Lander Martinez izango da Euskadiko Ahal Duguko idazkari nagusi berria
Lander Martinez izango da Euskadiko Ahal Duguko idazkari nagusi berria abenduaren 8tik 14ra bitartean egin diren hauteskunde primarioetan nagusitu ostean. Lander Martinez irabazlearen eta bigarren gelditu den Maria Valienteren arteko aldea oso txikia izan da (131 boto), eta, beraz, oposizioak ordezkaritza zabala izango du Hiritarren Kontseiluan.
Horrela, Lander Martinez sektore ofizialeko hautagaiak botoen % 38,27 lortu ditu. Maria Valiente sektore kritikoko hautagaiak bozen % 32,76 eskuratu ditu.
Martinezek 910 boto eskuratu ditu, eta Maria Valientek (Pablo Iglesiasen korrontekoa), berriz, 779 boto. Hirugarren tokian, lehen bi hautagai horiengandik urruti, Neskutz Rodriguez korronte antikapitalistaren hautagaia gelditu da, 204 botorekin (% 16,90). Beste hiru hautagaitza izan dira, idazkaritza nagusirako zein kontseilurako.
Hiritarren Kontseilua
Podemosen Hiritar Batzorde Autonomikoa osatzeko, antzeko banaketa izango da: Martinezek aurkeztutako "Guztiok bat" zerrendak 17 eserleku izango ditu, Maria Valienteren "Denontzat" zerrendak, 14; eta Neskutz Rodriguezen "Zurekin martxan" izenekoak, 3. Aurrez aurreko botoen bitartez beste lau aukeratzen dira.
Hainbat kritiko bere zerrendan barneratu baditu ere, Lander Martinezek 131 botoko aldea atera dio bigarrenari, ia-ia Nagua Albak aurreko barne hauteskundeetan atera zuen alde berdina. Martinezen zerrendak lortu du babes zabalena aurkeztu diren sei zerrenden artean, baina oposizioak indar handia izango du Hiritarren Kontseiluan, aldeak txikiak baitira.
Era berean, Hiritarren Kontseiluan garaipena lortu du idazkari nagusi berriaren hautagaitzak. Nahiz eta gehiengoa izan, idazkari nagusiaren asmoa Valienteren taldea zuzendaritza berrian barneratzea da, hautagaitzako iturrien arabera.
Nagua Alba orain arteko idazkari nagusiak emaitzen berri eman du prentsaurrekoan. Argazkia: EFE
Alba: "Emaitzak aniztasunaren argazkia dira"
Nagua Alba diputatuak emaitzen berri eman du prentsaurrekoan. Albaren ahotan, emaitzak Euskadiko Ahal Duguko "aniztasunaren argazkia dira". Duela bi urte bera aukeratu zuteneko "antzeko" emaitzak, "gutxi gorabehera", errepikatu direla uste du orain arteko idazkari nagusiak.
Euskadin alderdia indartzeko eta zabaltzeko, "erronka zuzentzeko onenak" aukeratu dituztela adierazi du Albak, 2019ko udal eta foru hauteskundeei eta 2020ko autonomikoei begira.
Barne-hauteskundeetan 2.439 militantek parte hartu dute, alderdiko kideen % 23,47, aurreko prozesuetan baino gutxiago.
Zure interesekoa izan daiteke
Txomin Letamendi, frankismoan torturen ondorioz hildako gudaria, omendu dute ostiral honetan Ondarroan
Gogora Institutuak frankismoaren biktimatzat aitortu berri du; izan ere, Letamendi, orain 75 urte hil zuen polizia frankistak, Madrilen, torturatua. EAJko kide eta frankismoaren kontrako erresistentziaren ikur izan zen. Haren gorpua berreskuratu ondoren, Artxandan zabaldu zituzten bere errautsak.
Sanchez: "Oso albiste ona da, herritarrengan eragina duten gaiak sustatzeko estrategia indartzen du eta"
Espainiako Gobernuko presidenteak balioan jarri du lehendakariak Makroeskualde Atlantikoa abian jartzeko egindako lana, sinergiak sustatuko baititu parte hartzen duten eskualdeen artean, hala nola azpiegiturak, konektibitatea edota komunikazioak hobetzeko.
Otegi, "harrituta" EAJren eta PSE-EEren isiltasunaren aurrean, PPk "benetako asmoak" erakutsi ostean
Koalizio abertzalearen idazkari nagusiak adierazi du harrituta jarraitzen duela "24 orduren ostean, EAJ edo PSE-EE bezalako indarren isiltasunarekin". Bere arabera, hemen "ez dago arazo bat EH Bilduren eta PPren artean: bloke atzerakoia da Euskal Herriarekin arazo bat duena".
Arabako Batzar Nagusiek 2026ko aurrekontuen proiektua onartu dute, EAJren, PSEren eta Elkarrekin Podemos-IUren botoekin
Datorren urterako aurrekontuak onartu egin dira Elkarrekin Podemos-IUren babesaren ostean, osoko zuzenketa kendu eta Foru Gobernuarekin akordio batera iritsi baitzen, Arabako egoitza pribatuen inguruan ados jarri ondoren.
Gipuzkoako foru gobernuak 2026ko aurrekontuak onartu ditu Elkarrekin Podemosen babesarekin
Gutxiengoan agintzen den koalizio gobernuak (EAJ eta PSE-EE) oposizioko talderen baten babesa behar zuen datorren urteko aurrekontuak aurrera ateratzeko. Legegintzaldiko bigarren aurrekontuak izango dira: iaz PPren babesarekin eta aurten Elkarrekin Podemosekin.
Urdaibaiko Guggenheim proiektua baztertzeko erabakia hizpide izan dute Eusko Legebiltzarrean
Pello Otxandianok esan du eskualdean egindako entzuketa aktiboko prozesua heldutasun ariketa izan dela, etorkizunerako adibide izan beharko lukeena. Lehendakariak, berriz, gogora ekarri ditu ezker abertzaleak bere garaian Bilboko Guggenheim proiektuaren aurka egin zituen adierazpenak.
Eusko Jaurlaritzak "kontuz ibiltzeko" eskatu du, Euskadi "Espainiako eredu politikoarekin kutsa ez dadin"
Radio Euskadin egindako elkarrizketa batean, Euskadin aurkari politikoa ulertzeko eta errespetatzeko dagoen gaitasuna azpimarratu du Ibone Bengoetxeak. Bere iritziz, ordea, "kontu handiz ibili behar da etengabeko polarizazio eta liskar saiakerekin". Ildo horretatik, Jaurlaritza prest agertu da entzuteko, hitz egiteko eta akordioak lortzeko.
Lehendakariak "arduragabekeriatzat" jo du ostegun honetan Eusko Legebiltzarrean izandako polemika
Imanol Pradales lehendakariak EH Bilduk eta PPk Eusko Legebiltzarrean izandako eztabaida gogorra izan du hizpide.
Zein da Atlantikoko Makroeskualdearen helburua?
Atlantikora begira dauden eskualdeak Europar Batasunean duten eragina indartzeko ideiak hamarkadak daramatza mahai gainean. Orain, Bruselak urrats bat gehiago eman du eta lurralde horiek guztiak bilduko dituen egitura komun bat sortzea aztertzen ari da.
Makroeskualde Atlantikoa martxan jartzea "berri pozgarria" da Pradalesen ustez, "Euskadiren pisu politikoa handitzen duelako"
Imanol Pradales lehendakaria pozik agertu da Europako buruzagiek atzo emandako pausoarekin. Izan ere, 2027ko ekainean beranduenez, Makroeskualde Atlantikoa bultzatzeko estrategia garatzeko eskatu zioten Europako Batzordeari.