Fiskaltzak Igerategi eta Otañori Andoainen egindako harrera ikertuko du
Auzitegi Nazionaleko Fiskaltza Iñaki Igerategi eta Inaxio Otaño presoei atzo Andoainen egindako harrera ikertzen ari da, terrorismoa goratu ote zen ala ez argitzeko.
Epaitegietako iturriek jakinarazi dutenez, Fiskaltzak ikerketa bat abiatu du terrorismoa goratu ote zen jakiteko eta datozen orduetan horri buruzko txostena eskatuko dio Poliziari. Delitu zantzurik topatuz gero, Auzitegi Nazionalaren esku utziko du informazioa.
Halaber, Espainiako Gobernuak Euskal Autonomia Erkidegoan (EAE) duen ordezkaritzak iragarri duenez, ongietorri ekitaldiari buruzko txostena bidaliko dio Auzitegi Nazionaleko Fiskaltzari, ekitaldi horretan biktimak eta herritarrak, oro har, umiliatu zituztelakoan.
Javier de Andres Espainiako Gobernuak EAEn duen ordezkariak gaur kazetarien aurrean azaldu duenez, litekeena da terrorismoa goratu eta biktimak umiliatu izana, eta, hori dela eta, bere iritzia eman behar du Fiskaltzak.
Igande honetan aske utzi dituzte Iñaki Igerategi eta Inaxio Otaño preso andoaindarrak. Auzitegi Nazionalak sei urteko kartzela-zigorra ezarri zien ZIP taldeko kide izateagatik eta ETAri informazioa emateagatik. Andoainera iritsitakoan, senide eta lagunak zain zituzten. Metro gutxi batzuetara, berriz, PPko hainbat ordezkarik protesta ekitaldia egin zuten.
PPko hainbat ordezkarik protesta egin zuten. Argazkia: EFE
Iñaki Igerategi eta Inaxio Otaño preso andoaindarrei atzo Andoainen egindako harrerak erreakzio soka luzea eragin du.
Iñigo Urkullu lehendakariak errotik baztertu ditu horrelako harrera ekitaldiak, biktimak bi aldiz biktima bihurtzen dituztela iritzita. Gainera, Eusko Legebiltzarrak horren inguruan argi eta garbi hitz egin beharko lukeela gaineratu du.
Arkaitz Rodriguez Sortuko idazkari nagusiaren iritziz, PPk atzo Andoainen egindako protesta ekitaldia alderdi horrek "gatazka armatuaren txiklea luzatzeko" duen interesaren baitan kokatu behar da.
Amaya Fernandez Euskadiko PPko idazkari nagusiak Radio Euskadin adierazi duenez, ETAko presoei egindako ongietorriek ez diote mesederik egiten elkarbizitzari. Hori dela eta, ekitaldi horiek ez errepikatzeko beharrezkoa den guztia egingo dutela azpimarratu du.
Bestalde, Andoaingo Alderdi Sozialistak harrera ekitaldia gaitzesteko mozioa aurkeztuko du Udalean, eta Ana Karrere Andoaingo alkatearen isiltasuna ere salatu du.
Zure interesekoa izan daiteke
Milaka gazte independentista bildu dira Abadiñoko Gazte Topagunean
Gaurtik igandera bitartean, mahai inguruak eta kontzertuak izango dira ekitaldi nabarmenenak. Amaiur Egurrola Ernaiko bozeramaileak esan du "Euskal Herrian ditugun erronken aurrean gazteok dugun paperaz gogoeta egiteko" balioko duela topaguneak eta ondo pasatzeko deia egin die parte-hartzaile guztiei.
Otegik dio estatus berriaren inguruan akordioa badago, jauzi kualitatiboa emateko izango dela
(Naiz-ek utzitako irudiak). Arnaldo Otegik dio ezin duela ziurtatu estatus berriaren inguruan akordioa egongo denik jeltzale, sozialista eta beraien artean, baina egotekotan urrats kualitatibo bat emateko izango dela. Halaber, EH Bilduk gero eta boto gehiago jasotzen dituen alderdia dela nabarmendu du, eta ziurtatu du denbora kontua dela agintera iristea.
'Aberria bizi' lelopean ospatuko du EAJk Aberri Eguna igandean, Bilbon, "garena aldarrikatzeko"
"Euskadi lurralde bat edo izen bat baino gehiago izatea" eskatu dute jeltzaleek, nazioarteko ordena kolokan dagoen testuinguruan, "aberri bizia garela eta egunero bizi dugula aldarrikatzeko".
Pradalesek euskara hutsean esku hartu du Parisko Senatuan, euskal autogobernua aldarrikatzeko
Lehendakariak goi-mailako bilera batean parte hartu du Frantziako Senatuan, Regions de Francek antolatuta, Frantziako eskualdeetako ordezkarien aurrean, lurralde-ereduari eta eskualdeek Europan duten zereginari buruz eztabaidatzeko. Bertan, autonomia finantzarioa defendatu du, ardatz atlantikoa indartzearen alde egin du eta euskal eredua aurkeztu du Europako desafekzio politikoaren eta ultraeskuinaren gorakadaren galga gisa.
Zergatik ospatzen da Aberri Eguna? Jatorria, non eta Irlandan… eta Sizilian
Lehen Aberri Egunaren atarian argitaratutako Jesus Zabala buruzagi jeltzalearen artikulu batek data hautatzeko arrazoiak jaso zituen. Mikel Aizpuru historialariak ospakizunaren jatorria aztertu du.
Manuel Hernaez Ruidiaz milizianoaren gorpuzkiak identifikatu dituzte Zornotzako hilerrian
Matutekoa (Errioxa) jaiotzez, Bilboko bizilaguna zen eta Izquierda Republicanako Zabalbide batailoian borrokatu zuen Gerra Zibilean. Haren 91 urteko alabak emandako DNA laginari esker lortu da identifikazioa.
Baxoa euskaraz egiteko aldarrikapena Asanblea Nazionalera eraman dute Seaskako ikasleek
Peio Dufau eta Paul Molac diputatuek gonbidatuta, entzunaldi batean parte hartu dute euskal ikasleek Bretainiakoekin batera.
Lemoako alkatearen aurkako pintadak gaitzetsi ditu Udalak, eta, mehatxuen aurrean, "elkarrizketaren eta bizikidetzaren alde" egin du
Udal taldeek "elkarbizitzarekin, errespetuarekin eta parte-hartze demokratikoarekin" duten konpromisoa berretsi dute, eta "Lemoaren izaera ireki eta pluralaren alde" egin dute, "herri gisa" batzen gaituzten "balio komunitarioak indartzeko".
Maria Ubarretxena: "Aenako funts pribatuaren interesekin zerikusi gutxi dute gure eskakizunek, guk zerbitzu publikoaren alde egin nahi dugu"
Jaurlaritzak Espainiako Gobernuarekin egindako akordioari Aenak jarritako helgitearen aurrean, Gobernu-bozeramaileak esan du ulertu egiten duela "beste aldearen jarrera"; izan ere, Aenaren % 51 Estatuarena bada ere, gainerako partean (% 49) funts pribatuak daude, eta horiek etekinak nahi dituzte. Azpimarratu duenez, euskal aireportuetarako inbertsioak azpiegiturak hobetzera eta "hegaldi eta konexio gehiago lortzera" bideratu nahi lituzke Jaurlaritzak, eta ez funts pribatu horiei etekin handiagoak ekarriko lizkeketeen kafetegi eta dendetara.
Pradalesek euskararen ofizialtasuna Europan defendatuko du, Frantziako Senatuan euskaraz egingo duen hitzaldian
Lehenengo aldiz izango da lehendakari bat Frantziako goi-ganberan, eta agertoki sinboliko hori baliatuko du, euskararen ofialtasunaren defentsan babes instituzional zabalagoa eskatzeko.