Colauk, Torrentek eta Generalitateak planto egingo diote erregeari Mobile Congressen
Ada Colau Bartzelonako alkateak, Generalitateko hiru ordezkarik eta Roger Torrent Kataluniako Parlamentuko presidenteak planto egingo diote bihar, igandea, Felipe VI. erregeari Mobile World Congress (MWC) kongresuaren harrera ekitaldian. Hori dela eta, Espainiako Gobernuaren eta alderdi konstituzionalisten kritikak jaso dituzte.
Colauk eta Torrentek, adibidez, ez dute harrera ofizialean parte hartuko, baina erregearekin kointzidituko dute inaugurazioko afarian eta ekitaldi instituzionalean. Generalitetako hiru ordezkari, ordea, ez dira ez harrerara ezta afarira ere joango.
Erregeak urriaren 1eko erreferendumean izandako jarrera dela eta hartu duela erabakia argudiatu du Bartzelonako alkateak. Colauren iritziz, Felipe VI.ak "jarrera gogorrenekin eta errepresiboenekin" bat egin zuen.
"Ez diot ohore egingo Kataluniarekin duen harremana gainbegiratu beharko lukeen errege bati", azpimarratu du Colauk. Ondoren aipatu duenez, "errespetu instituzionalak eta hezierak ez dute zerikusirik ohore egitearekin, Katalunia bizitzen ari den demokraziaren atzerapen unean".
Kritikak
"Itxurakeriak alde batera utzi eta bartzelonarren eta hiriaren interesen alde lanean hastea" eskatu dio Espainiako Gobernuak Bartzelonako alkateari.
Xavier Garcia Albiol Kataluniako PPko presidenteak gogor kritikatu du Colau, erregeari "planto" egiteagatik. Haren aburuz, "hauteskundeetarako interesak eta sentimendu independentista" lehenetsi ditu, zeregin instituzionalaren aurretik.
Bestalde, Miquel Iceta PSCko buruzagiaren esanetan, "Colauk betebehar instituzionala ahazten jarraitzen du, akatsak pilatzen eta hiria kaltetzen. Bartzelonak ez du merezi".
Azkenik, "Colauk ez duela aktibista gisa izan zuen zeregina gainditu" uste du Carina Mejias Ciudadanos alderdiak Bartzelonako Udalean duen ordezkariak, eta "beste behin ere independentisten aginduetara" ari dela.
Zure interesekoa izan daiteke
Hauteskunde eguna dute bihar Aragoin, PP-Vox lehia nola geratuko den ikuskizun
Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, beraz, ultraeskuina beharko du gobernatzeko. Hain zuzen ere, gorakada aurreikusi diete Vox, Chunta Aragonesista (CHA) eta IU-Sumar alderdiei; PSOEk, aldiz, behera egingo du, betiere galdeketen arabera.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.
Sailburuak alarmismoetan ez erortzeko eskatu du, eta iraungitako txertoak segurtasunerako mehatxu ez direla ziurtatu du
Eusko Jaurlaritzako Osasun sailburuak EH Bilduk eta Voxek egindako galderei erantzun die ostiral honetan Eusko Legebiltzarrean egindako kontrol saioan.
Garikoitz Aspiazu 'Txeroki' ETAko buruzagi ohia astelehenetik ostiralera aterako da espetxetik
2008an atxilotu zuten Frantzian, eta 400 urtetik gorako zigorra betetzen ari da hainbat atentaturengatik. 2024an, Frantziako Lannemezango espetxetik Martuteneko espetxera eraman zuten.
Pradalesek eta Sanchezek adostuta, aurki goi mailako bilerak egingo dituzte Aldebiko Lankidetza Batzordeak eta Kontzertu Ekonomikoaren Batzorde Mistoak
Urtarrilaren 27ko bileran Espainiako presidentearekin adostutako bi hitzordu horiek Aste Santua heldu baino lehen izango direla iragarri du lehendakariak, eta errespetuan eta erantzukizunean oinarritutako politika egiten jarraituko dutela erantsi du.
Albiste izango dira: Urteko lehen kontrol saioa Eusko Legebiltzarrean, Errege Kopako finalerdien zozketa zuzenean eta Leonardo ekaitza
Gaurkoan Orain-en albiste izango direnen laburpena, bi hitzetan.