Anna Gabriel Suitzan dago defentsa prestatzen, CUPen arabera
Anna Gabriel Kataluniako Parlamentuko CUPeko diputatu ohia Genevan (Suitza) dago, alderdiko beste hainbat kiderekin. "Defentsarako estrategia" gisa antolatutako bidaia dela azaldu dute antikapitalistek, datorren asteazkenean Auzitegi Gorenean deklaratzeko duen deialdiaren aurrean.
Alderdiak ohar batean azaldu duenez, prozesu independentista dela eta prozedura judizialetan dauden karguak defendatzeko abiatutako 'Ni una más' kanpainaren baitan egindako bidaia da.
CUPek ez du argitu Gabrielek asteazkenean deklaratzera joateko asmoa duen ala ez: "Datorren asteartean, otsailaren 20an, emango dugu otsailaren 21ean Auzitegi Nazionalean aurreikusitako deklarazioaren inguruko informazio oro".
Gabriel Suitzan dagoela esanez 'El Periódico' egunkariak larunbatean argitaratutako informazioaren ondoren kaleratu du agiria CUPek. Kataluniako hedabide horren arabera, garai batean ETAko kideak defendatu zituen abokatu batekin hitz egin du Gabrielek, estradizio gaietan aditua. Halaber, deklaratzera ez joateko aukera aztertzen ari dela azaldu du egunkariak.
Bestalde, "Giza Eskubideen Europako Auzitegian eskubide zibilak eta politikoak defendatzen jarduten duten erakunde eta abokatuekin hitz egiteko beharra" defendatu dute antikapitalistek.
Horrez gain, justiziak orain arte hartutako erabakiak kritikatu ditu CUPek. Izan ere, kautelazko neurriak, fidantza handiak, Estatutik irteteko debekuak, lau buruzagiri ezarritako baldintzarik gabeko espetxe-zigorrak eta bestelako zigorrek botere judizialaren "inpartzialtasuna"agerian uzten dutela argudiatu dute.
Anna Gabriel: "Independentismoa politikoki jazartzeko modu berriak daude"
Anna Gabrielek, bere aldetik, "independentismoa politikoki jazartzeko modu berriak" daudela eta eremu berrietara iristen ari dela ohartarazi du gaur goizean.
CUPeko Endavant taldeak Reusen egindako IX. Biltzarrean jarritako audio batean egin ditu adierazpenok. Antolakuntza horretako kidea da Gabriel.
Endavanteko militanteak animatzeaz gai, barkamena eskatu du ekitaldira ez joateagatik, baina ez du argitu asteazkenean deklaratzera joango den ala ez: "Erabakia hartuta duen jendea zarete, konbentzituta zaudete. Zintzoak eta eskuzabalak zarete. Horregatik Endavanteko militante izateaz harro nagoenez, tokitxo bat eduki nahi izan dut gaurko bileran".
Horrez gain, datorren larunbatean, otsailaren 24ean, Sallenten (Bartzelona) bere alde egingo den ekitaldi bateko kartela partekatu du Twitter bidez, honako mezu honekin: "Larunbatean ikusiko dugu elkar, jazarpen politikoaren aurka".
Albiste gehiago politika
Cerdanek asteazkeneko bere deklarazioa bertan behera uzteko eta uztailera atzeratzeko eskatu dio epaileari
Auziaren konplexutasuna eta duen oihartzun soziala aipatu ditu idatzian buruzagi sozialista ohiaren abokatuak, data atzeratzea eskatzeko.
Eusko Jaurlaritzak azken hamar urteetako kontratu publikoak berrikusiko ditu
Imanol Pradales lehendakariak azaldu duenez, ez dute ustelkeria zantzurik edo susmorik aurkitu, ezta UCOren txostenean aipatzen diren enpresekin kontraturik ere.
Abalosek azpimarratu du Cerdan eta Garciaren ustelkeria “dinamika” Nafarroatik zetorrela eta “erabili” egin zutela
Garraio ministro ohiak Ser irrati kateari eskaini dion elkarrizketan azaldu duenez, Cerdanek eta Koldok ministerioan jarri zuten eta ondoren “presio” egin zioten kontratazio publikoetan "eragiteko".
PSNk gaur aukeratuko du Alzorrizen ordezkoa, azken horrek Cerdan auziagatik dimisioa eman ondoren
Atzo zabaldutako ohar batean, Servinabarrek ukatu egin zuen Santos Cerdanekin inolako loturarik duenik, eta nabarmendu zuen ikertzaileek ez dutela orain arte delitu zantzurik ikusi enpresaren jardunean.
Servinabarrek ukatu egin du Santos Cerdanekin inolako loturarik duela
Enpresa eraikitzaileak gogorarazi duenez, ez diote deliturik leporatu "ez UCOren txostenean", ezta ikerketa judizialean ere. Gainera, Antxon Alonso Egurrola administratzailearen eta Cerdanen arteko harremana "pertsonala" eta "bakoitzaren jarduera profesionaletatik kanpokoa" dela gaineratu du.
Zazpi ministro sozialisten eta PPko hainbat buruzagi ohiren datu pertsonalak argitaratu ditu ultraeskuineko Telegram talde batek
Mezu horiek agertu diren Telegram taldeak 92.000 jarraitzaile baino gehiago ditu, eta Alvise Perezen jarduera politikoarekin lotutako argitalpenak zabaltzeko erabiltzen dute erabiltzaileek, baita Espainiako Gobernuari eraso egiteko edo mezu xenofoboak zabaltzeko ere.
PSNk, Geroa Baik, Zurekin Nafarroak eta EH Bilduk ikerketa batzordea osatzea adostu dute
Cerdan auziko azken berriak ezagutu ondoren adostu dute neurria. Guardia Zibilak egindako txostenean agertzen diren enpresei egin zaizkien esleipenak aztertuko ditu batzordeak eta uda honetan bertan hasiko da lanean.
Sanchezek neurri "sendoak" ezarri behar dituela eta "ausardiaz" jokatu behar duela azpimarratu du EH Bilduk
Mertxe Aizpurua EH Bilduk Kongresuan duen bozeramaileak ostegun honetan Kongresuko osoko bilkurara heldu denean zehaztu duenez, Pedro Sanchez presidenteak ustelkeriaren aurkako neurri "sendoak" ezarri behar ditu, eta "ausardiaz" jokatu behar du, "EH Bilduren babesa izaten jarraitu nahi badu".
Eneko Andueza konbentzituta dago 'Koldo auziak' ez duela PSE-EEn eraginik izango
PSOE eta Nafarroak Alderdi Sozialista astintzen ari den ustezko ustelkeria kasuaren aurrean, Eneko Andueza PSE-EEko idazkari nagusia konbentzituta dago ez duela eraginik izango Euskadiko Alderdi Sozialistan. Halaber, sozialistak kritikatzen ari direnei zuhur jokatzeko gomendioa egin die. Izan ere, horren esanetan, orain fokoa sozialisten gainean badago ere, litekeena da auzia beste alderdi batzuengana ere zabaltzea.
Maria Chivite: "Erortzen dena erortzen dela esan nuen, eta betetzen ari naiz"
Ramon Alzorriz PSNren idazkariorde nagusi eta Parlamentuko bozeramailearen dimisioaren ostean, Maria Chivite Nafarroako Gobernuko presidenteak agerraldia egin du hedabideen aurrean, eta adierazi du berak ez duela "dimititzeko argudiorik".