Artur Mas fidantzarik gabe aske gelditu da, hiru orduz deklaratu ostean
Pablo Llarena Auzitegi Goreneko epaileak fidantzarik eta kautelazko neurririk gabe aske utzi du Artur Mas Generalitateko eta PDeCAT alderdiko presidente ohia, ikertu gisa hiru orduz deklaratu eta gero. Iturri juridikoek azaldu dutenez, Gorenak aldiro agertzeko eskatu dio eta Masek eskaera onartu du.
Herri akusazio gisa jardun duen Vox alderdiak 60.000 euroko fidantza jartzea, hamabost egunean behin epailearen aurrean agertzea eta pasaportea erretiratzea eskatu du. Fiskaltzak, ostera, ez du publikoki jakinarazi zer jarrera hartu duen.
Artur Mas 09:20an hasi da Pablo Llarena Auzitegi Goreneko epailearen aurrean ikertu gisa deklaratzen. Kataluniako independentzia deklarazioa "sinbolikoa" izan zela esan dio epaileari, baina urriaren 1eko erreferenduma benetakoa izan zela. Bestalde, beste ikertu batzuekin zenbait bileratan parte hartu zuela onartu du, baina bilera "politikoak" zirela nabarmendu du. Bestalde, prozesu subiranistari lotutako batzorde estrategikorik ez zegoela esan du.
Lau pertsona espetxean daudela kontuan izanda ezin duela pozik egon azaldu du kazetarien aurrean. Haren arabera, baina, "gauzen egia" epaileari azaltzen saiatu da, eta prozesu subiranistan erakundeek herriari jarraitu diotela eta herriaren erabakitzeko eskubidea babestu besterik ez dutela egin esan du.
Matxinada, sedizioa eta diru publikoa bidegabe erabiltzea leporatzen dio Kataluniako prozesu subiranistaren kontrako auzia daraman Llarena epaileak. Horren ostean, Neus Lloveras Independentziaren aldeko Udalerrien Elkarteko (AMI) presidente ohi eta Vilanova i la Geltru (Bartzelona) udalerriko alkateak deklaratu du ikertu gisa. Ordu eta erdiko deklarazioaren ostean, fidantzarik gabe aske gelditu da. Gainerako ikertuei bezala, matxinada, sedizioa eta diru publikoa bidegabe erabiltzea leporatzen dio epaileak Lloverasi.
Ez Fiskaltzak ez herri akusazioak (Vox) ez dute haren kontrako kautelazko neurririk eskatu. Galdeketan, urriaren 1eko erreferendumean Udalek izan zuten eginkizunaz itaundu diote. Akusazioaren esanetan, erreferendumean parte hartzea gomendatu zien Udalei, nazioarteko tratatuetan oinarrituta eta debekuei muzin eginda.
Neus Lloveras Auzitegi Gorenera heldu den unea. Argazkia: EFE
Mas 08:45 zirenean heldu da Auzitegi Gorenera, bere abokatua, emaztea eta Marta Pascal PDeCATeko burua lagun zituela. Marta Pascalek berak atzo deklaratu zuen Pablo Llarena epailearen aurrean.
PDeCATeko eta ERCko beste hainbat kide joan dira Gorenera Mas eta Lloveras babestera: Jordi Xucla, Miriam Noguera eta David Bombei (PDeCAT), Teresa Jorda eta Bernat Picornell (ERC), eta Jorgi Gaseni AMIko presidenteordea, besteak beste.
Horiez gain, talde falangista bateko kideak ere bildu dira Gorenaren aurrean "separatistak ilegalizatu" lelopean. Gainera, Mas igaro denean "traidore" deitu eta bere tokia espetxean dagoela oihukatu diote.
Artur Mas eta Neus Lloveras ez dira Auzitegi Gorenera ikertu gisa deklaratzera deitu dituzten bakarrak.
Anna Gabriel CUPeko ordezkariak gaur iragarri du ez dela asteazkenean deklaratzera joango Auzitegi Gorenera: "Ez naiz Madrilera joango".
Atzo Pablo Llarena epaileak Marta Rovira ERCko idazkari nagusia aske utzi zuen, 60.000 euroko fidantza jarrita. Bestalde, Marta Pascal PDeCATeko koordinatzaile nagusia ere aske geratu zen, baina kautelazko inolako neurririk gabe.
Zure interesekoa izan daiteke
Accionako presidentearen aurka eginbideak irekitzea eskatu du Fiskaltzak, Nafarroako Ikerketa Batzordera joan ez zelako
Birritan deitu du Nafarroako Parlamentuak Jose Manuel Entrecanales enpresaria eta bietan huts egin du hitzordura. Fiskaltzaren arabera, desobedientzia delitutzat har daiteke.
Patxi Lopezek Feijori egotzi dio ETAren biktimen "erabilera zikina"egitea
PSOE eta PP alderdien arteko ika-mika gogorra izan da gaur Espainiako Diputatuen Kongresuan. Patxi Lopez sozialisten eledunak Behe Ganberan Alberto Nuñez Feijoo PPko buruari leporatu dio ETAren biktimen "erabilera zikina" egitea.
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.