Generalitatea berrezarri eta errepublika aktibatzeko manifestazioa deitu du ANCk
ANCk VI. ohiko batzar orokorra egin du gaur Bartzelonan. 3.000 bat bazkidek hartu dute parte, eta martxoaren 11n manifestazio handi bat egiteko deialdia adostu dute. Mobilizazioaren helburua Kataluniako Gobernua berria sortzeko akordioa lortzeko presioa egitea izango dela azaldu dute antolatzaileek, "botere eraginkorra" izan behar duela uste baitute, "errepublika aktibatzeko".
Bestalde, ANCko kideek pertsona 'no grata' izendatu dute Espainiako erregea, Bartzelonan egingo den Mobile World Congress batzarrera egingo duen bisitagatik. Horrez gain, gaur egungo idazkaritza nagusiak aurkeztutako 'bide orria' bozkatu dute.
Era berean, 2018-2019 urteetarako kudeaketa, ekonomia eta aurrekontu arloko txostenak onartu dituzte, ANCk ohar batean azaldu duenez.
Independentismoaren bide orriak, "baketsua eta indarkeriarik gabekoa" izanik, ANCren estrategia dibertsifikatzea aurreikusi du, hiru ardatzetan oinarrituta: soziala, martxoaren 11ko manifestazioarekin; nazionala, 155 artikulua baliogabetu eta Gobernu legitimoa berrezarrita, kartzelan dauden buruzagi independentistak aske utzita, eta Bruselan "erbesteratutako" politikariak itzulita.
Martxoaren 11rako deitutako manifestazioa Bartzelonako Drassanesetan hastea aurreikusi dute, eta Kataluniako Parlamentuaren egoitza dagoen Ciutadellako parkearen ateetan amaitzea. "Gobernua" osatzeko akordioa eskatuko dute.
Gaur batzarrean Carles Puigdemontek Bruselatik bidalitako bideoa eskaini dute, eta orain dela gutxira arte erakundeko presidentea izandakoaren hitz batzuk ere entzun dituzte. Jordi Sànchezek Soto del Realeko espetxetik bidali du mezua.
Puigdemonten eta Jordi Sànchezen mezuak
Puigdemontek urriaren 1eko ondarea bizirik mantentzea eskatu du, baita urriaren 27an Kataluniako Parlamentuan erabaki eta abenduaren 21ean "berretsitakoa", hori baita "errepublika independiente baterako bidea".
Sànchezek, bere aldetik, ANC babestearen alde egin du, "errepublika itxuran egituratutako estatu kataluniar independientearen aldeko herrialdearen zeharkakotasunaren hari gorri handia" delako. Halaber, "guardia ez galtzeaz" gain, erakunde gisa exijentzia mantentzea aldarrikatu du, baita ordezkari politikoekin ere.
Albiste gehiago politika
Nafarroako herri lanak ikertzeko batzordeak 40 pertsona deituko ditu
Horien artean, Antxon Alonso, Koldo Garcia eta Santos Cerdan daude, baina atzera bota dituzte Maria Chivite, Uxue Barkos, Yolanda Barcina edo Jose Luis Abalosek agerraldia egiteko eskaerak. Agerraldiak urriaren erdialdean hasiko dira.
Santos Cerdanek errugabea dela adierazi du: "Ez dut UCOk esan duen ezer egin"
'La Vanguardia' hedabideak egindako elkarrizketa batean, PSOEko Antolakuntza idazkari ohiak esan du bera ez dela Koldo edo Jose Luis Abalosekin izandako elkarrizketetan egon, eta gaineratu du hura ez omen dela bere ahotsa.
Nafarroako PPren presidenteak curriculumeko datu faltsu bat zuzendu du Parlamentuaren webgunean
'Diario de Noticias' egunkariaren arabera, Javier Garciak bere fitxa aldatu du Nafarroako Parlamentuan, inoiz egin omen ez duen gradu baten izena aldatzeko.
De Andresek EAJri eta PSEri ohartarazi die ez dela bateragarria EH Bilduren "bikotekide izatea" eta poliziari eraso egiten dietenen aurka egotea
EAEko PPren presidenteak "etikoki argiago" jokatzea eskatu die bi alderdiei, "ezinezkoa delako" koalizio abertzalearen "bikotekide izan", eta Ertzaintzari eraso egiten diotenen "aurka" daudela esatea.
PPk onartu du Madrilgo Biltzarraren presidenteorde Ana Millan ez dela Politika Zientzietan lizentziaduna
Noelia Nuñez popularrak, Jose Maria Angel Valentziako sozialistak eta Ignacio Higuero Extremadurako kontseilariak dimisioa eman dute azken asteetan, euren ikasketei buruzko informazio ofiziala faltsua omen da eta.
Maider Etxebarriak EH Bilduri leporatu dio "hautesleen zati bati aurre egin nahi ez izatea" eta GKSri "hauspoa ematea"
Maider Etxebarria Gasteizko alkateak EH Bilduri leporatu dio "hautesleen zati bati aurre egin nahi ez izatea" eta GKS kolektiboari "hauspoa ematea", Ertzaintzari "zilegitasuna kendu" baitio. Alkateak hitzok esan ditu Radio Euskadin egindako elkarrizketa batean, uztailaren 23an izandako istiluei buruz galdetuta.
Sare eta Etxerat elkarteek Bizkaiko eta Gipuzkoako 11 hondartzatan egin dute mobilizazioa
Urteroko ekimena izan dute gaur, Sare eta Etxerat elkarteek deituta, Gipuzkoako eta Bizkaiko 11 hondartzatan. Elkarbizitzarako jauzia egin ahal izateko, ETAko preso, iheslari eta deportatuen auziari behin betiko konponbidea ematea ezinbestekotzat jotzen dute. Biktimek horrenbeste merezi eta behar duten egia, aitortza eta erreparazioaren garrantzia ere azpimarratu dute.
Maider Etxebarria Gasteizko alkatea: "Asko poztuko ninduke jaien amaieran zero erasoren balantzea egin ahal izateak"
2025eko Andre Maria Zuriaren jaien atarian, festak "bizikidetzatik eta errespetutik, alaitasun eta ilusio handiz bizitzeko" deia egin die Gasteizko alkateak herritarrei eta bisitariei.
EAEko Justizia Auzitegi Nagusiko presidentea: "Zenbait sektorek ez diote modu argi batean indarkeria politikoari zilegitasunik kendu"
Hainbat gazteen eta ertzainen artean azken asteetan izandako istiluei buruz, Iñaki Subijana EAEKo Justizia Auzitegi Nagusiko presidenteak adierazi du "lehia bat" dagoela "Zuzenbide-Estatuaren eta Estatu beraren artean". "Biktima-justiziaren esparruan ezartzen ari garen neurrien inguruko hausnarketa egitera behartzen gaituzte", ondorioztatu du.
Bertan behera geratu da Puyko jaitsiera, bigarren urtez jarraian
Txosnek jai-eremu tradizionala aldarrikatu dute jaitsieraren kalean, udalaren debekuaren aurrean: "Jaiak herriarenak dira". Gogoratu beharra dago Udalak bigarren urtez jarraian debekatu duela hirigunean txosnen jai-esparrua jartzea, kanpoaldera mugituz.