Jordi Turullek ez du babes nahikoa lortu presidente izendatzeko
Jordi Turull Junts per Catalunyaren hautagaiak ez zuen atzo babes nahikoa lortu inbestidura saioaren lehen bozketan gehiengo absolutua eskuratu eta Generalitateko presidente izendatzeko, arratsaldean iragarri zuten moduan, CUPeko lau parlamentariek abstentzioaren hautua egin zutelako eta oposiziko taldeek kontra bozkatu dutelako.
Bost ordutik gorako iraupena izan zuen inbestiduraren lehen saioak. Agerraldiak amaituta, gaueko 22:00ak aldera, egin zuten bozketa. Turullek JxCATen eta ERCren babesa izan zuen (64 boto); Ciudadanos, PSC, Catalunya en Comu-Podem eta PPC, berriz, kontra agertu ziren (65 boto); eta CUPeko lau parlamentariak abstenitu egin ziren.
Roger Torrent Kataluniako Parlamentuko presidenteak jakinarazi zuenez, inbestiduraren bigarren bozketa larunbat honetan, 10:00etan, egingo dute. Araudiaren arabera, 48 ordu igaro behar dira lehen eta bigarren bozketaren artean.
Bestalde, saio hori kolokan egon daiteke; izan ere, Jordi Turullek gaur Auzitegi Gorenean deklaratu behar du eta baliteke magistratuak behin-behinean espetxeratzeko agindua ematea.
Nolanahi ere, larunbateko bozketan Turullek gehiengo sinplearen babesa eskuratzea nahiko izango luke Generalitateko presidente izateko. Horrenbestez, JxCATek eta ERCk CUPeko bi parlamentarik gutxienez Turullen alde bozkatzea behar dute.
CUPek gaur erakutsi duen jarrerari eusten badio, aukera bakarra ondokoa litzateke: Bruselan dauden Carles Puigdemontek eta Antoni Cominek euren eserlekuei uko egitea eta haien ordez botoa eman dezaketen beste bi diputatu sartzea. Puigdemontek eta Cominek gaurko saioan ez dute botorik eman, Bruselan daudelako.
Kasu horretan JxCATek eta ERCk 66 boto izango lituzkete eta horrekin nahikoa izango litzateke Turull bigarren bozketan Generalitateko presidente izendatzeko.
Edonola ere, atzoko inbestidura saioarekin atzeranzko kontaketa hasi zen eta presidentea izendatzeko epea maiatzaren 22an amaituko da. Ordurako presidenterik ez badago, hauteskunde berriak deitu beharko dituzte Katalunian. Hauteskunde horiek uztailaren 15ean izan litezke.
Zure interesekoa izan daiteke
Hauteskunde eguna dute Aragoin, PP-Vox lehia nola geratuko den ikuskizun
Inkesten arabera, PPk irabaziko ditu berriro hauteskundeak, baina aurrekoetan baino babes gutxiagorekin, eta, beraz, ultraeskuina beharko du gobernatzeko. Hain zuzen ere, gorakada aurreikusi diete Vox, Chunta Aragonesista (CHA) eta IU-Sumar alderdiei; PSOEk, aldiz, behera egingo du, betiere galdeketen arabera.
Ruben Mugicak "memoria galdu izana" egotzi dio Sanchezi "gaizkileen oinordekoak bazkide bihurtzeagatik"
ETAk duela 30 urte hildako Fernando Mugica Herzog buruzagi sozialistaren senitartekoek, erakundeetako ordezkariek eta PSE-EEko kideek omenaldia egin diote gaur Donostiako Polloe hilerrian. Ekitaldian, Ruben Mugica semeak Pedro Sanchez kritikatu du "memoria galdu izana" eta "gobernuaren ekintza merkatu txiki bat bihurtu izana" egotzita. Horren ustez, "gaizkileen oinordekoak bazkide" egin ditu Sanchezek, eta ezberdin pentsatzen dutenei "faxista" deitu. Era berean, terrorismoaren biktimak berdin tratatzeko eskatu du, eta ezker abertzaleari "ezagutzen dituzten terroristen izen-abizenak jakinaraztea".
EH Bilduk salatu du Espainiako Estatuak ez duela oraindik aitortu Martxoaren 3an izan zuen parte-hartzea
EH Bilduk martxoaren 3ko sarraskiaren 50. urteurrena gogoratzeko antolatu duen kartelen erakusketa inauguratu du Gasteizko egoitzan. 1976ko langileen erreibindikazioek egun ere erreibindikazio izaten jarraitzen dutela salatu, eta garai hartan bezala gaur ere diktadoreak daudela esan dute, besteak beste Trump eta Milei aipatuz. Egia, justizia eta erreparazioa aldarrikatu, eta Espainiako Gobernuari ardurak aitortzeko eskatu diote berriz ere.
Juntsek ezkutu sozialaren aldeko botoa ematea espero du EAJk
Berrerorle eta etxegabetzeen inguruan EAJk Madrilen itxi dituen akordioek populismoaren aurrean politika egiteko beste modu bat badagoela erakusten dutela adierazi du Maribel Vaquero Kongresuko bozeramaileak. Jeltzaleek moderazioa eta zentraltasuna ordezkatzen dutela esan du, eta Podemosek azkenik babes sozialaren alde bozkatuko duela jakin eta gero, Junts ezezkotik ateratzea espero duela gaineratu du.
Aberri Egunaren aldeko ekitaldian parte hartzeko deia egin du Euskal Herria Batera ekimenak; martxoaren 28an, Lizarran
Aberri Eguna jai ofizial eta ospakizun egun bihurtzea eskatu dute antolatzaileek. "Nazio bat gara eta nazioek nazio izaera ospatu eta aldarrikatu behar dute. Gainerakoek bezala, guk ere gauza bera egin behar dugu", aldarrikatu dute.
Iriarte, zerga turistikoaz: "Berandu iritsi den neurri bat da, baina aztertu eta erantzukizunez jokatuko dugu"
EH Bilduren Gipuzkoako bozeramaileak esan du koalizio abertzaleak aspaldi eskatu zuela neurri hori. "Dena den, zerga turistiko bat ez ezik, turismo ereduari buruzko hausnarketa bat ere behar dugu", nabarmendu du.
Sailburuak alarmismoetan ez erortzeko eskatu du, eta iraungitako txertoak segurtasunerako mehatxu ez direla ziurtatu du
Eusko Jaurlaritzako Osasun sailburuak EH Bilduk eta Voxek egindako galderei erantzun die ostiral honetan Eusko Legebiltzarrean egindako kontrol saioan.
Garikoitz Aspiazu 'Txeroki' ETAko buruzagi ohia astelehenetik ostiralera aterako da espetxetik
2008an atxilotu zuten Frantzian, eta 400 urtetik gorako zigorra betetzen ari da hainbat atentaturengatik. 2024an, Frantziako Lannemezango espetxetik Martuteneko espetxera eraman zuten.
Pradalesek eta Sanchezek adostuta, aurki goi mailako bilerak egingo dituzte Aldebiko Lankidetza Batzordeak eta Kontzertu Ekonomikoaren Batzorde Mistoak
Urtarrilaren 27ko bileran Espainiako presidentearekin adostutako bi hitzordu horiek Aste Santua heldu baino lehen izango direla iragarri du lehendakariak, eta errespetuan eta erantzukizunean oinarritutako politika egiten jarraituko dutela erantsi du.
Albiste izango dira: Urteko lehen kontrol saioa Eusko Legebiltzarrean, Errege Kopako finalerdien zozketa zuzenean eta Leonardo ekaitza
Gaurkoan Orain-en albiste izango direnen laburpena, bi hitzetan.