkartuko litzatekeela.
Diez Antxustegi, EAJk PSE-EErekin duen harremanaz: "Politikan ez gaude elkarrekin errietan ibiltzeko; ni ez naiz horrelako borroketan sartuko"
Joseba Diez Antxustegi EAJk Eusko Legebiltzarrean duen bozeramaileak Euskadi Irratiko mikrofonoen aurrean esan du, oro har, egunerokoan PSE-EErekin harremana ona dela. "Egunen batean gustatzen ez zaigun zerbait entzun behar badugu, ba onartu egin beharko dugu, baina gu ez gaude hemen horretarako".
Aireportuetan 13.000 milioi euroko inbertsioa ekarriko duen Aenaren egitasmoan parte hartzen ahaleginduko da Jaurlaritza
Ubarretxenak defendatu du Euskadiko hiru aireportuen inguruko plan estrategikoan Jaurlaritzak zer esana izan behar duela.
Espazio publikoetan burka eta niqab-a debekatzeko Voxen lege proposamenaren alde bozkatuko du PPk
Abascalen alderdiak bultzatutako ekimena astearte honetan eztabaidatuko dute Diputatuen Kongresuan.
Ertzaintzaren aurkako pintaketa gehiago agertu dira Amurrion
Esan sindikatuak gertatutakoa salatu du, eta ertzainei heriotza opatzea "euskal polizien aurkako indarkeria legitimatzen duen mezua" dela adierazi du. Hala, "berehalako eta ñabardurarik gabeko" gaitzespen publikoa eskatu die indar politiko guztiei.