Inbestidura-saiora joateko epailearen baimena eskatuko du Puigdemontek
Carles Puigdemontek, JxCaten Generalitaterako hautagaiak, epailearen baimena eskatuko du asteartean Kataluniako Parlamentuan egingo den inbestidura-saiora joateko.
Josep Rull JxCateko diputatuak iragarri du, Catalunya Ràdio irratian eskainitako elkarrizketan. Rullek azaldu duenez, datozen orduotan eskatuko du baimena, Auzitegi Konstituzionalak eskatutakoaren arabera. Konstituzionalaren planteamendua "harrigarria" dela esan du diputatuak, "ohikoak ez diren kautelazko neurriekin". "Osoko-bilkurak indarrean" jarraitzen duela azpimarratu du Rullek. Bestalde, Konstituzionalaren erabakia "Soraya Saenz de Santamariari aurpegian emandako zaplastekoa" dela gaineratu du.
Auzitegi Konstituzionalaren erabakia
Auzitegi Konstituzionalak aho batez larunbat gauean ebatzi zuenez, asteartean Kataluniako Parlamentuan izango den inbestidura-saioa baliogabetuko du, baldin eta saioan ez dagoen presidentegai bat izendatzen saiatzen badira; hau da, Konstituzionalak galarazi egin du Puigdemonten inbestidura telematikoa.
Iturri juridikoek jakitera eman dutenez, Espainiako Gobernuak jarritako helegitea tramitean onartu ala ez erabaki aurretiko kautelazko neurria izango litzateke Konstituzionalak erabakitakoa. Halaber, Roger Torrent eta Mahaiko gainerako kideak ohartarazi ditu Auzitegi Konstituzionalak, erabakia ez errespetatu eta Puigdemonten inbestidurarekin aurrera jarraituz gero, jokabide horri dagozkion ardurak (baita penalak ere) nork bere gain hartu beharko dituela adieraziz.
Bestalde, "nahiz eta Parlamentura joan, epailearen baimena beharko du Puigdemontek inbestidura egiteko". Izan ere, "Kataluniako presidente ohia bilatu eta atxilotzeko agindua indarrean egonda, ezinbesteko baldintza da, eta Puigdemont hori betetzeko prest dago", Rullen esanetan.
JXCATek ez du hautagai alternatiborik aurkeztuko Konstituzionalaren epaiaren ostean
Eduard Pujol JxCATeko bozeramaileak adierazi duenez, independentismoak ez du presidente izateko Carles Puigdemont ez den beste hautagairik aurkeztuko astearteko inbestidura-saioan. Izan ere, "demokraziarentzat B planik ez dutela" berretsi du, "B plana demokrazia gehiago baita".
Pujolen esanetan, Auzitegi Konstituzionalak "zuzenbide Estatua suntsitu du" atzo hartutako erabakiarekin, Soraya Saenz de Santamaria Espainiako presidenteordearen dimisioa eskatzeaz gain.
Kataluniako Parlamentuaren aurrean adierazitakoaren arabera, "demokrazia baldintzapeko askatasun prebentiboan" mantentzea dakar atzoko erabakiak. "Adjektibatutako edozein demokrazia ez dela demokrazia" gaineratu du.
Alabaina, Konstituzionalaren erabakiak Santamariaren proposamen politikoak "guztiz garaitu" dituela dio Pujolek; hortaz, "koherentziaz" jokatu dezala eskatu dio Saenz de Santamariari, "berehala dimisioa eman dezan".
Bestalde, atzoko erabakiaren aurkako helegitea aurkeztea pentsatzen ari direla azaldu du Gemma Geis Junts Per Catalunyako diputatuak. Estrasburgoko Giza Eskubideen Epa
Zure interesekoa izan daiteke
Hauteslekuak zabaldu dituzte Aragoin
Guztira 1.036 325 herritarrek dute boto eskubidea. Igande honetako hauteskundeek Aragoiko Gorteetako osaera berria zehaztuko dute.
Hauteskunde eguna dute Aragoin, PP-Vox lehia nola geratuko den ikuskizun
Hauteslekuak 09:00etan zabaldu dituzte, eta 1,03 milioi pertsonak dute botoa emateko eskubidea. Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, beraz, ultraeskuina beharko du gobernatzeko.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.
Sailburuak alarmismoetan ez erortzeko eskatu du, eta iraungitako txertoak segurtasunerako mehatxu ez direla ziurtatu du
Eusko Jaurlaritzako Osasun sailburuak EH Bilduk eta Voxek egindako galderei erantzun die ostiral honetan Eusko Legebiltzarrean egindako kontrol saioan.
Garikoitz Aspiazu 'Txeroki' ETAko buruzagi ohia astelehenetik ostiralera aterako da espetxetik
2008an atxilotu zuten Frantzian, eta 400 urtetik gorako zigorra betetzen ari da hainbat atentaturengatik. 2024an, Frantziako Lannemezango espetxetik Martuteneko espetxera eraman zuten.
Pradalesek eta Sanchezek adostuta, aurki goi mailako bilerak egingo dituzte Aldebiko Lankidetza Batzordeak eta Kontzertu Ekonomikoaren Batzorde Mistoak
Urtarrilaren 27ko bileran Espainiako presidentearekin adostutako bi hitzordu horiek Aste Santua heldu baino lehen izango direla iragarri du lehendakariak, eta errespetuan eta erantzukizunean oinarritutako politika egiten jarraituko dutela erantsi du.