Hurrengo astelehenerako deitu du Torrentek Sanchezen inbestidura-saioa
Rogert Torrent Kataluniako Parlamentuko presidenteak Jordi Sanchezen inbestidura-saioa deitu du jada, datorren astelehenerako, 10:00etan. Sanchez Generalitateko presidente izateko hautagaia da, baina kartzelan dago.
Hala, Jordi Sanchezek (Junts per Catalunyaren bigarrena) gaur goizean bertan eskatu die saiora joateko baimena Auzitegi Gorenari eta Konstituzionalari, edo behintzat inbestidura joateko baimena ematea, berea eta bere taldearen borondatea "indarrean dagoen araudia" errespetatzea dela argudiatuta.
Defentsak auzitegietan aurkeztutako idazkietan, aske uztea edo "inbestidura-saioan egon" ahal izatea eskatu dio Pablo Llarena epaileari, bere eskubide politikoak, eta bere hautesleriarenak, bermatzeko.
Aurkeztutako idazkien arabera, Sanchezen hautagaitza bera "Auzitegi Konstituzionalaren erabakiak errespetatzeko borondatearen froga argia da, nahiz eta edukiarekin ados ez egon".
Horren ildotik, Jordi Sanchezek eta gainerako kideek indarkeriaz matxinatu nahi izan balute, "argi dago ez luketela hauteskundeetara aurkeztea edo Autonomia Gobernuaren Presidentetzarako hautagaitza proposatzea erabakiko".
Lehen bozketan inbestidura onartzeko ganberaren gehiengo osoaren babesa behar du hautagaiak, hau da, gutxienez 68 diputatuk alde bozkatu beharko dute.
Gehiengo osoa erdietsiko ez balu, bigarren eztabaida egin beharko litzateke -bi egun geroago- eta horretan gehiengo sinplea beharko luke, bestera esanda, aldeko botoak kontrakoak baino gehiago izatea.
Catala: "Bere zereginak betetzeko moduan egon beharko litzateke"
Rafael Catala Justizia ministroak adierazi duenez, Kataluniako Generalitateko presidentegaia bere zereginak betetzeko moduan egon beharko litzateke.
CEOEk eta Ekonomisten Kontseiluak antolatutako ekitaldi batean parte hartu baino lehen, Catalak adierazi du Pablo Llarena Auzitegi Goreneko epaileari dagokiola ANCren buruak egin duen eskariaren inguruan hitz egitea.
"Mesede egingo genioke Justiziari iritzirik emango ez bagenu gauzen inguruan; epailea da erabakia hartu behar duena. Lanean utzi behar zaio, independentzia osoarekin, irizpide juridikoekin eta berak beharrezkotzat jotzen duenarekin, orain arte bezala", gaineratu du ministroak.
Justizia ministroa, artxiboko irudi batean. Argazkia: EFE
Zure interesekoa izan daiteke
Accionako presidentearen aurka eginbideak irekitzea eskatu du Fiskaltzak, Nafarroako Ikerketa Batzordera joan ez zelako
Birritan deitu du Nafarroako Parlamentuak Jose Manuel Entrecanales enpresaria eta bietan huts egin du hitzordura. Fiskaltzaren arabera, desobedientzia delitutzat har daiteke.
Patxi Lopezek Feijori egotzi dio ETAren biktimen "erabilera zikina"egitea
PSOE eta PP alderdien arteko ika-mika gogorra izan da gaur Espainiako Diputatuen Kongresuan. Patxi Lopez sozialisten eledunak Behe Ganberan Alberto Nuñez Feijoo PPko buruari leporatu dio ETAren biktimen "erabilera zikina" egitea.
Laugarren xedapen iragankorra indargabetzeko tramitea hasi du UPNk
Cristina Ibarrola UPNren presidenteak lege-proposamen bat aurkeztu du Nafarroako Parlamentuan: Konstituzioa erreformatzea eta xedapena ezabatzea eskatu nahi die Gorte Nagusiei.
Eneko Andueza: “Osasun Ministerioari elkarrizketa gehiago izatea eskatu behar zaio, grebari amaiera emateko”
Eneko Andueza PSEren idazkari nagusia kritiko agertu da Monica Garcia Osasun ministroarekin, medikuen grebaren harira. Adierazi duenez, Osasun Ministerioak “elkarrizketa gehiago eta lankidetza” sustatu behar ditu grebarekin amaitzeko. Bestalde, Euskadi Irratiko "Faktoria" saioan adierazi du ez duela “inolako aukerarik ikusten” EH Bildurekin akordio batera heltzeko euskara Administrazioan arautzen duen legearen inguruan. “EH Bildurekin ez dago tarterik, eta, EAJrekin, ikusteko dago”.
Javier De Andres: "Euskararen exijentzia maila euskal gizarteak benetan eskain dezakeenaren gainetik dago"
Euskadiko PPren presidentearen arabera, "eskatzen den euskara maila euskal gizarteak benetan eman dezakeena baino handiagoa da. Ez dago abokaturik, ez dago osasun-langilerik, ez dago gai jakin batzuetan eskatzen den kualifikazio profesionala duen langilerik, eta, gainera, euskara eskakizuna egiaztatuta duenik", eta horrek langile publikoen behin-behinekotasun tasak areagotzen ditu. Haren ustez, "arazoa da nazionalismoaren eskakizun ideologikoak euskal gizarteak Administrazioan euskararen arloan benetan bete dezakeenaren gainetik" daudela.
Sanchezek Aznarren aurka egin du Espainia Irakeko gerran sartzeagatik, eta Iranekin "akats bera ez egitea" eskatu du
Espainiako Gobernuko presidenteak ohartarazi du Iran Irak baino askoz ere indartsuagoa dela militarki eta ekonomikoki, eta gerraren ondorioak larriagoak izango direla adierazi du.
GOIDIa ikertzen duen epaileak Mazon lekuko gisa deklaratzera deitu du
Horrez gainera, "borondatez" egun hartako telefono-deien zerrenda eta mezuak ikerketarako emateko eskatu dio. Biktimek espero dute presidente ohiak egia esateko "ohorea" izango duela oraingoan.
Marisol Iparragirre "Anboto"-ri espetxe araudia aplikatu zaiola esan du Ubarretxenak
Eusko Jaurlaritzaren bozeramaileak azaldu duenez, Iparragirrerekin gainerako presoekin jokatzen duten moduan jokatu dute, eta adierazi du dela inolako neurri berezirik hartu. Aipatu du ulertzen dutela ETAren biktimei eragiten dien mina. Hala ere, gogorarazi du neurri horrek gizarteratzea duela helburu. Marisol Iparragirre Martuteneko kartzelatik atera da astearte honetan, erdi-askatasuneko erregimenean: astean zehar egunez irten ahal izango da espetxetik, lan egiteko, eta gauean itzuli beharko du. Asteburuetan ez da aterako.
Autonomo txikiak BEZetik salbuestea da Juntsek jarri duen baldintza, krisiaren aurkako dekretua babesteko
Miriam Nogueras Juntsek Diputatuen Kongresuan duen bozeramaile aurreratu du krisiaren aurkako dekretuaren alde bozkatuko dutela, baldin eta PSOEk neurrien artean sartzen badu 80.000 euro baino gutxiago fakturatzen duten autonomoek BEZ zerga ez ordaintzea.
Eusko Jaurlaritzak adierazi du EHUk iragarritako protokoloa “labur" geratzen dela “mehatxu-jarrerei” aurre egiteko
Juan Ignacio Pérez Iglesias sailburuak jarrera horien ardura duten taldeak ez aipatzea aurpegiratu dio Errektoretzari, eta IAS aipatu du.